Bir gün dünyaya gələn insan bir gün də onu tərk edir. Bu iki gün arasındakı ömür payında onun gördüyü işlər, əməllər,dediyi sözlər, düşündüyü fikirlər,
iştirak etdiyi hadisələr insanların xatirəsində qalır. Elə insanlar vardır kı, onlar haqqında xatirələr insanların qəlbinə təsir edir və göz yaşlarına səbəb olur. Belə insanlardan biri də Daxili İşlər Nazirliyi (DİN) Daxili Qoşunlarında müxtəlif vəzifələrdə xidmət etmiş, peşəkarlığı,
səmimiyyəti, işgüzarığı ,iradı və mənəvi keyfiyyətləri ilə seçilən, Azərbaycan Respublikasının müharibə veteranı olmuş, mayor Kərimov Yaşar Kərim oğlu əgər yaşasaydı 2025-ci ilin aprel ayının 1-də 59 yaşlnı qeyd edəcəkdir .
Azərbaycan Respubilkasının müharibə veteranı olmuş- mayor Kərimov Yaşar Kərim oğlu 1966-cı ilin aprel ayının 1-də Masalli rayonun Hacıtəpə kəndində zəhmətkeş bir ailədə anadan olmuşdur .
Əhətəsində olan insanların, döyüşçü və iş yoldaşlarının hörmətini qazanan, ictimai işlərdə fədakarlıq göstərən, dostlarına,
iş yoldaşlarına,yaxınlarına,isti münasibətdə olmuş, mayor Yaşar Kərimov Masalli rayonun Hactəpə kənd orta məktəbi və Azərbaycan Politexnik İnstitutunu (indiki Azərbaycan Texniki Universiteti) bitirmişdir .
Əsli vətəndaşlıq mövqeyi ilə seçilən,ictimayət və kənd camaatı arasında özünə məxsus hörmət qazanmış,
heç kəsi özündən incitməyən,xoş rəftarı və şirin dili ilə hərkəslə doğmalıq münasibəti yaradan Yaşar Kərim oğlu Kərimov 1992-2003-cü illərdə Daxili İşlər Nazirliyi Daxili Qoşunlarının Baş İdarəsinin Lənkəran, Hacıqabul, Xəzər, Nərimanov rayonlarında və Sumqayıt şəhərlərində yerləşən hərbi hissələrində bölük komandiri, ərzaq və əşya xidməti rəisi hərbi hissə komandirinin madi- texniki təminat xidməti üzrə müavini, Daxili Qoşunların Baş İdarəsinin maddi- texniki təminat idarəsində zabit vəzifələrində Vətənə, dövlətə və xalqa sədaqətlə xidmət etmişdir.
Y. Kərimov Daxili İşlər Nazirliyi Daxili Qoşunlarından Silahlı Qüvvələrə ehtiyata buraxıldıqdan sonra uzun müddət Masallı rayonunun Hacıtəpə kənd orta məktəbində hərbi müəllim vəzifəsində işləmişdir.
Dövlətçiliyimizin möhkəmləndirilməsi ücün var qüvvəsi ilə yorulmadan çalışmış, mayor Yaşar Kərimov Qanunvericiliklə müəyyən edilmiş qaydada Daxili İşlər Nazirliyi Daxili Qoşunlarına həvalə olunmuş vəzifə və tapşırıqların yerinə yetirilməsində, eləcə də Azərbaycan ərazi bütövlüyü uğrunda (Ağdam, Ağdərə, Füzuli və Cəbrayıl rayonları istiqamətində) gedən döyüşlərdə ona həvalə edilmiş vəzifə və tapşırıqların öhdəsindən layiqincə gəlmişdir.
Y.Kərimov Azərbaycan Respublikası Konstitusiyasına və qanunlarına,Hərbi andın, hərbi və daxili qoşunların döyüş xidməti nizamnamələrinin tələblərinə və vəzifə borcuna əməl etməkdə tabeliyindəkilər ucun nümunə olmuşdur.
Mayor Kərimov Yaşar Kərim oğlu Daxili Qoşunlarda müxtəlif vəzifələrdə xidmət kecdiyi illər ərzində o, səmərəli fəaliyyəti, işgüzarlığı, nəzəri və praktiki biliyi ilə üzərinə düsən vəzifələrin və tapşırıqların yerinə yetirilməsinə məsuliyyətlə yanaşmışdır.
Azərbaycan Respublikasının müharibə veteranı- mayor Kərimov Yaşar Kərim oğlu öz xidməti vəzifələrini və hərbi hissə qarşısında qoyulmuş tapşırıqları yerinə yetirərkən fərqləndiyinə və hərbi xidmət kecdiyi dövrdə göstərdiyi digər xidmətlərə görə Daxili İşlər Nazirinin, Daxili Qoşunlar Komandanın və onun müavinlərinin, hərbi hissə komandirinin müvafıq əmrləri ilə əlacı və yubiley döş nişanları ilə, fəxri fərmanlarla, qiymətli hədiyyələrlə mükafatlandırılmış, ona təşəkkür elan olunmuş və aşağıdakı medallarlarla təltif olunmuşdur:
1."Azərbaycan Respubilkasının Silahlı Qüvvələrinin "10 illiyi ( 1991 - 2001)” yubiley medalı ilə;
2.“Qüsursuz xidmətə görə" 3-cü dərəcəli medal ilə - Silahlı Qüvvələrdə 10 təqvim ili xidmətə görə.
Heyf ki,biz 2024-cü ilin avqust ayının 17-də Azərbaycan Respublikasının müharibə veteranı olmuş, mayor Kərimov Yaşar Kərim oğlunu 58 yaşında itirdik.Lakin o, qəlblərdə yaşayır və yaşayacaq.
Allah rəhmət eləsin, Tanrı övladlarını qorusun!
Azərbaycan Respubilkasının Silahlı Qüvvələr və Müharibə Veteranı polkovnik Salman Musayev
Hiç yorum yok:
Yorum Gönder