Təbrik:Polkovnik Ağahüseyin Hüseynov-64



Daxili İşlər Nazirliyi (DİN-in) Daxili Qoşunlarının  həyatında  öz dəst-xətti   olan,yüksək peşəkarlığı, humanistliyi,iradı, işgüzarlığı, mənəvi keyfiyyəti, dəqiqliyi, təmkinliyi, sadəliyi, səmimiyyətivə vətənpərvərliyi  ilə seçilən, ömrünün ən məhsuldar dövrünün 31 ildən çox şərəfli xidmət yolunu  Daxili İşlər Nazirliyi Daxili Qoşunlarında  müxtəlif vəzifələrdə  keçirmiş, Vətənə, dövlətə, xalqa sədaqətlə xidmət etmiş, Azərbaycan Respublikasının Silahlı Qüvvələri Veteranı-  istefda olan polkovnik Hüseynov Ağahüseyn Xızır oğlunun  mart ayının  9-da onun dünyaya  göz acdığı  gündür. 


Belə bir əlamətdar doğum gün münasibətilə  polkovnik Hüseynov Ağahüseyn Xızır oğlunu Daxili İşlər Nazirliyinin  zabitlər birliyinin üzvləri,Daxili Qoşunların  ehtiyatda və istefada olan zabitləri,doğmaları,əzuzləri və iş  yoldaşları səmimi qəlbdən təbrik edir, ona həyatda insan üçün ən şirin nemət olan möhkəm can sağlığı, ailə səadəti və həyat yollarinda bitib- tükənməyən nailiyyətlər arzu edib deyirlər, Ağahüseyn  qoy yaşının üstə gələn bu yaş da sizə sevinc dolu günlər bəxş etsin, hər yeni günün isə ötən günlərdən daha gözəl istəklərinə uyğun sizi xoşbəxt edəcək şəkildə keçsin.


Polkovnik Ağahüseyn Xızır oğlu Hüseynov  9 mart 1961-ci ildə Azərbaycan Respublikasının Lənkəran rayonun Separadi kəndində zəhmətkeş bir  ailədə  anadan olub.

1978-ci ildə Lənkəran rayon Separadi  kənd   orta məktəbi, 1985- ci ildə  SSRİ Daxili İşlər Nazirliyi Daxili Qoşunlarının Permski şəhərində yerləşən Ali Hərbi komandirlər məktəbini bitirib. O,  Daxili Qoşunlarda xidmət etdiyi illər ərzində Türkiyə Cümhuriyyətinin  Silahlı  Qüvvələr Akademiyasında müvafiq kurslarda olub, Daxili Qoşunların Bas İdarəsində    və hərbi hissələrində isə keçirilən bir çox təlim- metodiki toplanışlarında, hərbi və xüsusi  taktiki  təlimlərdə, nümnəvi-göstərici məşğələlərdə,  seminar və konfranslarda fəal iştirak edib.

Hüseynov Ağahüseyn Xızır oğlu  1979- 1981- ci illərdə  SSRİ Daxili İşlər Nazirliyi Daxili Qoşunlarının Sovet İttifaqının Komi Müxtar Vilayətində yerləşən hərbi hissələrin birində  müddətli həqiqi hərbi xidmətdə olub.

Hüseynov Ağahüseyn Xızır oğlu 1985- 1999 -cu illərdə Daxili İşlər Nazirliyi Daxili Qoşunlarının  Belarus respublikasında yerləşən hərbi hissələrin  birində taqım komandiri, böluk komandirinin  müavini,böluk komandiri, tabor komandirinin müavinini, əlahiddə tabor komandiri, 2000- 2024- cü illərdə isə Azərbaycan Respublikasının Daxili İşlər Nazirliyi Daxili Qoşunlarının Baş İdarəsinin döyüş hazırlığı şöbəsində baş zabit, Şəki şəhərində, Zaqatala və Hacıqabul rayonlarında  yerləşən hərbi hissələrində ayrıca yerləşən  əməliyyat   tabor komandiri, hərbi hissə komandirinin birinci müavini, hərbi hissə komandirinin birinci  müavinini- qərargah rəisi,  hərbi hissə  komandiri vəzifələrində xidmət edib.

 Polkovnik Hüseynov Ağahüseyn Xızır oğlu Daxili Qoşunlar dan   Silahlı Qüvvələrə ehtiyata buraxldıqdan sonra  Lənkəran rayon İcra Hakimiyyətinin  Separadi kənd  inzibati ərazi dairəsinin nümayəndəsi vəzfəsində işləyir.

Müstəqil Azərbaycanın Daxili İşlər Nazirliyi  Daxili Qoşunlarında xidmət etdiyi illər ərzində,Azərbaycan Respublikasının Konstitusiyasına və qanunlarına əməl etməkdə, Hərbi Andın,  hərbi və daxili qoşunların  döyüş xudməti nizamnamələrin və digər hüquqi- normativ aktların  tələblərinə, eləcə də vəzifə borclarının icrasna məsuliyyətlə yanaşmış, qarşıya qoyulmuş  xidməti  tapşırıqları müvəffəqiyyətlə yerinə yetirilməsi üçün öz əməyini əsirgəməmiş, şəxsi nümunəsi ilə  bir cox  hərbi qulluqçular fədakar hərbi xidmətə ruhlandırmışdır.

A. Hüseynov Daxili Qoşunlarda xidmət etdiyi illər ərzində özünü qorxmaz, səxavətli, insanpərvər, əliaçıq, zəhmətkeş  zabit kimi göstərmişdir. O, istər anadan olduğu və yaşadığı ərazidə, oxuduğu orta və ali təhsil müəsələrində, istərsəm də xidmət etdiyi və işlədiyi kollektivlərdə, dost -tanış ,qohum-əqrəba arasında özünə layiq hörmət qazanmışdır. 

Qanunvericiliklə müəyyən olunmuş  qaydada   Daxili Qoşunlara həvalə edilmiş vəzifə və tapşırıqların yerinə yetirilməsində  şəhərdə, yaşayış məntəqələrində və kütləvi tədbirlərin keçirilməsi yerlərində ictimai asayişin qorunmasında və təhlükəsizliyin təmin edilməsində, şəhərdə və yaşayış məntəqələrində kütləvi iğtişaşların qarşlsının alınmasında, mütəşəkkil cinayətkarlığa qarşı mübarizədə, qanunsuz silahlı dəstələrin axtarışında və zərərsizləşdirilməsində, qəzalar, bədbəxt hadisələr, yanğınlar,təbii fəlakətlər və başqa  fövqaladə hallar, habelə fövqaladə  vəziyyət və  komendant saatı  zamanı hüquqi rejimin təmin edilməsində üzərinə düşən vəzifə və tapşırıqların öhtəsindən layiqincə gəlmişdir.Ağahüseyin Hüseynov      kurator olduğu xidmət sahələrin fəaliyyətinin çevik və məqsədyönlü idarə edilməsində, düzgün istiqamətləndirilməsində yüksək peşəkarlıq və təşkilatclıq göstərib.

Polkovnik Ağahüseyn Hüseynov  hərbi hissələrdə rəhbər vəzifələrdə xidmət edərkən bir çox komissiyanın  və məqsədli qrupların rəhbəri və üzvu olduğu illər ərzində səmərəli fəaliyyəti, işgüzarlığı və mənəvi keyfiyyəti, təşkilatçılıq bacarığı ilə daimi   Daxili  Qoşunlar Komandanının və onun müavinlərinin diqqət mərkəzində olmuşdur.

Öz xidməti vəzifələrinin icrası zamanı yüksək mənəvi döyüş keyfiyyətləri göstərdiyinə, döyüş və ictimai siyasi hazırlığında, hərbi intizamın möhkəmləndirilməsində yüksək göstəricilərə nail olduğuna və nümunəvi  xidmətinə görə Daxili İşlər Naziri, Daxili Qoşunlar Komandanı və onun müavinləri,Ali hərbi məktəb rəisi, diviziya və hərbi hissə komandiri tərəfindən əla xidmətlərə görə əlacı, yubiley və müvafiq idman dərəcəsi  döş nişanları ilə, pul mükafatları ilə, dəfələrlə diplomlarla, fərmanlarla və qiymətli hədiyyələrlə mükafatlandırlıb və ona təşəkkür elan edilib.

 Döyüş hazırlığındakı əla göstəricilərə,  təlimlərdə, xüsusi əməliyyatlarda, döyüş xidmətində və döyüş növbəsində xüsusi fəriqləndiyinə, şücaət və fədakarlıq  göstərdiyinə görə SSRİ Ali Soveti adından, Azərbaycan Respublikası Prezidenti adından Daxili İşlər Nazirnin müvafiq əmrləri ilə aşağıdakı medallarlarla təltif olunub:

1.“Azərbaycan Respublikası Silahlı Qüvvələr Veteranı” medalı ilə;

2.“Qüsursuz xidmə görə”  1-ci, 2-ci və 3-cü dərəcəli medallar ilə;

3. “SSRİ Silahlı Qüvvələrinin” 70-illiyi, “Azərbaycan Respubilkası  Silahlı Qüvvələrinin” isə  10-illiyi,  90-illyi  və 95-illiyi yubiley  medalları ilə. 

Azərbaycan Respublikası Prezidentinin 6 may 2005 -ci il tarixli 803 nömrəli sərəncamına əsasən Azərbaycan Respublikasının ərazi bütövlüyün təmin edilməsində,  hərbi  borcu, xidməti  vəzifə vəzifələrini və xüsusi tapşırıqları yerinə yetirərkən fəriqləndiyinə və cəsarət göstərdiyinə görə “Hərbi xidmətlərə görə” medalı ilə təltif edilib.


DOĞUM GÜNÜN MÜBARƏK OLSUN, AĞAHÜSEYN!


ALLAH HƏR ZAMAN QƏLBİNİ SIXINTIDAN, BƏDBİNLİKDƏN QORUSUN!


HƏMİŞƏ ÜZÜN GÜLSÜN, ÜRƏYİN SEVİNSİN!

BÜTÜN ARZULARIN ÇİN OLSUN!


DAİMA XOŞBƏXT YAŞA, ÖMRÜN UZUN OLSUN!


 Azərbaycan Respublikasının  Silahlı Qüvvələri və  Müharibə Veteranı  polkovnik Salman Musayev


Hiç yorum yok:

Yorum Gönder

Pages