İnsan üçün ən yadda qalan günlərdən başlıcası onun həyata gəldiyi gündür. Ömürə bəzək olan ad günü hər il xüsusi ilə qeyd olunur. Belə insanlardan biri də yüksək peşəkarlığı, humanistliyi,işgüzarlığı,iradı, mənəvi keyfiyyəti, dəqiqliyi, təmkinliyi, ,sadəliyi, səmimiyyəti,vətənpərvərliyi və səmərəli fəaliyyəti ilə seçilən, Azərbaycan Respublikasının müharibə veteranı, mayor Nuriyev Sərxan Raqub oğlunun mart ayının 2-də 61 yaşı tamam oldu.
Daxili İşlər Nazirliyi Daxili Qoşunlarının ehtiyatda və istefada olan zabitləri, Daxili İşlər Nazirliyinin zabitlər birliyinin üzvləri, onun doğmaları, əzizləri, döyüş və iş yoldaşları- istefada olan mayor Mehtiyev Sərxan Raqub oğlunu doğum günü munasbətilə səmimi qəlbdən təbrik edir, ona həyatda insan üçün ən şirin nemət olan möhkəm can sağlığı, ailə səadəti və həyat yollarında bitib- tükənməyən nailiyyətlər arzu
edib deyirlər, Sərxan qoy yaşının üstə gələn bu yaş da sizə sevinc dolu günlər bəxş etsin, hər yeni günü isə ötən günlərdən daha gözəl istəklərinə uyğun sizi xoşbəxt edəcək şəkildə keçsin.
Nuriyev Sərxan Raqub oğlu 1964- cü illin mart ayının 2-də Azərbaycan Respublikasının Ağsu rayonunun Ərəmehtibəy kəndində zəhmətkeş bir ailədə anadan olub.
1981- ci ildə Ağsu rayonunun Ərəmehtibəy kənd orta məktəbi, 1988-cü ildə Azərbaycan Politexnik İnstitutunu,1992-ci ildə Daxil İşlər Nazirliyi Daxili Qoşunlarının Əli Bayramlı (indiki Şirvan) şəhərində yerləşən tədris alayında zabitlərin təhkmlədirmə, 1998-ci ildə isə Müdafiə Nazirliyinin Bakı şəhərində yerləşən təlim -tədris mərkəzində zabitlərin ixtisasartırma kursunu bitirib.O, Daxili Qoşunlarda xidmət etdiyi illər ərzində Daxili Qoşunların Baş İdarəsində və hərbi hissələrində keçirilən bir çox metodiki -təlim toplanışlarda,hərbi və xüsusi taktiki təlimlərdə, seminar və konfranslarda fəal iştirak edib.
1982-1984-cü illərdə SSRİ Silahlı Qüvvələrinin Murmanski şəhərində yerləşən hərbi hissələrin birində müddətli həqiqi hərbi xidmətdə olub.
Azərbaycan Politexnik İnstitutunu bitirdikdən sonra 1991-ci ilin dekabr ayına kimi Bakı şəhərində öz ixtisası üzrə çalışıb.
1992- 2003 -cü illərdə Daxili İşlər Nazirliyi Daxili Qoşunların Baş İdarəsinin ƏliBayramlı (indiki Şirvan) və Sumqayıt şəhərlərində, Ağdam , Ağdərə, Füzuli, Xətai və Xəzər rayonlarında yerləşən hərbi hissələrində taqım komandiri, bölük komandiri, silah xidməti rəisi, şəxsi heyətiin qeydiyyatı bölməsinin rəisi vəzifələrində Vətənə və xalqa sədaqətlə xidmət edib.
Sərxan Nuriyev Daxili Qoşunlarda xidmət etdiyi illər ərzində özünü qorxmaz, səxavətli, insanpərvər, əliaçıq,zəhmətkeş zabit kimi göstərmişdir. O, istər anadan olduğu və yaşadığı ərazidə, oxuduğu orta və ali təhsil müəssisələrində, istərsə də xidmət etdiyi və işlədiyi kollektivlərdə, dost -tanış ,qohum-əqrəba arasında özünə layiq hörmət qazanmışdır.
Mayor Sərxan Raqub oğlu Nuriyev Azərbaycan Respublikasının ərazi bütövlüyü uğrunda (Ağdam, Ağdərə və Füzuli rayonları istiqamətində) gedən döyüşlərdə ona və rəhbərlik etdiyi bölmələrə həvalə olunmuş vəzifə və tapşırıqların öhdəsindən layiqincə gəlmişdir. Azərbaycan Respublikasının müharibə veteranıdır.
Azərbaycan Respublikasının Konstitusiyasına və qanunlarına əməl etməkdə, Hərbi Andin, hərbi və daxili qoşunların döyüş xidməti nizamələrin və digər hüquqi- normativ aktların tələblərinə, eləc də vəzifə borclarının icrasna məsuliyyətlə yanaşmış, qarşıya qoyulmuş xidməti tapşırıqları müvəffəqiyyətlə yerinə yetirilməsi üçün öz əməyini əsirgəməmiş, şəxsi nümunəsi ilə bir çox hərbi qulluqçuları fədakar hərbi xidmətə ruhlandırmışdır.
Qanunvericiliklə müəyyən olunmuş qaydada Daxili Qoşunlara həvalə olunmuş vəzifə və tapşırıqların yerinə yetirilməsində,şəhərdə, yaşayış məntəqələrində və kütləvi tədbirlərin keçirilmə yerlərində ictimai qaydanın qorunmasında və ictimai təhlükəsizliyin təmin edilməsində, yaşayış məntəqələrində kütləvi iğtşaşların qarşısının alınmasında, mütəşəkkil cinayətkarlığa qarşı mübarizə də, qanunsuz silahlı dəstələrin axtarışında və zərərsizləşdirilməsində, qəzalar, yanğınlar, bədbəxt hadisələr, təbii fəlakətlər və başqa fövqəladə hallar, habelə fövqəladə vəziyyət və komendant saatı zamanı hüquqi rejim tədbirlərinin həyata keçirilməsindı, dövlətin ərazi bütövlüyünün təmin olunmasında üzərinə düsən vəzifə və tapşırıqları məsuliyyət və şərəf hissi ilə yerınə yetirmişdir.
Öz xidməti vəzifələrini və hərbi hissə qarşısında qoyulmuş tapşırıqları yerinə yetirərkən fəriqləndiyinə və hərbi xidmət keçdiyi dövrdə göstərdiyi digər xidmətlərə görə Daxili İşlər Nazirinin, Daxili Qoşunlar Komandanın və onun müavinlərinin, zabit heyətinin hazırlığı üzrə təlim -tədris mərkəz rəisinin, hərbi hissə komandirinin müvafiq əmrləri ilə bir sıra medallarla, əlacı, yubiley və idman dərəcəsi döş nişanları, pul mükafatları ilə, fəxri fərmanlarla, diplomlarla, və qiymətli hədiyyələrlə mükafatlandırlıb və ona təşəkkür elan edilib.
DOĞUM GÜNÜN MÜBARƏK OLSUN, SƏRXAN!
ALLAH HƏR ZAMAN QƏLBİNİ SIXINTIDAN, BƏDBİNLİKDƏN QORUSUN!
HƏMİŞƏ ÜZÜN GÜLSÜN, ÜRƏYİN SEVİNSİN!
BÜTÜN ARZULARIN ÇİN OLSUN!
DAİMA XOŞBƏXT YAŞA, ÖMRÜN UZUN OLSUN!
Azərbaycan Respublikasının Silahlı Qüvvələri və Müharibə Veteranı polkovnik Salman Musayev
Hiç yorum yok:
Yorum Gönder