Daxili İşlər Nazirliyinin zabitlər birliyinin (DİN) üzvləri, Daxili Qoşunlarının ehtiyatda və istefada olan zabitləri, “CAMEL TRAVEL” turizm şirkətinin kollektivi, Ramazan bayramı münasibətilə Azərbaycan xalqını, Azərbaycan ordusunun və Daxili Qoşunlarının şəxsi heyətini və (hərbi vəzifəlilərini), eləcə də Daxili İşlər Nazirliyin polis əməkdaşlarını, şəhid ailələrini və veteranlarını təbrik edir.
Təbrikdə deyilir:
"Hörmətli zabitlər, gizirlər, kursantlar, çavuşlar, əsgərlər, şəhid ailələri, veteranlar, ehtiyatda və istefada olan zabitlər !
Dünya müsəlmanlarının mənəvi birlik, həmrəylik, bərabərlik rəmzi olan müqəddəs Ramazan bayramı münasibətilə Sizləri ürəkdən təbrik edir, cansağlığı, xoşbəxtlik, şərəfli xidmətinizdə uğurlar arzulayırıq.
İslami dəyərlərin qorunduğu ölkəmizdə hər il dövlət səviyyəsində ümumxalq bayramı kimi qeyd olunan Ramazan bayramı insanlar arasında bərabərliyi, birliyi daha da gücləndirir, cəmiyyətimizdə milli-mənəvi dəyərlərə möhkəm bağlılığın, xeyirxahlıq və humanizm duyğularının təntənəsini özündə təcəssüm etdirir.
Ümummilli Lider Heydər Əliyevin müstəqil Azərbaycana rəhbərliyi dövründə dövlət quruculuğu siyasətində azərbaycançılıq məfkurəsi, milli-mənəvi dəyərlərimiz yüksək tutulub, adət və ənənələrimizin qorunub saxlanması reallığa çevrilib. Ulu Öndərin siyasi kursunun layiqli davamçısı Azərbaycan Respublikasının Prezidenti İlham Əliyevin yürütdüyü uğurlu xarici və daxili siyasət, atılan qətiyyətli addımlar sayəsində, eləcə də Birinci vitse-prezident Mehriban xanım Əliyevanın təşəbbüsü ilə reallaşan çoxsaylı uğurlu layihələrin reallaşması nəticəsində dövlətimizin iqtisadi dayaqları möhkəmlənir, milli-mənəvi dəyərlərimizin beynəlxalq miqyasda təbliği həyata keçirilir. Dövlətimiz demokratik dövlət quruculuğu prosesində böyük nailiyyətlər qazanıb, milli dəyərlərimizin dünyada daha yaxından tanınması təmin olunub.
Respublikamızın müdafiə qüdrətinin artırılması istiqamətində qazanılan böyük nailiyyətlər, eyni zamanda, Azərbaycan Respublikasının Silahlı Qüvvələrində, Daxili İşlər Naazirliyin müvafiq strukturlarında aparılan genişmiqyaslı islahatlar, sosial infrastrukturun müasirləşdirilməsi, hərbi qulluqçuların və hüquq mühafizə orqanlarının xidmət şəraitinin yaxşılaşdırılması, keçirilən təlimlər, düşmənin genişmiqyaslı təxribatlarına qarşı aparılan uğurlu əks-hücum əməliyyatları hərbi qulluqçularmızın və polis əməkdaşlarmızın qələbə əzmini daha da möhkəmləndirmiş və nəticədə 2020-ci il tariximizə Zəfər ili kimi yazılmışdır. 2023-cü il 19-20 sentyabr tarixlərində Qarabağ iqtisadi rayonunda həyata keçirilən antiterror əməliyyatı nəticəsində Azərbaycan Respublikasının Konstitusiya quruluşu və sərhəd bütövlüyü tam bərpa edilmişdir.
Dövlət müstəqilliyinin əsas atributlarından biri sayılan üçrəngli bayrağımızın əzəmətlə dalğalandığı işğaldan azad edilmiş ərazilərimizdə qalib Silahlı Qüvvələrmiz, hüquq mühafizə orqanlarmız Vətənimizin müdafiəsində ayıq-sayıq dayanmaqla bərpa-quruculuq işlərinin ən yüksək səviyyədə həyata keçirilməsinə, Böyük Qayıdışa layiqli töhfələr verir.
Azərbaycanın suverenliyi, müstəqilliyi və ərazi bütövlüyü uğrunda şəhid olan qəhrəmanlarımızın xatirəsini hər zaman olduğu kimi, Ramazan bayramı günlərində də dərin hörmət və ehtiramla yad edirik. Müzəffər Ali Baş Komandan İlham Əliyev və Birinci vitse-prezident Mehriban xanım Əliyevanın ali diqqət və qayğısı sayəsində şəhid ailələrinin sosial-məişət şəraitinin yaxşılaşdırılması, qayğılarının həlli istiqamətində mühüm addımlar atılır. Şəhid valideynlərini, onların ailə üzvlərini, Vətən uğrunda sağlamlıqlarını itirən silahdaşlarımızı, əziz veteranlarmızı (ehtyatda və istefada olan zabitlərmizi),dünyanın müxtəlif küşələrində yaşayan bütün soydaşlarımızı Ramazan bayram münasibətilə təbrik edir, onlara ən xoş arzularımı çatdırıram. Arzu edirəm ki, bu müqəddəs Ramazan bayramı gəlişi ilə xalqımıza firavanlıq, xoşbəxtlik və süfrələrimizə bol ruzi-bərəkət gətirsin.
Bir daha hər birinizi Ramazan bayramı münasibətilə ürəkdən təbrik edir, Sizə möhkəm cansağlığı, uzun ömür, Vətənimiz müstəqil Azərbaycan naminə şərəfli xidmətinizdə uğurlar arzulayırıq.
Ramazan bayramınız mübarək olsun!
Azərbaycan Respublikasının Silahlı Qüvvələri və müharubə veteranı, peşəkar hərbçi və hüquqşünas polkovnik Salman Musayev 
Hiç yorum yok:
Yorum Gönder