Məmmədəli Hacı Heydər oğlu Vəlixanlı (Məmmədəli Vəlixanov / Məmmədəli Heydərzadə) Bakının Fatmayı kəndində anadan olub. Baqqallıqla məşğul olan atası onu “Səfa” mədəni-maarif cəmiyyəti nəzdindəki məktəbə qoyub. Həmin dövrdə Azərbaycan realist aktyor məktəbinin banisi Cahangir Zeynalov “Səfa”nın teatr truppasında əsas simalardan biri idi. O, 1912-ci ildə quruluş verdiyi Mirzə Fətəli Axundzadənin “Hacı Qara” komediyasının tamaşasında Bədəl rolunu təbiətən çevik və hər şeyə maraq göstərən Məmmədəliyə tapşırıb. Bununla da gələcək aktyorun sənət yolunda ilk addımı atılıb. 1920-ci ildə Milli Dram Teatrının xor heyətinə işə qəbul olunub. Həmin dövrdə opera və operetta tamaşaları da burada oynanılırdı. İşə başladığı ilk illərdə “Leyli və Məcnun”, “Əsli və Kərəm”, “Şah İsmayıl” operalarında xorda oxuyan Vəlixanlı tədricən dram tamaşalarında sözsüz rollarda səhnəyə çıxıb. Teatrda işləyə-işləyə Bakı Teatr Texnikumunda təhsilini davam etdirib (1927-1930). Azərbaycan Musiqili Kоmediya Teatrının yaradıcılarından biri оlub. Əməkdar artist (1938), Xalq artisti (1949) Məmmədəli Vəlixanlı 1969-cu ildə vəfat edib, II Fəxri xiyabanda dəfn olunub.
Filmoqrafiya:
Görüş (1955, tammetrajlı bədii film) – aktyor (çayçı)
Mahnı belə yaranır (1957, tammetrajlı bədii film) – aktyor (Bədirxan)
Allah rəhmət eləsin
Hiç yorum yok:
Yorum Gönder