Təbrik: Polkovnik-leytenat Hilal Nağıyev-57



Daxili İşlər Nazirliyi (DİN-in) Daxili Qoşunların həyatında öz dəst-xətti olan, yüksək peşəkarlığı,sadəliyi, humanistliyi,iradı, işgüzarlığı, mənəvi keyfiyyəti, dəqiqliyi, təmkinliyi,  səmimiyyəti,xeyirxağlığı,  təcavüzkarlığı və vətənpərvərliyi ilə seçilən, ömrünün ən məhsuldar dövrünün   23 ildən çox şərəfli xidmət yolunu  hərbi xidmətdə keçirmiş istefada olan polkovnik- leytenant  Hilal  Fikrət oğlu Nağıyevin    fevral ayının 28- dünyaya göz acdığı gündür.


 Daimi həyatın bütün cətinliklərindən alını açıq və üzüağ çıxan - istefada olan polkovnik-leytenant  Nağıyev Hilal Fikrət oğlunu doğum günü münasibətilə Daxili işlər Nazirliyinin zabitlər birliyinin üzvləri, Daxili Qoşunların ehtiyatda və istefada  olan zabitləri, doğmaları,əzizləri,yaxınları, iş və döyüş yoldaşları səmimi qəlbdən təbrik edir, səbəbkara, həyatda insan üçün ən şirin nemət olan möhkəm can sağlığı, xoşbəxtlik, ailə səadəti  və həyat  yollarinda bitib- tükənməyən nailiyyətlər arzu edirlər. deyirlər.


Polkovnik-leytenant  Hilal Fikrət oğlu Nağıyev  28 fevral 1968 -ci ildə Sumqayıt şəhərində zəhmətkeş bir ailədə anadan olub.

1985 -ci ildə Bakı şəhərində 44 nömrəli orta məktəbi, 1992- ci ildə Azərbaycan  Texniki Universiteti, 2000-ci ildə Daxili Qoşunların Baş idarəsinin Xəzər rayonunda yerləşmiş Zabitlərin təhkimləşdirmə kursunu,  2005 -ci ildə isə Türkiyə Cümhuriyyətinin Ankara şəhərində yerləşən Ali  Hərbi  Məktəbində  Zabitlərin Təhkimləşdirmə Kursunu  bitrib. O, Daxili İşlər Nazirliyinin Daxili Qoşunlarında xidmət etdiyi illər ərzində bir çox təlim- metodiki  toplanışlarında,xüsusi və hərbi  taktiki  təlimlərdə, nümunəvi göstərici  məşğələlərdə, seminar və konfranslarda fəal iştirak edib.

1986-1988- ci  illərdə Sovet Ordusunun Pribaltika Vilayətinin   Kalininqrad şəhərində yerləşən hərbi hissələrin birində müddətli həqiqi hərbi xidmətdə olub.

1994- 2015-ci illərdə  Daxili Qoşunların Baş İdarəsinin Binəqədi,Xəzər və Hacıqabul rayonlarında yerləşən hərbi hissələrində  taqım komandiri, tədris böluk komandiri, tabor komandiri , Daxili Qoşunların Bas İdarəsinin Maddi Texniki Təminat İdarəsində isə  Avtomobil və Zirehli Texnika  şöbəsinin rəis müavini vəzifələrində Vətənə  və xalqa sədaqətlə xidmət etmişdir.

Azərbaycan Respublikasının müharibə veteranı, peşəkar və təcürbəli avtomobilist Hilal Nağıyev Daxili Qoşunlarda xidmət etdiyi illər ərzində özünü qorxmaz, səxavətli, insanpərvər, əliaçıq, zəhmətkeş  zabit kimi göstərmişdir. O, istər anadan olduğu və yaşadığı ərazidə, oxuduğu orta və ali təhsil müəsələrində, istərsə də xidmət etdiyi və işlədiyi kollektivlərdə, dost -tanış ,qohum-əqrəba arasında özünə layiq hörmət qazanmışdır.

 Müstəqil Azərbaycanın Daxili İşlər Nazirliyi    Daxili Qoşunlarında xidmət etdiyi illər ərzində,Azərbaycan Respublikasının Konstitusiyasına və qanunlarına əməl etməkdə, Hərbi Andın,  hərbi və din-in  daxili qoşunlarının döyüş xidməti nizamnamələrin və digər hüquqi- normativ aktların  tələblərinə, eləcə də vəzifə borclarının icrasna məsuliyyətlə yanaşmış, qarşıya qoyulmuş  xidməti  tapşırıqları müvəffəqiyyətlə yerinə yetirilməsi üçün öz əməyini əsirgəməmiş, şəxsi nümunəsi ilə  bir çox  hərbi qulluqçuları fədakar hərbi xidmətə ruhlandırmışdır.

Qanunvericiliklə müəyyən olunmuş qaydada Daxili İşlər Nazirliyi Daxili Qoşunlarına həvalə edilmiş vəzifə və tapşırıqların yerinə yetirilməsində, şəhərdə, yaşayış məntəqəsində  və kütləvi  tədbitlərin  kecirilmə  yerlərində ictimai qaydanın qorunmasında  və ictimai təhlükəsizliyin  təmin edilməsində,yaşayış məntəqələrində və cəzaçəkmə müəssisələrində kütləvi iğtşaşların qarşısının alınmasında, mütəşəkkil cinayətkarlığa qarşı mübarizə də,  qanunsuz silahlı dəstələrin axtarışında, qəzalar, bədbəxt hadisələr, yanğınlar, təbii fəlakətlər və başqa fövqaladə hallar, habelə fövqaladə  vəziyyət və komendant saatı zamanı hüquqi rejimin  təmin  olunmasında, dövlətin ərazi bütövlüyünün təmin olunmasında üzərinə düşən vəzifə və tapşırıqları məsuliyyət və  şərəf hissi ilə yerınə yetirmişdir.

 Hərbi xidməti vəzifələrinin icrası zamanı yüksək mənəvi döyüş keyfiyyətləri göstərdiyinə, döyüş və ictimai siyası hazırlığında, hərbi intizamın möhkəmləndirilməsində yüksək göstəricilərə nail olduğuna və nümunəvi  xidmətinə görə Daxili İşlər Nazirinin, Daxili Qoşunlar Komandanın və onun müavinlərinin, hərbi hissə komandirinin müvafiq əmrləri ilə əla xidmətlərə görə əlacı və  yubiley döş  nişanları ilə təltif olunub, (pul  mükafatları ilə), fəxri fərmanlarla, diplomlarla və qiymətli hediyyələrlə mükafatlandırlıb və ona təşəkkür elan edilib.

Döyüş hazırlığındakı əla göstəricilərə, təlimlərdə, xüsusi əməliyyatlarda, döyüş xidmətində və döyüş növbəsində xüsusi fəriqləndiyinə  eləcə də şücaət və fədakarlıq göstərdiyinə görə Azərbaycan Respublikası Prezidentin adından Daxili İşlər Nazirnin müvafiq əmrləri ilə aşağıdakı medallarlarla təltif olunub:

  1. «Qüsursuz xidmətə görə » 1-ci ,2-ci və 3-cü dərəcəli, 

  2. «Azərbaycan Resıubilkasının Silahlı Qüvvələrin» 10-iliyi , 90-illiyi  və 95-iliyi yubiley  medalları ilə.

Azərbaycan Respublikası Prezidentinin  9 mart 2007- ci il tarixli Sərəncamı ilə Azərbaycan Respublikasının ərazi bütövlüyünün təmin edilməsində, hərbi borcunu, xidməti vəzifələrini və xüsusi tapşırıqları yerinə yetirərkən fəriqləndiyinə və şücaət göstərdiyinə  görə «Hərbi xidmətlərinə görə» medalı ilə təltif edilib.

 DOĞUM GÜNÜN MÜBARƏK OLSUN, HİLAL!


ALLAH HƏR ZAMAN QƏLBİNİ SIXINTIDAN,BƏDBİNLİKDƏN QORUSUN!


BÜTÜN ARZULARIN ÇİN OLSUN!


DAİMA XOŞBƏXT YAŞA, ÖMRÜN UZUN OLSUN!

HƏMİŞƏ ÜZÜN GÜLSÜN, ÜRƏYİN SEVİNSİN!


Azərbaycan Respubilkasının Silahlı  Qüvvələri və Müharibə Veteranı  polkovnik Salman Musayev



Hiç yorum yok:

Yorum Gönder

Pages