“Həyatın dibində” tamaşası vaxtı Səməndər Rzayevin ayaqları şişir, ciyərində də problem yaranır.

 Rola uyğun olaraq səhnənin döşəməsində bir müddət uzanmalı olur. Vəziyyəti daha da pisləşir. Amma rolunu axıra qədər ifa edir. “Həyatın dibində” onun son tamaşası olur. Onun serroz olduğunu ailəsi bilmir. Sonra Həsən Əbluc Səməndər Rzayevin yanına həkim gətirir. Səməndər Rzayev xəstəxanada yatanda, içəri heç kimi buraxmırdılar. Amma Həsən Əbluc çox hündür hasardan tullanıb xəstəxananın həyətinə keçir, Səməndər Rzayevi görməyə gedir. Səməndər Rzayev xəstəxanada komaya düşür, bir ay komada qalır, martda dünyasını dəyişir.