Rejissor Məhərrəm Bədirzadənin ad günüdür.

Məhərrəm Elisəftər oğlu Bədirzadə Bakıda anadan olub. Orta məktəbdə ikən pionerlər evində aktyor Süleyman Eləsgərovun təşkil etdiyi dram dərnəyinə gedib, sonra Lütfi Məmmədbəyov onu 26-lar adına mədəniyyət sarayına dəvət edib. Orada bir müddət həm rejissor assistenti, həm də aktyor kimi işləyib. Azərbaycan Dövlət İncəsənət İnstitutunun rejissorluq fakültəsində təhsil alıb (1963-1970, Mehdi Məmmədovun kursu). İnstitutu bitirdikdən sonra bir müddət radioda çalışıb. Müəllimi Mehdi Məmmədov onu “Canlı meyit” tamaşasına rejissor assistenti götürüb. 1971-ci ildən televiziyada çalışmağa başlayıb. Televiziyada dövrün bir neçə verilişləri onun adı ilə bağlıdır: “Səhər görüşləri”, “Dalğa”, “Gəlin birlikdə gülək”, “Gəzdim Azərbaycanı”, “Günaydın”, “Ocaq başı”. “Sarı gəlin” televiziya filminə görə “Qızıl qılınc” mükafatı ilə təltif edilib. Azərbaycan Dövlət Mədəniyyət və İncəsənət Universitetinin dosentidir. “Humay”, “Qızıl Dərviş” mükafatları laureatı, Əməkdar incəsənət xadimidir (2006).

Filmoqrafiya:

Mənim günahım (1985, tammetrajlı film-tamaşa) – ikinci rejissor

Zəncirbənd (1989, tammetrajlı film-tamaşa) – rejissor

Qaçaq Süleyman (1995, tammetrajlı bədii film) – rejissor

“Qaynana” əməliyyatı (1999, tammetrajlı film-tamaşa) – rejissor

Bağdada putyovka var... (2000, tammetrajlı film-tamaşa) – rejissor

Gəl qohum olaq (2001, tammetrajlı film-tamaşa) – rejissor

Mən sənin dayınam (2001, tammetrajlı film-tamaşa) – rejissor

Gəlinlər (2002, tammetrajlı film-tamaşa) – rejissor

Yol yoldaşları (2003, tammetrajlı bədii film) – rejissor

Sonuncu şahid (2004, bədii serial) – rejissor, aktyor (Qədir)

Mənim üçün varsan (2005, tammetrajlı film-tamaşa) – rejissor