Mərhum şahmatçı Vüqar Həşimovun atası dəfn olundu

Azərbaycanın mərhum şahmatçısı Vüqar Həşimovun atası Qasım Həşimov dəfn olunub.

Bakmiltv.info Oxu.Az xəbər verir ki, o, İkinci Fəxri xiyabanda torpağa tapşırılıb.

11:05

Azərbaycanın mərhum şahmatçısı Vüqar Həşimovun atası Qasım Həşimovun dəfn mərasimi keçirilir.

Bakmiltv.info Oxu.Az xəbər verir ki, onun nəşi torpağa tapşırılmaq üçün II Fəxri xiyabana gətirilib.

Dəfndə Q.Həşimovun ailəsi və yaxınları iştirak edirlər.

Daha çox foto burada: PhotoStock.az

Aygün Mirakif

10:40

Mərhum şahmatçı Vüqar Həşimovun atası, polkovnik Qasım Həşimovla vida mərasimi keçirilib.

Bakmiltv.info Oxu.Az xəbər verir ki, mərasimdə ictimaiyyət nümayəndələri, mərhumun yaxınları iştirak ediblər.

O, II Fəxri xiyabanda dəfn olunacaq.

Xatırladaq ki, Qasım Murtuza oğlu Həşimov 1949-cu ildə Goranboy rayonunda anadan olub. Uzun illər Mərkəzi Ordu İdman Klubunun rəisi vəzifəsində çalışıb.

Vüqarın karyerasında onunla birgə addımlayan Qasım Həşimov oğlunun ilk şahmat müəllimi kimi tanınıb. 2014-cü ildən keçirilən və Vüqar Həşimovun xatirəsinə həsr olunan şahmat üzrə superturnirin Təşkilat Komitəsinə rəhbərlik edib. 2016-cı ildə rəhbərlik etdiyi Vüqar Həşimov Şahmat Akademiyasını yaradıb.

Azərbaycanın Əməkdar məşqçisi olan Q.Həşimov 2023-cü ildə Azərbaycanda idmanın inkişafında uzunmüddətli səmərəli fəaliyyətinə görə Azərbaycan Respublikası Prezidentinin fərdi təqaüdünə layiq görülüb.

Qeyd edək ki, Qasım Həşimov Abşeron rayonu, Novxanı kəndindəki fərdi yaşayış evində partlayış baş verməsi nəticəsində xəsarət almışdı. O, yanvarın 8-də müalicə aldığı xəstəxanada vəfat edib.