Xalq artisti, aktyor Ağasadıq Gəraybəylinin anım günüdür.

Ağasadıq Ağaəli oğlu Gəraybəyli Şamaxıda anadan olub. Şamaxı zəlzələsindən sonra Bakıya köçüblər. Məktəbdə Cəfər Cabbarlı ilə bir sinifdə oxuyub. Hüseyn Ərəblinskinin rəhbərlik etdiyi həvəskar dram dərnəyində (1910-1912), sonralar isə “Nicat”, “Səfa” cəmiyyətlərinin, Zülfüqar və Üzeyir Hacıbəyovların teatr truppalarında çıxış edib. 1921-ci ildə Cəlil Məmmədquluzadənin "Ölülər" pyesində kefli İsgəndər rolunu oynayıb. Bakı Azad Tənqid Təbliğ Teatrının (1921-1933), 1932-ci ildən Azərbaycan Dövlət Dram Teatrının aktyoru olub. Xalq artisti (1940) Ağasadıq Gəraybəyli Bakıda vəfat edib. 

Filmoqrafiya:

Qız qalası (1924, tammetrajlı bədii film) – aktyor (həkim)

Hacı Qara (1928, tammetrajlı bədii film) – aktyor (Əsgər bəy)

Sevil (1929, tammetrajlı bədii film) – aktyor (Balaş)

Dəcəl dəstə (1937, tammetrajlı bədii film) – aktyor (ata)

Bakılılar (1938, tammetrajlı bədii film) – filmi səsləndirən

Fətəli xan (1947, tammetrajlı bədii film) – aktyor (Sərdarın elçisi)

Bəxtiyar (II) (1955, tammetrajlı bədii film) – aktyor (Ağabala Hüseynov)

O olmasın, bu olsun (1956, tammetrajlı bədii film) – aktyor (Rüstəm bəy)

Qızmar günəş altında (1957, tammetrajlı bədii film) – aktyor (Niyaz Sərdarov)

Uzaq sahillərdə (1958, tammetrajlı bədii film) – filmi səsləndirən (alman zabiti)

Bizim küçə (1961, tammetrajlı bədii film) – filmi səsləndirən (Kurts-Dmitri Orlov)

Leyli və Məcnun (1961, tammetrajlı bədii film) – aktyor (İbn Xalid)

Böyük dayaq (1962, tammetrajlı bədii film) – filmi səsləndirən (Kələntər-Ağa Məmmədov)

Əhməd haradadır? (1963, tammetrajlı bədii film) – filmi səsləndirən (komendant)

Romeo mənim qonşumdur (1963, tammetrajlı bədii film) – filmi səsləndirən (Yunis Quliyev-Adil İsgəndərov)

Arşın mal alan (III) (1965, tammetrajlı bədii film) – filmi səsləndirən (qoçu)

İyirmialtılar (1966, tammetrajlı bədii film) – filmi səsləndirən (ingilis zabit)

Sən niyə susursan? (1966, tammetrajlı bədii film) – filmi səsləndirən (1-ci avtomobil müfəttişi-Mirzə Babayev)

Yaşamaq gözəldir, qardaşım (1966, tammetrajlı bədii film) – aktyor (Şükrü bəy)

Poçt qutusu (II) (1967, qısametrajlı bədii film) – aktyor (xan)

Ulduzlar sönmür (1971, tammetrajlı bədii film) – aktyor (jandarm)

Qızıl qaz (1972, tammetrajlı bədii film) – filmi səsləndirən (Yakob Mitroşin-İvan Rıjov)

Bizim küçənin oğlanları (1973, tammetrajlı bədii film) – aktyor (Rüstəm kişi)

Mən mahnı qoşuram (1978, tammetrajlı bədii film) – aktyor (Abdulla)

Diplom işi (1979, qısametrajlı bədii film) – aktyor (kənd sovetinin sədri)

İstintaq (1979, tammetrajlı bədii film) – aktyor (Almazovun əmisi)

Sarıköynəklə Valehin nağılı (1980, tammetrajlı film-tamaşa) – aktyor (professor)

Musiqi müəllimi (1983, tammetrajlı bədii film) – aktyor (hamamçı)