Bu gün Azərbaycan Vətən Müharibəsi Veteranları İctimai Birliyinin (AVMVİB) Sabunçu rayon şöbəsinin Maştağa özəyininin ofisinin açılışı olmuşdur. Qeyd edək ki, AVMVİB Sabunçu rayon şöbəsinin də bir çox özəkləri mövcuddur ki, onlardan biri artıq Maşğatağada fəaliyyət göstərir.
Açılış mərasimində əvvəlcə Azərbaycan Respublikasının Dövlət Himni səsləndirilmiş, daha sonra Şəhidlərimizin ruhu bir dəqiqəlik sükut ilə yad edilmişdir.
Tədbirdə çıxış edən Azərbaycan Vətən Müharibəsi Veteranları İctimai Birliyinin (AVMVİB) sədri Füzuli Rzaquliyev və Azərbaycan Vətən Müharibəsi Veteranları İctimai Birliyinin (AVMVİB) sədrinin təşkilati məsələlər üzrə sədr müavini Vahid Abdurəhmanov və AVMVİB Sabunçu rayon şöbəsinin sədri Ramiz Musayev çıxışlarında Azərbaycan Vətən Müharibəsi Veteranları İctimai Birliyinin respublika üzrə şöbə və özəklərinin sayının artıdğını bildirmiş, bunu təşkilatın Vətən müharibəsi veteranları və qazilərinin sosial məsələlərinin və onların hüquqlarının müdafiəsi istiqamətində AVMVİB-in fəaliyyətinin məntiqi nəticəsi kimi diqqətə çatdırmışdır.
İştirakçılardan Azərbaycan Ağsaqqallar Şurasının sədri, millət vəkili Eldar Quliyevin köməkçisi Pərviz Məmmədov, Maştağa Bələdiyyəsinin sədri Mikayıl Məmmədov, müavini AğaNəcəf Qədirov, həmçinin şəhid ailələrinin üzvləri, Vətən müharibəsi veteranları və qaziləri Azərbaycan Vətən Müharibəsi İctimai Birliyinin Maştağa özəyinin fəaliyyətə başlamasını təqdir etmiş və inandıqlarını bildirmişlər ki, bu özək veteranlarımızın rifahı üçün faydalı layihələr həyata keçirəcək və vətənpərvərlik ruhunun yüksəldilməsinə öz töhfəsini verəcəkdir.
AVMVİB Maştağa özəyinin sədri Mustafa Mustafayev öz çıxışında AVMVİB rəhbərliyinə və iştirak edən qonaqlara minnətdarlığlnı ifadə etmiş və özəyin səmərəli fəaliyyəti istiqamətində bütün imkan və səylərini səfərbər edəcəyini diqqətə çatdırmışdır.
Tədbirin sonunda təşkilatın fəaliyyətində xüsusi xidmətləri olan bir qrup şəxslərə Fəxri Fərmanlar təqdim edilib.
AVMVİB-in XANKƏNDI ŞƏHƏR VƏ XOCALĮ RAYON ŞÖBƏSI
Hiç yorum yok:
Yorum Gönder