Sərvər Şahbəyli Ağsu şəhərində anadan olub. Azərbaycan Dövlət İncəsənət İnstitutunun Dram və kino aktyorluğu fakültəsində təhsil alıb (1984-1988). 3-cü kursda oxuyarkən Bakı Meydan Teatrında aktyor kimi fəaliyyət göstərib. Azərbaycan Dövlət Filarmoniyasında aparıcı-artist (konfransye) vəzifəsində çalışıb (1988-1989). 1989-cu ildə Dövlət Gənclər Teatrının yaranmasında yaxından iştirak edib. 2005-ci ilə qədər müəyyən fasilələrlə həmin teatrda fəaliyyət göstərib. 1991-ci ildə İstiqlal Teatrının da yaranmasında yaxından iştirak edib, həmin teatrda bir il fəaliyyət göstərib. Orta məktəb illərindən poeziyaya-ədəbiyyata maraq göstərib, elə o illərdə Ağsu "Birlik" qəzetində şeirləri çap olunub. 1987-ci ildən şeirlərinə yazılan mahnılar efirdə səslənməyə başlayıb. Sözlərinə 200-ə yaxın mahnı yazılıb, "Səni axtara-axtara", "Hamı gəzir yarısını" kimi hit mahnıları sevilə-sevilə dinlənilir. Şeirləri bir neçə almanaxda çap olunub, 2006-cı ildə "Bu yol hara gedir belə? kitabı çapdan çıxıb. 2014-cü ildə kitabın eyni adlı audio versiyası öz ifası ilə dinləyicilərə təqdim olunub. Sərvər Şahbəyli 2016-cı ildə vəfat edib.
Filmoqrafiya:
Qax abidələri (2001, qısametrajlı sənədli televiziya filmi) – filmi səsləndirən
Ərazi (2005, qısametrajlı bədii film) – aktyor
Əlvida (2007, tammetrajlı bədii film) – ssenari müəllifi, aktyor (Zahir)
Aran nağılı (2009, qısametrajlı sənədli televiziya filmi) – filmi səsləndirən
Ellər Vurğun deyib axtaran zaman... (2011, qısametrajlı sənədli televiziya filmi) – aktyor
Qurban (2011, qısametrajlı bədii film) – aktyor (kişi)
Məhkumlar (II) (2012-2013, bədii serial) – aktyor (Bəhram)
ahbəylinin xatirə günüdür. (15.04.1962-27.12.2016)
Allah rəhmət eləsin
Inham Rəsulzadə
Hiç yorum yok:
Yorum Gönder