Yetişdi Zəfər günü

Otuz il işğal altda inlədi Qarabağım,

At oynatdı bu yerdə, o mənfur, qara yağım.

Nəhayət ki, yetişdi xoş çağım, xoş növrağım-

Müzəffər Baş Komandan göstərdi doğru yönü,

Yetişdi Zəfər günü.

Ulu Öndərdən gəlir, bu zəfərin sorağı,

Oğlu İlham qoymadı, sönməyə bu çırağı.

Vətən adlı sevgisi oldu onun yarağı-

Azərbaycan ordusu dağıtdı duman-çəni,

Yetişdi Zəfər günü.

Ağdamdan, Fizulidən, Cəbrayıldan keçmişik,

Qubadlı, Zəngilanda düşmənləri biçmişik.

Neçə kəndə, şəhərə bayraq taxıb, ötmüşük-

Şuşada düşmənlərə endirdik son zərbəni,

Yetişdi Zəfər günü.

Neçə şəhid vermişik, neçə də qazimiz var,

Müqəddəs qanımızla, bir Vətən andımız var.

Dağılmış yurd yerlərin qurmaqçün arzumuz var-

Hərə yurd yuvasında görsün də xoş önəmi,

Yetişdi Zəfər günü.

Azərbaycan basılmaz, indi qalib ölkədi,

Düşmən üstə dayanmış kabus-qara kölgədi.

Bütün dünya bilir ki, o sülhsevər bölgədi-

Fəxrəddin Meydanlının şad eylədin könlünü, 

Yetişdi Zəfər günü...