Tarixi boyu həkimlik sənətinə ülvi bir peşə, həkimə isə müqəddəs bir şəxs kimi yanaşılmışdır. Sənədini mükəmməl bilən insanların sağlamlığının keşiyində ləyaqətlə duran, onların qayğısına qalan həkimlərin xətri el-oba əziz tutulmuşdur. Hətta el arasında müdrüik adamları loğmanla müqayisə edirlər.
Həkim adını daşımaq nə qədər məsuliyyətli olsada bir o qədər də şərəflidir. Xalqımın səhhətini qorumaq, hər kəsin öz sağlamlığını və həyatın etibar edəcəkləri qədər inamını qazanmaq hər insana nəsib olmur. Möcüzəli əlləri ilə insanlara şəfa bəxş edərək, xarakteri ilə səhhətlərində yaranmış problemlərini unutduraraq onların etimadını qazanmaq həkimlərin peşə vəzifələrinin ən ümdə məqamlarından biridir.
Şərəfli ömür yolu kecmiş, insanların sağlamlığını ləyaqətlə qorumuş və qayğıkeş həkim kiçikdən-böyüyə onu tanıyanların hər birinin rəğbətini qazanmış, dürüst, vətənpərvər, gözəl insan və əlləri qızıl olan, ali dərəcəli həkim– ehtiyatda
olan tibb xidməti mayoru Əliyev Məhəmməd İsrayıl oğlunun noyabr ayının 6- da dünyaya göz açdığı gündür.
Daxili İşlər Nazirliyinin (Din-in) Daxili Qoşunların həyatında tibb xidməti sahəsində öz dəst -xətti və xüsusi xidmətləri olan, daimi həyatın imtahanlarından alnıaçıq və üzüağ çıxan- ehtiyatda olan tibb xidmti mayor Məhəmməd Əliyevi belə bir əlamətdar gün münasibətilə Daxili işlər nazirliyi Daxili Qoşunların ehtiyatda və istefada olan zabitləri (tibb işciləri), doğmaları,yaxınları və iş yoldaşları səmimi qəlbdən təbrik edir, səbəbkara həyatda insan ucun ən şirin nemət olan möhkəm cansağlığı və uzun ömur arzu edib deyirlər, Məhəmməd həkim qoy yaşının üstə gələn bu yaş da sənə sevincdolu illər bəxş etsin, hər yeni günün isə səni istəklərinə qovuşduraraq daha da xoşbəxt etsin.
Yüksək peşəkarlığı ,dərin zəkası,gözəl nitq qabiliyyəti və səmiyyəti ilə seçilən,həmişə müasir müalicə üsullarına can atan həkim- tibb xidməti mayoru Əliyev Məhəmməd İsrail oğlu oğlu 1967 -ci ilin noyabr ayının 6 -da Xanlar (indiki Göy göl ) rayonunda zəhmətkeş bir ailədə anadan olub.
1984- ci ildə Gəncə şəhər 1 nömrəli tam orta məktəbini,1994-cü ildə isə Bakı şəhərində Azərbaycan Dövlət Tibb İnstitutunu bitrib.Əziz Əliyev adına Azərbaycan Dövlət həkimlərin təkmilləşmə institutunda müvafiq kurslarda olub. O, Daxili Qoşunlarda xidmət etdiyi illər ərzində Daxili Qoşunların Baş İdarəsində və hərbi hissələrində (hərbi hospitalında) keçirilən bir çox təlim - metodiki toplanışlarda, xüsusi -taktiki təlimlərdə,semnar və konfranslarda fəal iştirak edib.
1985- 1986 cı illərdə Sovet ordusunun Ukrayna Respubilkasının Nikalayevski şərərində yerləşən hərbi hissələrin birində tankcı-mexaniq vəzifəsina (starşına rütbəsində ) müddətli həqiqi hərbi xidmətdə olub.
1994-2017-ci illərdə Daxili İşlər Nazirliyinin Daxili Qoşunların Gəncə şəhərində, Hacıqabul rayonunda yerləşən hərbi hissələrdə terapevt, tibb məntəqəsinin rəsi və tibb xidmət rəisi vəzifələrində Vətənə və Xalqa sədaqətlə xidmət edib.2017-ci ildən Müdafiə Nazirliyinin Gəncə şəhərində yerləşən hərbi hospitalında baş ordinator vəzifəsində işləyir.
Hərbi və həkim yoldaşları Məhəmməd həkimi vətənpərvər,qayğıkeş,mehriban,sadə, tevözkar,intellektual səviyyəli, qorxmaz, səxavətli, insanpərvər, əliacıq və zəhmətkeş zabit kimi dəyərləndirirlər. O, istər təhsil aldıgı orta və ali təhsil müəssisələrində, istər xidmət etdiyi və çalışdığı mühitdə, istərsədə dost - tanış , qohum- əqraba arasında özünə böyük hörmət qazanıb.
Qanunvericiliklə müəyyən olunmuş qaydada Daxili Qoşunlara həvalə olunmuş vəzifə və tapşırıqların yerinə yetirilməsində, şəhərdə,yaşayış məntəqələrində,kütləvi tədbirlərin kecirilmə yerlərində ictimai qaydanın qorunmasında, ictimai təhlükəsizliyin təmin edilməsində, cinayətkarlığa qarşı mübarizədə, şəhərdə kütləvi iğtişaşların qarşısının alınmasında, qəzaların bədbəxt hadisələrin,yanğınların, təbii fəlakətlərin və başqa fövqalədə hallar, habelə fövqalədə vəziyyət və komendant saatı zamanı hüquqi rejim tədbirlərinin həyata keçirilməsində eləcə də Azərbaycanın ərazi bütövlüyünün təmin edilməsində üzərinə düsən vəzifə və tapşırıqları məsuliyyət və şərəf hissi ilə yerınə yetirmişdir.
Öz tabeliyində olanlara və bir çox hərbi qulluqculara (həkimlərə), Azərbaycan Respublikasının Konstitusiyasına və qanunlarına əməl edilməsi, Hərbi Andın, hərbi və daxili qoşunların döyüş xidməti nizamnamələrin tələblərin, əmr və sərəncamların dəqiq və sözsüz yerinə yetirilməsi işində daimi şəxsi nümunə olmuşdur. Hippaokrat andı icən Məhəmməd həkim o, anda sona qədər sadiq olaraq, ona həvalə edilmiş vəzifə və tapşırıqları məsuliyyət və şərəf hissi ilə yerınə yetirmişdir.
Öz xidməti vəzifə borclarını və hərbi hissə qarşısında qoyulmuş tapşırıqları yerinə yetirərkən xüsusi fəeqləndiyinə görə Daxili İşlər Nazirinin, Daxili Qoşunlar Komandanın və onun müavinlərinin və hərbi hissə komandirlərinin müvafiq əmrləri ilə, əla xidmətlərə görə əlavə və yubiley nişanları ilə təltif olunub , bir çox fəxri fərmanlarla, qiymətli hədiyyələrlə mükafatlandırıb, ona təşəkkür elan edilib və aşağıdakı medallarla təltif edilib:
1”Qüsursuz xidmətə görə” 1-ci dərəcəli medal ilə- Silahlı Qüvvələrdə 20 təqvim ili xidmətə görə;
2.”Qüsursuz xidmətə görə” 2-ci dərəcəli medal ilə- Silahlı Qüvvələrdə 15 təqvim ili xidmətə görə;
3.”Qüsursuz xidmətə görə 3 -cü dərəcəli medal ilə- Silahlı Qüvvələrdə 10 təqvim ili xidmətə görə;
4.”Azərbaycan Respubilkasının Silahlı Qüvvələrinin 10 illiyi ( 1991- 2001)” yubiley medalı ilə;
5.”Azərbaycan Respubilkasının Silahlı Qüvvələrinin 90 illiyi (1918- 2008)” yubiley medalı ilə;
6.”Azərbaycan Respubilkasının Silahlı Qüvvələrinin 95 illiyi (1918- 2013)” yubiley medalı ilə.
DOĞUM GÜNÜN MÜBARƏK OLSUN MƏHƏMMƏT HƏKIM .
HƏMİŞƏ ÜZÜN GÜLSÜN, ÜRƏYİN SEVİNSİN!
ALLAH HƏR ZAMAN QƏLBİNİ SIXINTIDAN, BƏDBİNLİKDƏN QORUSUN!
Azərbaycan Respibilkasının Silahlı Qüvvələr və Müharibə Veteranı polkovnik Salman Musayev
Hiç yorum yok:
Yorum Gönder