Daxili İşlər Nazirliyi Daxili Qoşunların həyatında öz dəst - xətti və xüsusi xifmətləri olmiş, yüksək hərbi peşəkarlığı, humanistliyi, dərin zəkası, gözəl nitq qabiliyyəti, vətənpərvərliyi, sadəliyi, səmimiyyəti , dəqiqliyi, təmkinliyi, insanpərvərliyi və təşkilatclıq bacarığı ilə seçilən, ömrünün ən məhsuldar dövrünü Daxili Qoşunlarda keçirmiş, Azərbaycan Respublikasının Silahlı Qüvvələr Veteranı- ehtiyatda olan polkovnik-leytenant Niftəliyev Əlixan Sərxan oğlunun noyabr ayının 7 -də dünyaya göz acdığı gündür.
Belə bir əlamətdar gün münasbətilə daimi həyatın imtahanlarından alnıacıq və üzüağ çıxan - Azərbaycan Respublikasının Silahlı Qüvvələr Veteranı polkovnik - leytenant Niftəliyev Əlixan Sərxan oğlunu Din-in Daxili Qoşunların ehtiyatda və istefada olan zabitləri, doğmaları, əzizləri, dostları,onun iş və doyüşcü yoldaşları səmimi qəlbdən təbrik edir,səbəbkara həyatda insan üçün ən şirin nemət olan möhkəm cansağlığı və həyat yollarında bitib - tükənməyən naliyyətlər arzu edib deyirlər, Əlixan müəllim qoy hər yeni yaşınız sizə sevincdolu illər bəxş etsin, hər yeni günüz isə sizi istəklərinizə qovuşduraraq daha da xoşbəxt etsin.
Polkovnik- leytenant
Niftəliyev Əlixan Sərxan oğlu 1967 - ci ilin noyabr ayının 7-də Azərbaycan Respublikasının Qubadlı rayonun Dondarlı kəndində zəhmətkeş bir ailədə anadan olub.
1985-ci ildə Qubadlı rayonun Dondarlı kənd orta məktəbini, 1995 -ci ildə Azərbaycan Pedaqoji İnstitutunu bitirib. Daxili Qoşunlarda xidmət etdiyi illər ərzində Türkiyə Jandarma Qüvvələrinin Sahil və təhlükəsizlik akademiyasında,Foce komanda məktəbində və Çin Xalq Azadlıq ordusunun Quru Qoşunlar Akademiyasında müvafiq (zabitlərin təhkimləşdirmə, xüsusi təyinatlı bölmələrin hazırlığı, müəllimlərin, bölgə komandiri və qərargah rəislərin ixtisas artırma) kurslarında olub. Bundan əlavə Əlixan Niftəliyev Dax Qoşunlarda xidmət etdiyi müddətdə Daxili Qoşunların Baş İdarəsində və hərbi hissələrində keçirilən bir çox təlim -metodiki toplanışlarında, xüsusi - taktiki təlimlərdə, nümunəvi göstərici məşğələlərdə, komanda -qərargah məşqlərində, seminar və konfranslarda fəal iştirak edib.
1985-1987-ci illərdə Sovet ordusunun qırmızı bayraqlı Zakafikaziya dairəsinin Gürcüstan Respublikasının Candarda yerləşən hərbi hissələrin birində müddətli həqiqi hərbi xidmətdə olub.
1995 - 2022 ci illərdə Daxili İşlər Nazirliyi Daxili Qoşunlarının Sumqayıt şəhərində, Binəqədi, Xətai və Xəzər rayonlarında yerləşən hərbi hissələrində və hərbi məktəbində taqım komandiri, xüsusi təyinatlı bölük komandirinin müavini, böluk komandiri, qərargah rəisinin xidmət üzrə köməkçisi, döyüş hazırlığı bölməsinin rəisi, hərbı hissə komandirinin birinci müavini-qərargah rəisi və müəllim vəzifələrində Millətə, Vətənə, Dövlətə və Xalqa sədaqətlə xidmət edib.Hal- hazırda ehtiyatda olan polkovnik-leytenat Əlixan Niftəliyev Milli Müdafiə Universitetinin müvafiq strukturlarının birində müəllim vəzifəsində çalışır.
Ə.Niftəliyev öz tabeliyində olanlara Azərbaycan Respublikası Konstitusiyasına və qanunlarına əməl edilməsi, hərbi andın, hərbi və daxili qoşunların döyüş xidməti nizamnamələrinin tələblərinin, əmr və sərancamların dəqiq və sözsüz yerinə yetirilməsi işində daimi nümunə olmuşdur.
Qanunvericiliklə müəyyən olunmuş qaydada Daxil İşlər Nazirliyinin Daxili Qoşunlarına həvalə edilmiş vəzifələrin yerinə yetirilməsində, mühüm dövlət obyektlərin, xüsusi yüklərin mühafizə olunmasında, yaşayış məntəqələrində və islah-əmək müəssisələrində kütləvi iğtişaşların qarşısının alınmasında, cinayətkarlığa qarşı mübarizədə, birləşmiş silahlı dəstələrin axtarışında və zərərsizləşdirilməsində, şəhərdə, yaşayış məntəqələrində və kütləvi tədbirlərin keçirilmə yerlərində ictimai asayişin qorunmasında və ictimai təhlükəsizliyin təmin olunmasında, qəzalar, bədbəxt hadisələr, yanğınlar, təbii fəlakətlər və başqa fövqəladə hallar, habelə fövqəladə vəziyyət və komendant saatı zamanı hüquqi rejimin tədbirlərin həyata keçirilməsində,dövlətin ərazi bütövlüyünün təmin edilməsində üzərinə düşən vəzifə və tapşırıqların öhtəsindən layiqincə gəlmişdir.
Öz vəzifələrinin yerinə yetirilməsinə məsuliyyətlə yanaşdığına görə Azərbaycan Respublikasının Daxili İşlər Nazirinin, Daxili Qoşunlar Komandanı və onun müavinlərinin, ali hərbi məktəb rəisinin və hərbi hissə komandirinin
müvafiq əmrləri ilə əla xidmətlərə görə əlacı və yubiley döş nisanları ilə təltif olunub, bir çox fərmanlarla, qiymətli hədiyyələrlə mükafatlandırlıb və ona təşəkkür elan edilib.
Hərbi yoldaşları Əlixan Sərxan oğlu Niftəliyevi vətənpərvər, qorxmaz, səxavətli, əliacıq, zəhmətkeş, ən gözəl ailə başçısı, qətiyyətli, qayğıkeş insan və nüfuzlu zabit kimi dəyərləndirirlər. O, təhsil aldıgı orta və ali təhsil müəssisələrində, istərsə də xidmət etdiyi və çalışdığı mühitdə, istərsə də qohum- əqrəba, dost - tanış arasında özünə layiqli hörmət qazanıb.
Azərbaycan Respublikasının müstəqilliyinin, ərazi bütövlüyünün qorunub saxlanmasında, Respublikada əmin - amanlığın təmin edilməsində, ictimai asayişin qorunmasında, cinayətkarlığa qarşı mübarizədə öz xidməti vəzifələrini və hərbi hissənin qarşısında qoyulmuş tapşırıqları yerinə yetirərkən fəriqləndiyinə görə aşağıdakı medallarla təltif olunub:
1."Azərbaycan Respubilkası Silahlı Qüvvələrinin yaranmasının 10 illiyi ( 1991 - 2001)” yubiley medalı ilə;
2."Azərbaycan Respubilkası Silahlı Qüvvələrinin yaranmasının 90 illiyi ( 1918 -2008)” yubiley medalı ilə;
3.”Azərbaycan Respublikasının Silahlı Qüvvələrinin 95-illiyi (1918- 2013)” yubiley medalı ilə;
4."Qüsursuz xidmətə görə” 3-cü dərəcəli medal -Silahlı Qüvvələrdə 10 təqvim ili xidmətə görə;
5."Qüsursuz xidmətə görə "2-ci dərəcəli medal -Silahlı Qüvvələrdə 15 təqvim ili xidmətə görə;
6."Qüsursuz xidmətə ğörə "1 -ci dərəcəli medalı -Silahlı Qüvvələrdə 20 təqvim ili xidmətə görə.
7.”Azərbaycan Respublikasının Silahlı Qüvvələr Veteranı” medalı ilə;
8.”Hərbi xidmətdə fərqlənməyə görə” 3-cü dərəcəli medal ilə.
Azərbaycan Respublikasının ərazi bütövlüyünün təmin edilməsində, hərbi borcu, xidməti vəzifələrini və xüsusi tapşırıqları yerinə yetirərkən fərqləndiyinə görə Azərbaycan Respublikasının Prezidentinin 5 may 2005 -cı il tarixli 803 nömrəli sərəncamına əsasən “Hərbi xidmətlərə görə” medalı ilə təltif olunub.
DOĞUM GÜNÜN MÜBARƏK OLSUN ƏLİXAN!
HƏMİŞƏ ÜZÜN GÜLSÜN, ÜRƏYİN SEVİNSİN!
100 YAŞA, SAĞLAM YAŞA !
Azərbaycan Respubilkası Silahlı Qüvvələr və Müharibə Veteranı polkovnik Salman Musayev
Hiç yorum yok:
Yorum Gönder