Ömrünün ən məhsuldar dövrünü Daxili işlər orqanlarında və Daxili İşlər Nazirliyinin (DİN-in) Daxili Qoşunlarda keçirirmiş, yüksək peşəkarlığı, hümanistliyi, işgüzarlığı, sadəliyi, səmimiyyəti, dəqiqliyi, təmkinliyi, vətənpərvərliyi,xeyirxahlığı, iradı və mənəvi keyfiyyətləri ilə seçilən, hörmətli veteranımız- ehtiyatda olan polkovnik- leytenant Yusif Məmmədovun noyabr ayının 22-də dünyaya göz açdığı gündür.
Daimi həyatın bütün sınaqlarından alnıaçıq və üzüağ çıxan, ehtiyatda olan polkovnik- leytenant Yusif Məmmədovu 22 noyabr doğum günü münasibətilə DİN- in Daxili Qoşunlarının ehtiyatda və istefada olan zabitləri, kollektivi, onun doğmaları, əzizləri, yaxınları, iş və döyüşçü yoldaşları səmimi qəlbdən təbrik edir, ona cansağlığı və uzun ömür arzulayır.
Qeyd edək ki, polkovnik- leytenant Məmmədov Yusif Miryaqub oğlu 1968-ci ilin noyabr ayının 22-də Azərbaycan Respublikasının İmişli rayonunun Göbəktala kəndində zəhmətkeş bir ailədə anadan olub.
1985-ci ildə İmişli rayon Göbəktala kənd orta məktəbini,1993-cü ildə Azərbaycan İnşaat Mühəndisləri İnstitutunu 2001-ci ildə isə Daxili İşlər Nazirliyinin Daxili Qoşunların Baş İdarəsinin Xəzər rayonunda yerləşən təlim -tədriis mərkəzində zabitlərin təhkimləşdirmə kursunu (“əla” qiymətlərlə kurs birincisi kimi ) bitrib.
Yusif Miryaqub oğlu Məmmədov Din-in Daxili Qoşunlarında müxtəlif vəzifələrdə xidmət etdiyi illər ərzində Daxili Qoşunların Baş İdarəsində və hərbi hissələrində kecirilən bir çox təlim -metodiki toplanışlarda, xüsusi- taktiki təlimlərdə, zabitlərin komandir hazırlığı dərslərində, seminar və konfranslarda fəal iştirak etmişdir.
1987-1989-cu illərdə Sovet Ordusunda müddətli həqiqi hərbi xidmətdə olub.
1992-1994-cü illərdə Azərbaycan Respublikasının Daxili işlər orqanların-da müxtəlif vəzifələrdə xidmət edib.
1996-2003-cü illərdə Daxili İşlər Nazirliyinin Daxili Qoşunlarının Hacqabil rayonunda yerləşən hərbi hissədə taqım komandiri, bölük komandirinin müavini, bölük komandiri,2003-2014-cü illərdə Daxili Qoşunların Zakatala rayonunda yerləşən hərbi hissədə qərargah rəisinin şəxsi heyətin uçotu üzrə baş köməkçisi,2014-2023-cü illərdə isə Daxili Qoşunların Baş İdarəsinin qərargahında təşkilat və komplektləşdirmə şöbəsində baş zabit, şöbə rəisinin müavini vəzifələrində Vətənə və xalqa sədaqətlə xidmət etib. Y.Məmmədov hal-hazırda Səfərbərlik və Hərbi Xidmətə Çağırış üzrə Dövlət Xidmətinin Kadrlar baş idarəsində məsləhətçi vəzifəsində çalışır.
O,Azərbaycan Respublikasının ərazi bütövlüyü uğrunda gedən döyüşlərdə iştirak edərək,ona həvalə edilmiş vəzifə və tapşırıqların öhdəsindən layiqincə gəlmişdir.Azərbaycan Respublikasının Silahlı Qüvvələr və Müharibə Veteranıdır.
Yusif Məmmədov Azərbaycan Respublikası Konstitusiyasınısa və qanunlarına, Hərbi Andın, hərbi və daxili qoşunların döyüş xidməti nizamnamələrin tələblərinə və vəzifə borcuna əməl etməkdə bir çox hərbi qulluqçular və tabeliyindəklər üçün nümunə olmuşdur
Qanunvericiliklə müəyyən edilmiş qaydada Daxil İşlər Nazirliyinin Daxili Qoşunlarına həvalə olunmuş vəzifə və tapşırıqların yerinə yetirilməsində, şəhərdə, yaşayış məntəqələrində və kütləvi- tədbirlərin keçirilməsi yerlərində ictimai asayişin qorunmasında və ictimai təhlükəsizliyin təmin edilməsində, yaşayış məntəqələrində kütləvi iğtişaşların qarşısının alınmasında, terrorizmə və cinayətkarlığa qarşı mübarizdə, axtarışda olan silahlı qruplaşdırılmış dəstə üzvlərinin axtarışında və onların tutulmasında, dövlət əhəmiyyətli obyektlərin, inzibati binaların, hərbi təchizat anbarların mühafizə edilməsində, qəzalar, bədbəxt hadisələr, yanğınlar, təbii fəlakətlər və başqa fövqəladə hallar, habelə fövqəladə vəziyyət və komendant saatı zamanı hüquqi rejim tədbirlərin həyata keçirilməsində, dövlətin ərazi bütövlüyünün təmin ovunmasında Yusif Miryaqub oğlu Məmmədov üzərinə düşən vəzifə və tapşırıqları layiqincə yerinə yetirmişdir.
Öz xidməti (ictimai) vəzifələrini və hərbi hissə qarşısında qoyulmuş tapşırıqları yerinə yetirərkən fərqləndiyinə, səmərəli fəaliyyətinə və xidmət keçdiyi dövrdə göstərdiyi digər xidmətlərə görə Daxili İşlər Nazirinin, Daxili Qoşunlar komandanın, onun müavinlərinin və hərbi hissə komandirinin müvafiq əmrləri ilə əlacı, müvafiq idman dərəcəsi və yubiley döş nişanları ilə, bir çox fərmanlarla , qiymətli hədiyyələrlə mükafatlandırılıb, ona təşəkkür elan edilib və aşağıdakı medallarla təltif olunub:
1.“Azərbaycan Respublikasının Silahlı Qüvvələr Veteranı” medalı ilə;
2.“Azərbaycan Respublikasının Silahlı Qüvvələrininnin 10 illiyi (1991-2001)” yubiley medalı ilə;
3.”Azərbaycan Respublikasının Silahlı Qüvvələrinin 90 (1918- 2008)” yubiley medalı ilə;
4.” Qüsursuz xidmətə görə” 1-ci dərəcəli medal ilə -Silahlı Qüvvələrdə 20 təqvim ili görə;
5.” Qüsursuz xidmətə görə” 2-ci dərəcəli medal ilə- Silahlı Qüvvələrdə 15 təqvim ili xidmətə görə;
6.” Qüsursuz xidmətə görə “ 3-cü dərəcəli medal ilə- Silahlı Qüvvərdə 10 təqvim ili xidmətə görə.
Azərbaycan Respublikasının Daxili İşlər Nazirliyinin Daxili Qoşunlarının yaradılmasının 24-cü il dönəmi ilə əlaqədar olaraq, dövlətin ərazi bütövlüyünün təmin ovunmasında iştirak etdiyinə, döyüş zamanı igidlik göstərdiyinə və hərbi hissə qarşısında qoyulmuş tapşırıqları yerinə yetirərkən fərqləndiyinə görə polkovnik- leytenant Məmmədov Yusif Miryaqub oğlu Azərbaycan Respublikası Prezidentinin (10 mart 2016-cı il tarixli 1877 saylı) sərəncamı ilə “Hərbi xidmətlərə görə” medala təltif olunub.
YUSİF DOĞUM GÜNÜNÜZ MÜBARƏK OLSUN!
100 YAŞA, SAĞLAM YAŞ A!
Azərbaycan Respublikasının Silahlı Qüvvələr və Müharibə Veteranı polkovnik Salman Musayev
Hiç yorum yok:
Yorum Gönder