COP29 tədbirinin rəsmi açılış mərasimi keçirilib

Bakıda BMT-nin İqlim Dəyişikliyi üzrə çərçivə Konvensiyasının Tərəfləri Konfransının 29-cu sessiyasının (COP29) rəsmi açılış mərasimi keçirilib.

Bakmiltv.info bildirir ki, mərasimi COP28 sədri, Birləşmiş Ərəb Əmirliklərinin (BƏƏ) sənaye və qabaqcıl texnologiyalar naziri Sultan Əhməd Əl-Cabiri açıb.

Sonra COP29-un seçilmiş sədri Muxtar Babayev, ardınca BMT-nin İqlim Dəyişmələri üzrə Çərçivə Konvensiyasının icraçı katibi Saymon Stil çıxış ediblər.

12:05

"İqlim dəyişmələrinin qarşısının alınması səylərini sürətləndirmək üçün beynəlxalq karbon bazarlarının fəaliyyətə başlaması zəruridir".

Bakmiltv.info bildirir ki, bu barədə BMT-nin İqlim Dəyişmələri üzrə Çərçivə Konvensiyasının icraçı katibi Saymon Stil Bakıda BMT-nin İqlim Dəyişmələri üzrə Çərçivə Konvensiyasının Tərəfləri Konfransının 29-cu sessiyasının (COP29) açılışında bildirib.

"Məhz burada, Bakıda, Paris Sazişinin 6-cı maddəsinə dair razılaşmanı tamamlamaqla beynəlxalq karbon bazarlarının fəaliyyətinə başlamalıyıq", - S.Stil vurğulayıb.

11:43

COP-da sədrlik Azərbaycana təhvil verildi.

Bakmiltv.info xəbər verir ki, COP29 tədbirinin rəsmi açılış mərasimində ilk olaraq COP28 sədri, Birləşmiş Ərəb Əmirliklərinin (BƏƏ) sənaye və qabaqcıl texnologiyalar naziri Sultan Əhməd Əl-Cabiri çıxış edib.

O, çıxışında COP-da sədrliyi Azərbaycana təhvil verib və COP29-un sədri seçilməsi münasibətilə Azərbaycanın ekologiya və təbii sərvətlər naziri Muxtar Babayevi təbrik edib.

11:18

Bu gün Bakıda BMT-nin İqlim Dəyişikliyi üzrə çərçivə Konvensiyasının Tərəfləri Konfransının 29-cu sessiyası (COP29) işinə başlayıb.

Bakmiltv.info xəbər verir ki, hazırda COP29 tədbirinin rəsmi açılış mərasimi keçirilir.