Daxil İşlər Nazirliyinin (Din-in) Daxili Qoşunlarının həyatında öz dəsti - xətti olan, yüksək hərbi peşəkarlığı, dərin zəkası, vətənpərvərliyi, gözəl nitq qabiliyyəti, sadəliyi, insanpərvərliyi və səmimiyyəti ilə seçilən, ehtiyatda olan mayor İbrahimov Xosrov Ağamoğlan oğlunun oktyabr ayının 17 - də dünya göz açdığı gündür.
Daimi həyatın imtahanlarından alnıaçıq və üzüağ çıxan - ehtiyatda olan mayor Xosrov İbrahimovu doğum günü münasibətilə Din-in Daxili Qoşunlarının ehtiyatda və istefada olan zabitləri, kollektivi, onun doğmaları ,yaxınlarıvə iş yoldaşları səmimi qəlbdən təbrik edir,səbəkara həyatda insan üçün ən şirin nemət olan möhkəm cansağlığı, həyat yollarında bitib- tükənməyən naliyyətlər arzu edib deyirlər,
Xosrov qoy hər yeni yaşınız sizə sevinc dolu günlər bəxş etsin, hər yeni iliniz isə sizi istəklərinə qovuşduraraq daha da xoşbəxt etsin.
Mayor İbrahimov Xosrov Ağamoğlan oğlu 1982-ci illin oktyabr ayının 17 -də Azərbaycan Respublikasının Sumqayıt şəhərində zəhmətkeş bir ailədə
anadan olub.
1989-1997 - ci illərdə Sumqayıt şəhər 35 nömrəli tam orta məktəbdə oxuyub.1999-cu ildə Cəmşid Naxçıvanski adına hərbi liseyi, 2003- ci ildə Müdafiə Nazirliyinin Heydər Əliyev adına Ali Məktəbini, 2004 - ci ildə Daxili İşlər Nazirliyinin Daxili Qoşunların Baş İdarəsinin Xəzər rayonunda yerləşən təlim- tədris mərkəzində zabitlərin ixtisas
artırma, 2007-ci ildə isə Türkiyə Cümhuriyyətinin Jandarma Qüvvələrində ingilis dili kurslarını bitrib.Hərbi təcürbə mübadiləsi əldə etmək üçün Türkiyə Jandarma qüvvələrinin hərbi hissələrində, hərbi məktəblərində və əlahiddə bölmələrində işgüzar səfərdə olub.
2003-2019 - cu illərdə Daxili İşlər Nazirliyi Daxili Qoşunlarının hərbi hissələrində taqım komandiri, bölük komandiri, tabor komandirinin tərbiyəvi işləri üzrə müavini, tərbiyə bölməsinin rəisi – baş təlimatçı, Daxili İşlər Nazirliyinin Daxili Qoşunlarının Baş İdarəsinin mənəvi- psixoloji hazırlıq şöbəsində isə zabit vəzifələrində Millətə, Vətənə, Dövlətə və Xalqa sədaqətlə xidmət edib.
Xosrov İbrahimov Din-in Daxili Qoşunlarıda xidmət etdiyi illər ərzində Azərbaycan Respublikası Konstitusiyasına və qanunlarına əməl edilməsi, Hərbi Andın, hərbi və daxili qoşunların döyüş xidməti nizamnamələrinin və hərbi qulluqçuların etik davranış kodeksinin tələblərinin, əmr və sərəncamların dəqiq və sözsüz yerinə yetirilməsi işində bir çox hərbi qulluqculara səxsi nümunə olub.
Mayor Xosrov İbrahimov Daxili Qoşunların Baş İdasində, təlim -tədris mərkəzində və hərbi hissələrdə keçirilən bir çox təlim-metodiki toplanışlarda, müvafiq ixtisas artırma kurslarda, hərbi və xüsusi - taktiki təlimlərdə,nümnəvi-göstərici məşğələlərdə, seminar və konfranslarda fəal iştirak etməsi sayəsində bu sahədə bilik və baçarıqlarını maksimal təhkimləşdirib və beləcə daxili qoşunlarda özünu son dərəcə faydalı kadr olaraq təsdiq edib.
Mayor İbrahimov Xosrov Ağamoğlan oğlu həmişə ulu öndərin idealarına, dövlət başçımızın yerdiyi siyasətə, dövlətçiliyə sadiq ,hər zaman sözü ilə əməli bir olan zəhmətkeş zabit olub.
Qanunvericiliklə müəyyən edilmiş qaydada Din- in Daxili Qoşunlarına həvalə edilmiş vəzifələrin yerinə yetirilməsində,
şəhərdə, yaşayış yerlərində və kütləvi tədbirlərin kecirilmə yerlərində ictimai asayişin qorumasında və ictimai asayişin təhlükəsizliyinin təmin olunmasında, yaşayış məntəqələrində kütləvi iğtişaşların qarşısının alınmasında, cinayətkarlığa qarşı mübarizənin təşkilində, silahlı birləşmiş dəstələrin axtarışında və zərərsizləşdirilməsində, mühüm dövlət obyektlərin və hərbi təchizat anbarların mühafizə edilməsində,qəzalar, yanğınlar,bədbəxt hadisələr, təbii fəlakətlər və başqa fövqalədə hallar, habelə fövqaladə vəziyyət və komendat saatı zamanı hüquqi rejimin təmin edilməsində, dövlətin ərazi bütövlüyünün təmin olunmasında, eyni zamanda küratoru olduğu xidmət sahələrinin fəaliyyətinin çevik və məqsədyönlü idarə olunmasında, düzgün istiqamətləndirilməsində üzərinə düşən vəzifə və tapşırıqların öhdəsindən layiqincə gəlmişdir.
Hərbi xidməti vəzifələrinin icrası zamanı yüksək mənəvi- döyüş keyfiyyətləri göstərdiyinə, döyüş və ictimai siyası hazırlığında, hərbi intizamın möhkəmləndirilməsində yüksək göstəricilərə nail olduğuna və nümunəvi xidmətinə görə Daxili İşlər Nazirinin, Daxili Qoşunlar Komandanın və onun müavinlərinin, hərbi liseyi və ali hərbi məktəb rəisləriinin, hərbi hissə komandirinin müvafiq əmrləri iIə əlaçı və yubiley döş nişanları ilə təltif olunub, bir çox fərmanlarla, qiymətli hədiyyələrlə mükafatlandırlıb və ona təşəkkür elan edilib.
Azərbaycan Respublikasının Daxili İşlər Nazirliyinin Daxili Qoşunlarının yaradılmasının ildönümü ilə əlaqədar olaraq, dövlətin ərazi bütövlüyünün və təhlükəsizliyinin təmin olunmasında iştirak etdiyinə,
döyüşlər və xüsusi əməliyatlar zamanı şücaət, fədakarlıq göstərdiyinə və öz xidməti vəzifələrini yerinə yetirərkən xüsusi fəriqləndiyinə görə mayor Xosrov Ağamoğlan oğlu aşağıdakı medallarla təltif olunub:
1.”Hərbi xidmətdə fərqləndiyinə görə" 3-cü dərəcəli medal ilə,
2."Azərbaycan Respubilkası Silahlı Qüvvələrinin 90 illiyi (1918- 2008)” yubiley medalı ilə;
3."Azərbaycan Respubilkası Silahlı Qüvvələrinin 95- illiyi (1918 -2013)” yubiley medalı ilə;
4."Qüsursuz xidmətə görə" 3 -cü dərəcəli medal ilə - Silahlı Qüvvələrdə 10 təqvim ili xidmətə görə;
5."Qüsursuz xidmətə görə" 2-ci dərəcəli medal ilə
- Silahlı Qüvvələrdə 15 təqvim ili xidmətə görə;
6.”Qüsursuz xidmətə görə” 1-ci dərəcəli medal ilə -Silahlı Qüvvələrdə 20 təqvim ili xidmətə görə.
Hərbi yoldaşları Xosrov İbrahimovu ətənpərvər, qorxmaz, səxavətli, insanpərvər, əliacıq və zəhmətkeş zabit kimi dəyərləndirirlər. O, istər təhsil aldıgı orta və ali təhsil müəssisələrində, istər xidmət etdiyi və çalışdığı mühitdə, istərsədə dost - tanış , qohum - əqraba arasında özünə böyük hörmət qazanıb.
DOĞUM GÜNÜN MÜBARƏK OLSUN XOSROV!
ALLAH HƏR ZAMAN QƏLBİNİ SIXINTIDAN, BƏDBİNLİKDƏN QORUSUN!
BÜTÜN ARZULARIN ÇİN OLSUN!
HƏMİŞƏ ÜZÜN GÜLSÜN, ÜRƏYİN SEVİNSİN!
Azərbaycan Respubilkasının Silahlı Qüvvələr və Müharibə Veteranı polkovnik Salman Musayev
Hiç yorum yok:
Yorum Gönder