Bu gün şəhər saatlarında hər üç Şəhidin Bakıda-ikinci Fəxri Xiyaban və ikinci Şəhidlər Xiyananında, eləcə də Siyəzəndə məzarları ziyarət olunub.

Məzarları üzərinə gül dəstələri düzülüb, əklillər qoyulub, ruhlarına dualar edilib.

Eyni zamanda, ikinci Şəhidlər Xiyabanında Şəhidlərin xatirəsi bir dəqiqəlik sükutla yad edilib, Dövlət himni səsləndirilib, o cümlədən çıxışlar edilib.

Çıxışlarda tarixi 44 günlük İkinci Vətən Müharibəsindən, müqəddəs Qələbə və Zəfərimizdən, adları çəkilən Şəhidlər də daxil olmaqla, cəmi Şəhidlərin İgidlik və Qəhrəmanlıqlarından söz açılıb, onlarla Fəxr edildiyi və Qürur duyulduğu bildirilib.

Bildirilib ki, Şəhidlər heç zaman unudulmayıb və unudulmayacaqlar.

Eyni zamanda, Şəhidlərin ailələrinə bir daha Allahdan səbr və dözüm arzulanıb.

Sonra Bakıda yerləşən 3 şadlıq sarayı və mərasim evində adları çəkilən Şəhidlərlə bağlı ayrı-ayrılıqda Anım mərasimləri təşkil olunub, ehsan süfrələri açılıb.

Anım mərasimlərində bir daha Şəhidlərin ruhlarına dualar oxunub, bir daha Şəhidlərin İkinci Qarabağ Savaşındakı tarixi xidmətlərindən və fədakarlıqlarından söz açılıb.

Duyğulu, kövrək, təsirli anlar yaşanıb.

Qeyd edək ki, hər üç Şəhidin məzarını ziyarət və Anım mərasimlərində Şəhidlərin ailə üzvləri, doğmaları, Bakı və Siyəzən sakinləri, Şəhid ailələri, hərbçilər, Qazilər, müvafiq yerli İcra hakimiyyətlərinin rəhbər və məsul şəxsləri, millət vəkilləri, o cümlədən, Xətai rayon İcra Hakimiyyətinin başçısı Rafiq Quliyev, Yeni Azərbaycan Partiyası (YAP) Xətai rayon təşkilatının sədri Vüqar Rəhimzadə, Şəhid atası, Xalq artisti Əli Nur, məktəblilər və digərləri iştirak ediblər.

Məkanları cənnətlik, məqamları uca, ruhları şad olsun!

Ruhları qarşısında bir daha ehtiram və sayğı ilə baş əyirik!

Nur içində yatsınlar!

13:39

***

FOTOLAR:

İKİNCİ FƏXRİ XİYABAN VƏ İKİNCİ ŞƏHİDLƏR XİYABANI…NUR ÜZLÜ ŞƏHİDLƏRİMİZ…SÜBHAN ABDURAHMANLI VƏ RƏŞAD QULİYEV…

14:30

***

RƏŞAD QULİYEVİN ANIM MƏRASİMİ…

18:20

***

VƏ RƏŞİD HƏMİDOVUN ANIM MƏRASİMİ…ŞƏHİD ANASI, ŞƏHİD ANALARI, ŞƏHİD AİLƏLƏRİ, QAZİLƏR, HƏRBÇİLƏR, MİLLƏT VƏKİLLƏRİ, SƏNƏTÇİLƏR…

Kamil HƏMZƏOĞLU (HƏMİDOV)