Ölkəmizin nüfuzlu idman yarışlarına və tədbirlərinə evsahibliyi etməsi, təmsilçilərimizin mötəbər yarışlarda medallar qazanması respublikamızı dünyada idman ölkəsi kimi tanıdıb.
Həm qazandığımız medallar, həm idman komplekslərinin tikintisi, həm də Azərbaycanın dünya miqyasında idman ölkəsi kimi imicinin möhkəmlənməsi bir vəhdət kimi idman sahəsindəki uğurlarımızın əsasını təşkil edir. Artıq idmançılarımızın yarışlardan qalib kimi qayıtması bunun bariz nümunəsi və qürurvericidir. Naftalan şəhər UGİM-nin gənc cüdoçusu Qurbanov Sadiq Nadir oğlu Türkiyədə 9-11 sentyabr 2024 tarixlərində keçirilən Beynəlxalq “1922 Edirne” Açıq Cüdo turnirində II yerə layiq görülərək gümüş medal qazanıb.
Naftalan Şəhər İcra Hakimiyyətinin başçısı Vüqar Novruzov gənc idmançı Sadiq Qurbanovla görüşüb, səmimi təbriklərini çatdırıb, gələcək həyatında və təhsilində uğurlar arzulayıb. Rayon rəhbəri möhtərəm Prezidentimiz İlham Əliyevin və Birinci vitse-prezident Mehriban xanım Əliyevanın idmanın inkişafını həmişə diqqətdə saxladıqlarını və bu istiqamətdə mühüm tədbirlər həyata keçirildiyini, Cüdo idman növünə böyük önəm verildiyini vurğulayıb.Şəhid ailəsinin yeganə övladı olan Sadiq ölkə daxili və beynəlxalq yarışlarda iştirak etmiş və 2 dəfə Region birinciliyinin, müxtəlif turnirlərin qalibi olub. Görüşdə idmançı Sadiq Qurbanov və onun məşqçi müəllimi Fuad Əliyev “Fəxri fərman” və qiymətli hədiyyə ilə mükafatlandırılıb.
Hiç yorum yok:
Yorum Gönder