Azərbaycan Respublikasının Müharibə Veteranı Nağı İmanovun avqust ayının 16-da dünya göz açdığı gündür.
Daim həyatın imtahanlarından alnıaçıq və üzüağ çıxan, müharibə veteranı Nağı İmanovu doğum günü munasbətilə Azərbaycan Vətən Müharibəsi Veteranları İctimai Birliyinin (AVMVİB) rəhbərliyi səmimi qəlbdən təbrik edir, səbəbkara həyatda insan ücün ən şirin nemət olan möhkəm cansağlığı və həyat yollarında bitib- tükənməyən nailiyyətlər arzulayır.
Birinci Qarabağ müharibəsinin qəhrəmanlarından biri olan, Azərbaycan Respublikasının Müharibə Veteranı, «Azərbaycan Bayrağı», «Şah İsmayıl» ordenli Nağı İmanov Qarabağda baş qaldırmış erməni separatizminə qarşı başlanmış mübarizənin ilk günündən ön sırada yer almış bir döyüşçüdür. Bu şərəfli yolda ata və qardaşını şəhid vermiş N. İmanovun döyüş yolu cəbhənin ən ağır və məsuliyyətli döyüş meydanlarından keçib. Ağdərə, Ağdam, Füzuli rayonları uğrunda gedən döyüşlərdə cəsur bir komandir kimi özünü göstərib. Bu gün ömrünün bir gününü Vətən torpaqlarının yağılardan azad edildiyi günlərdə qeyd edir və arzusu doğma Sırxavəndin, bütövlükdə Ağdərənin düşmən və onun havadarlarının işğalından azad edilməsidir.
44 günlük Vətən müharibəsi başlayanda kənarda qalmayan Nağı İmanov, «İgidliyə görə» və «Ağdamın azad edilməsinə görə» medalları ilə təltif olunub.
Həmçinin onun veteranlarımızın ictimai həyatında tutduğu mövqe və fəaliyyəti AVMVİB-nin təsis etdiyi Xatirə medalları ilə təltif olunub və fəxri fərmanlarla mükafatlandırlıb.
Ad günü münasibətiylə Nağı İmanovu təbrik edir, uzun ömür, cansağlığı və doğma Ağdərədə xoş günlər arzulayırıq.
Bütün gözəl nə varsa, sənin olsun, Nağı bəy!
100 YAŞA, SAĞLAM YAŞA !
Hiç yorum yok:
Yorum Gönder