Avqust ayının 28-də 69 yaşı olacaqdı.
Döyüşçü- şair “Qızıl qəıəm" mükafatı laureatı,Azərbaycan Yazıçılar və Jurnalistlər birliklərinin üzvü olmuş, ikinci dərəcəli müharibə əlili tanınmış pedaqoq və psixoloq, gözəl söz ustası,xeyirxah insan - mayor MirzəyevElxan Abbasqulu oğlu əgər yaşasaydı avqust ayının 28-də 69 yaşını qeyd edəcəkdi.Təəssüflər olsun ki, ömür vəfa etmədi 2019 -cu ilin sentyabr ayının 3-də vəfat etdi,haqq dünyasına qovuşdu.
Mayor Mirzəyev Elxan Abbasqulu oğlu 1955 -ci ilin avqust ayının 28-də Naxçıvan Muxtar Respublikasının Ordubad rayonunun Vəhənd kəndində dəmir yolçu ailəsində anadan olmuşdur.
1972-ci ildə Ordubad rayonunun Vəhənd kənd orta məktəbini bitirmişdir.
1974-1976 -cı illərdə Sovet Ordusunda müdddətli həqqi hərbi xidmətdə olmuşdur.
1981-ci ildə Azərbaycan Dövlət Universitetinin filologiya fakültəsini bitirdikdən sonra ılkin leytenant rütbəsi almışdır.
1976-1991-ci illərdə Daxili İşlər Nazirliyinin müvafiq strukturlarında müxtəlif vəzifələrdə çalışmışdır.
Ömrünü-gününü Vətənimizin müstəqilliyi və bütövlüyü uğrunda şam kimi əridən,cəsur döyüşçü Vətənpərvər şair, pedoqoq Elxan Xəzər şərəfli ömür və döyüş yolu keçmişdir . Onun həyatı nə qədər keçməkeşli, məşəqqətli olsa da bütün çətinliklərə dəyanətlə sinə gələrək şərəfli ömür yaşamış, beləcə insanlığın kamillik zirvəsinə ucalmışdır.1992 -ci ildən etibarən-1995-ci ilin dekabr ayına kimi Daxili İşlər Nazirliyi Daxili Qoşunların tərkibində xidmətə başlayıb.1992-ci ildə könüllü ön cəbhəyə yollanıb.Burada hərbi hissə komandiri, Azərbaycanın Milli Qəhrəmanı Ənvər Arazovla birgə onun tərbiyəvi işləri üzrə müavini vəzifəsində qanlı döyüşlərdə yaxından iştirak etmişdir. Mərhum Milli Qəhraman Ənvər Arazovun misilsiz qəhrəmanlıqlarından bəhs edən Örnək poemasını ərsəyə gətirib.Onun kəsərli misralarını döyüşçü silahdaşları sevə-sevə oxuyub, oxuya-oxuya seviblər.Qüdrətlənərək aslantək düşmənin üzərinə atılıb qələbə əzmilə döyüşüblər.
Ustad şair Məməd Araz demişdir:
Söz gərək ox keçməz qayadan keçə.
Yoxdursa sözünün kəsəri, yazma.
Özün mərd igid olmayınca ,sən.
Özgədən igidlik əsəri yazma!
Döyüşçü şair Elxan Xəzər əsərlərində özü kimi igidləri tərənnüm etmişdir.Onun" Örnək," "Dəyanət", "Tək qalmış ana" və s. parlaq əsərləri dediklərimə parlaq nümunədir. Ağır döyüşlərin birində ağır yaralanan şair Elxan Xəzər müalicədən sonra səhhəti ilə əlaqədar arxa cəbhədə xidmətini davam etdirərək Daxili Qoşunların Baş İdarəsinin Mətbuat xidmətində ("Əsgər"qəzetinin redaktoru) və Daxili Qoşunların növbətci xidmətində baş zabit vəzifələrində Millətə, Dövlətə, Vətənə və Xalqa sədaqətlə xidmət etmişdir. Sonra təqaüdə çıxaraq ,təhsil müəsissələrin birində Azərbaycan dili və ədəbiyyatı fənnini tədris etmişdir.Azərbaycan Müharibə,Əmək, Silahlı Qüvvələr təşkilatın, Azərbaycan Vətən Müharibəsi Veteranları İctimai Birliyi Sabunçu rayon şöbəsinin sədri, Daxili Qoşunların Veteranlar Şurasının üzvü olmuşdur.
Mayor Elxan Mirzəyev hərbi və ictimai vəzifələrinin yerinə yetirilməsində üzərinə düsən vəzifə və tapşırıqlarının öhtəsindən layiqincə gələrək bir sıra medallarla,döş nişanları ilə təltif olunmuş, bir çox fərmanlarla,qiymətli hədiyyələrlə mükafatlandırılmış və ona təşəkkür elan edilmişdir .
Mayor Elxan Abbasqulu oğlu Mirzəyev Daxili Qoşunların əsgərləri,kursantları və zabitlər qarşısında mütəmadi alovlu çıxışları ilə onlara yeni yaradıcılığından nümunələr söyləmiş,dəyərli tövsiyələrini etmişdir.Uzun sürən xəstəlikdən sonra ömrünü xalqına bağışlamışdır.
Kamil insan ,istedadlı şair Elxan Xəzər özü üçün yaşamalı olduğu ömrü xalqı,Vətəni üçün yaşamışdır.Qədirbilən xalqımız da onu unutmayacaq.
ALLAH RƏHMƏT ETSİN.
RUHU ŞAD OLSUN, MƏKANI CƏNƏT OLSUN!
Azərbaycan Respubilkasının Silahlı Qüvvələri və Müharibə Vetiranı polkovnik Salman Musayev
Hiç yorum yok:
Yorum Gönder