Salyan rayonu Yenikənd kənd İnzibati Vahidliyinin (Həsənli kəndinin) yetirməsi, istedadlı pedaqoq Elnur Nəzirovun doğum günüdür(şəkildə-sağda). Elnur müəllim ixtisasca tarixçidir. O, 2003-cü ildə Salyan rayonu Salman Cəfərov adına Yenikənd kənd tam orta məktəbində tarix fənnini tədris etməyə başlayıb. 2013-cü ildə bu təhsil ocağına təlim-tərbiyə işləri üzrə direktor müavini təyin olunub. 2023-cü il yanvarın 6-dan etibarən məktəb direktorunu əvəz edir.
Məktəb 1993-cü ildə şəhid olmuş Salman Cəfərovun adını daşıyır.Salman da bu təhsil ocağının və Bakı Dövlət Universitetinin məzunu idi.O, bu təhsil ocağında riyaziyyat fənnini tədris edirdi. Aldığım məlumata görə Salman Cəfərovun dərs dediyi şagirdlər arasında Elnur Nəzirov da olub. Salman müəllim I Vətən müharibəsinə zabit olaraq yola düşdü və xidməti vəzifəsini yerinə yetirərkən şəhid oldu.
Dəyərli Elnur müəllim, Yenikənd, Şəkərli, Qardili və Həsənli kəndlərində yaşayan sakinlər adından və şəxsən öz adımdan Sizi doğum gününüzlə əlaqədar təbrik edir, ən xoş arzularımızı bildiririk. Sizin kimi ziyalılar nə qədər çox olsa, təhsilimiz daha yaxşı inkişaf edər.
Hörmətlə,
Şamil Sabiroğlu, jurnalist.
Bakı, 30.08.2024.
Hiç yorum yok:
Yorum Gönder