Ağabəyli Mirzə Qasım oğlu aktyor, Azərbaycan Respublikasının Əməkdar artisti ad günüdür.

 Ağabəyli Mirzə Qasım oğlu 1950-ci il avqust ayının 29-da Bakının Buzovna qəsəbəsində anadan olub. 1971-ci ildə M.A.Əliyev adına Azərbaycan Dövlət İncəsənət İnstitunadaxil olub. 1975-ci ildə SSRİ xalq artisti, professor Mehdi Məmmədovun rəhbərlik etdiyi dram və kino aktyorluğu fakultəsini bitirib. 1975-ci ildə S.Rəhman adına Şəki Dövlət Dram Teatında təyinatla işləyib. 1976-cı ildə hərbi xidmətə çağırılıb. 1977-ci ildə M.A.Əliyev adına Azərbaycan Dövlət İncəsənət İnstitutunun nəzdindəki, “ Tədris “ teatrında aktyor vəzifəsində işləyib. 1982-ci ildə Azərbaycan Dövlət Milli Akademik Dram Teatrına dəvət olunub. 1994-cü ildən C.Cabbarlı adına Azərbaycan film Kinostudiyasının nəzdində olan “Bəri - Bax“ kinostudiyasında bədii rəhbər vəzifəsində işləyib. 2008-ci ildə “ Sınaq film “ prodüsser mərkəzində kordinator vəzifəsində çalışıb. 2008-ci ildə yenidən Akademik Milli Dram Teatırına dəvət olunub.2009 – cu ildə Azərbaycan Kinosunun yaranmasının 111 illiyi ilə əlaqədar Azərbaycan kinematoqrafiyasının inkişafındakı xidmətlərinə görə “ Azərbaycan Respublikasının Əməkdar Artisti “ fəxri adına layiq görülüb. 1995-2007-ci illər dünya müsəlmanlarının mərkəzi Məkkə şəhərində və Məşhəd şəhərində ziyarətdə olub.