Təbrik:Polkovnik Rəsul Vəliyev- 56

Daxili İşlər Nazirliyinin (Din-in) Daxili Qoşunlarının həyatında öz dəst-xətti və xüsusi xidmətləri olan, yüksək peşəkarlığı, dərin zəkası, gözəl nitq qabiliyyəti, təşkilatçılıq bacarığı, sadəliyi, səmimiyyəti, işgüzarlığı iradi və mənəvi keyfiyyəti ilə seçilən, ömrünün ən məhsuldar dövrünün 29 ildən çox şərəfli xidmət yolunu hərbi xidmətdə keçirmiş, hörmətli veteranımız - ehtiyatda olan polkovnik Rəsul Vəliyevin iyul ayının 5 – də dünya göz açdığı gündür.

Daima həyatın imtahanlarından alnıaçıq və üzüağ çıxan Silahlı Qüvvələr və Müharibə veteranı- ehtiyatda olan polkovnik Vəliyev Rəsul Həmid oğlunu doğum günü münasibətilə Din-in Daxili Qoşunların ehtiyatda və istefada olan zabitləri,doğmaları,əzizləri, yaxınları,iş və döyüş yoldaşları səmimi qəlbdən təbrik edir, səbəbkara, həyatda insan üçün ən şirin nemət olan möhkəm cansağlığı və həyat yollarında bitib-tükənməyən nailiyyətlər arzu edib deyirlər, Rəsul müəllim qoy yaşınızın üstə gələn bu yaş da sizə sevinc dolu illər bəxş etsin və hər yeni günn isə sizi istəklərinə qovuşduraraq daha da xoşbəxt etsin.

Polkovnik Vəliyev Rəsul Həmid oğlu 1968-ci ilin iyul ayının 5-də Gürcüstan Respublikasının Marneuli rayonunun İlməzli kəndində zəhmətkeş bir ailədə anadan olub.Rəsul Vəliyevin qardaşı müharibə veteranı istefada olan kapitan Vəliyev Mübariz Həmid oğlu 1976-1997-ci illərdə SSRİ və Azərbaycan Respublikasının Din-in Daxili Qoşunlarının hərbi hissələrində və Daxili Qoşunların Bas İdarəsinin döyüş hazırlığı idarəsində müxtəlif vəzifələrdə xidmət edib.

Rəsul Vəliyev 1985-ci ildə Gürcüstan Respublikasının Marneuli rayonunun İlməzli kənd orta məktəbi, 1996-cı ildə Tbilisi şəhərində Cavaxanaşvili adına Dövlət Universitetinin hüquq fakultəsini bitirib. O, Daxili Qoşunlarda xidmət etdiyi illər ərzində Daxili İşlər Nazirliyi Daxili Qoşunların Baş İdarəsində və hərbi hissələrində keçirilən bir çox təlim - metodiki toplanışlarda, xüsusi və taktiki-sıra məşğələlində, təlimlərində, komando qərargah məşqlərində, müvafiq kurslarda, seminar və konfranslarda fəal iştirak edib.

1976- 1978 -ci illərdə Sovet ordusunun Vladikafkazda və Əfqanıstanda yerləşən hərbi hissələrin birində müddətli həquqi hərbi xidmətdə olub.

1991-ci illərdə SSRİ Daxili İşlər Nazirliyinin Daxili Qoşunlarının Naxçıvan şəhərində və Xətai rayonunda yerləşən hərbi hissələrində sürücü-baş təlimatçı, 1992-2015-ci illərdə isə Daxili Qoşunların Baş İdarəsinin Sumqayıt şəhərində, Ağdam, Qaradağ, Nərimanov, Xətai və Binəqədi rayonlarında yerləşən hərbi hissələrində taqım komandiri, ərzaq və əşya xidməti rəisi, hərbi hissə komandirinin (hospital rəisinin) maddi-texniki təminat xüdməti üzrə müavini vəzifələrində Millətə,Dövlətə Vətənə və Xalqa sədaqətlə xidmət edib.

1991-1994-cü illərdə Azərbaycanın ərazi bütövlüyü uğrunda (Ağdam, Ağdərə və Füzuli) rayonları istiqamətində gedən döyüşlərində iştirak edərək ona həvalə edilmiş vəzifə və tapşırıqların öhdəsindən layiqincə gəlmişdir.

Qanunvericiliklə müəyyən edilmiş qaydada Daxil işlər Nazirliyinin Daxili Qoşunlarına həvalə edilmiş vəzifələrin yerinə yetirilməsində, mühüm dövlət obyektlərin və xüsusi yüklərin mühafizə edilməsində, yaşayış məntəqələrində və cəzaçəkmə müəssisələrində kütləvi iğtişaşların qarşısının alınmasında, cinayətkarlığa qarşı mübarizədə, silahlı birləşmiş dəstələrin axtarışında və zərərsizləşdirilməsində, şəhərlərdə, yaşayış məntəqələrində və kütləvi tədbirlərin kecirilmə yerlərində ictimai asayişin qorunmasında və ictimai təhlükəsizliyin təmin edilməsində,qəzalar,yanğınlar, bədbəxt hadisələr, təbii fəlakətlər və başqa fövqəladə hallar (fövqəladə vəziyyət və komendat saatı) zamanı hüquqi rejimin təmin olunmasında, dövlətin ərazi bütövlüyünün təmin edilməsində üzərinə düşən vəzifə və tapşırıqların öhdəsindən layiqincə gəlmişdir.

Rəsul Vəliyev Daxil Qoşunlarda xidmət etdiyi illər ərzində öz tabeliyində olanlara Azərbaycan Respublikasının Konstitusiyasına və qanunlarına əməl edilməsi, Hərbi Andın, hərbi və daxili qoşunların döyüş xidməti nizamnamələrinin tələblərinin, əmr və sərancamların dəqiq və sözsüz yerinə yetirilməsi işində daimi nümunə olmuşdur.

Öz xidməti vəzifələrin yerinə yetirilməsinə məsuliyyətlə yanaşdığına və nümunəvi xidmətlərinə görə SSRİ Müdafiə Nazirinin,Sovet Ordusunun Əfqanıstanda yerləşən hərbi qüvvələrin komandanı ,SSRİ və Azərbaycan Respublikasının Daxili İşlər Nazirlərinin , Daxili Qoşunlar Komandanlarının və onun müavinlərinin,diviziya və hərbi hissə komandirlərinin müvafiq əmrləri ilə əla xidmətlərə görə əlaçı və yubiley döş nişanları ilə, bir çox fəxri fərmanlarla, qiymətli hədiyyələrlə mükafatlandırıb, ona təşəkkür elan edilib. Həmçinin Rəsul Vəliyev Əfqanıstan Respublikasında xidməti zamanı “Döyüş xidmətlərinə görə” medalı ilə, “Əfqan Xalqından Təşəkkür” medalı ilə təltif olunmuşdur.

Azərbaycan Respublikasının müstəqilliyinin, ərazi bütövlüyünün qorunub saxlanmasında, respublikada əmin-amanlığın təmin edilməsində, ictimai asayişin qorunmasında, cinayətkarlığa qarşı mübarizədə öz xidməti vəzifələrini və hərbi hissənin qarşısında qoyulmuş tapşırıqları yerinə yetirərkən fəriqləndiyinə görə Azərbaycan Respublikasının Prezıdentının sərancamına və Daxili İşlər Nazirnin müvafiq əmrlərinə əsasən aşağıdakı medallarla təltif olunub:

1."Hərbi

xidmətlərə görə" medalı ilə;

2."Azərbaycan Respublikası Silahlı Qüvvələr Veteranı" medalı ilə;

3."Azərbaycan Respubilkası Silahlı Qüvvələrin 10 İlliyi (1991-2001)” yubiley medalı ilə;

4."Azərbaycan Respubilkası Silahlı Qüvvələrinin 90 illiyi (1918-2008)” yubiley medalı ilə;

5."Azərbaycan Respubilkası Silahlı Qüvvələrinin 95 illiyi (1918-2013)” yubiley medalı ilə;

6."Qüsursuz xidmətə görə 1- ci dərəcəli medal ilə - Silahlı Qüvvələrdə 20 təqvim ili xidmətə görə;

7."Qüsursuz xidmətə görə" 2-ci dərəcəli medal ilə - Silahlı Qüvvələrdə 15 təqvim ili xidmətə görə;

8."Qüsursuz xidmətə görə" 3 dərəcəli medal ilə- Silahlı Qüvvələrdə 10 təqvim ili xidmətə görə.

RƏSUL MÜƏLLİM DOĞUM GÜNÜN MÜBARƏK !!!

HƏMİŞƏ ÜZÜN GÜLSÜN, ÜRƏYİN SEVİNSİN!

BÜTÜN ARZULARIN ÇİN OLSUN!