Təbrik : Polkovnik Salamat Cəfərov- 57

Daxili İşlər Nazirliyinin (Din-in) Daxili Qoşunlarının həyatında öz dəst - xətt olan, peşəkarlığı, dərin zəkası, gözəl nitq qabiliyyəti,sadəliyi, səmimiyyəti,işgüzarlığı,səmərəli fəaliyyəti, iradi və mənəvi keyfiyyətləri ilə seçilən, ömrünün 33 ildən çox şərəfli xidmət yolunu hərbi xidmətə həsir etmiş - ehtiyatda olan polkovnik Cəfərov Salamat Surxay oğlunun iyul ayının 12 -də dünya göz açdığı gündür.

Daimi həyatın imtahanlarından alnıacıq və üzüağ çıxan Azərbaycan Respubilkasının Silahlı Qüvvələr və müharibə veteranı - ehtiyatda olan polkovnik Cəfərov Salamat Surxay oğlunu bu əlamətdar gün münasibətilə Din-in Qoşunların ehtiyatda və istefada olan zabitləri, doğmaları, əzizləri, iş və döyüşcü yoldaşları səmimi qəlbdən təbrik edir, səbəbkara həyatda insan üçün ən şirin nemət olan möhkəm cansağlığı və həyat yollarında bitib- tükənməyən naliyyətlər arzu edib deyirlər, Salamat müəllim qoy yaşınızın üstə gələn bu yaş da sizə sevincdolu illər bəxş etsin və hər yeni günüz isə səni istəklərinə qovuşduraraq daha da xoşbəxt etsin.

Peşəkar hərbi zabit, xeyirxah, vətənpərvər və torpağına bağıı gözəl insan polkovnik Cəfərov Salamat Surxay oğlu 1967 -ci ilin iyul ayının 12-də Zəngəzur mahalının Sisyan rayonunun Qızılcıq kəndində zəhmətkeş bir ailədə anadan olub.

Əsil vətəndaşlıq mövqeyi ilə seçilən, Salamat Cəfərov 1984 - cü ildə Sisyan rayonun Qızılcıq kənd orta məktəbi, 1989 - cu ildə Xmelinski ali hərbi məktəbi, 2000, 2003 və 2005 - ci illərdə isə Türkiyə Cümhuriyyətinin Jandarma Qüvvələrinin Ankarara (Bəytəpədə) və Izmir (Foce) şəhərlərində yerləşən hərbi məktəblərdə (hərbi akademiyada) briqada və bölkə komandiri vəzifələri üzrə ixtisas artırma kursunu bitrib. O, Daxili Qoşunlarda xidmət etdiyi illər ərzində Daxili Qoşunların Bas İdarəsində və hərbi hissələrində kecirlən bir çox təlim- metodiku toplanışlarda, hərbi və xüsusi -taktiki təlimlərdə, komanda- qərargah məşqilərində,müvafiq kurslarda, seminar və konfranslarda fəal iştirak edib.

Heç kəsi özündən incitməyən, xoş rəftarı və şirin dili ilə hər kəslə doğmalıq yaradan Salamat Surxay oğlu Cəfərov Daxili Qoşunların Bas İdarəsində və hərbi hissələrində rəhbər vəzifələrdə xidmət etdərkən bir çox komissiyaların və məqsədli qurupların sədri və üzvü olarkən səmərəli fəaliyyəti ilə, işgüzarlığı və mənəvi keyfiyyətilə Daxili işlər Nazirliyinin rəhbərliyinin və Daxili Qoşunlar Komandanlığının daimi diqqət mərkəzində olmuşdur.

Polkovnik Salamat Cəfərov 1989-1992- ci illərdə Sovet Ordusunun Çexoslovakiya Xalq Respubilqasında və Rusiya Federasiya Reslubilkasının Kalininqrad vilayətində yerləşən hərbi hissələrin birində zabit vəzifəsində calışıb.1993-2018-ci illərdə Daxili İşlər Nazirliyinin Daxili Qoşunlarının Nərmanov rayonunda , Naxçıvan şəhərində, Xəzər, Xətai, Binəqədi, Hacqabul və Lənkəran rayonlarında yerləşən hərbi hissələrində Silah xidməti rəisi, hərbi hissə komandirinin müavinini - qərargah rəisi, hərbi hissə komandiri, Daxili Qoşunların Bas İdarəsində isə nizamnamələrin və metodiki vəsaitlərin hazırlanması bölməsının rəsi, Daxili Qoşunların artleriya xidməti rəisi vəzifələrində Millətə,Dövlətə,Vətənə və Xalqa sədaqətlə xidmət edib .

Salamat Cəfərov Daxil Qoşunlarda xidmət etdiyi illər ərzində öz tabeliyində olanlara Azərbaycan Respublikasının Konstitusiyasına və qanunlarına əməl edilməsi, Hərbi Andın, hərbi və daxili qoşunların döyüş xidməti nizamnamələrin tələblərinin, əmr və sərancamların dəqiq və sözsüz yerinə yetirilməsi işində daimi nümunə olmuşdur.

Qanunvericiliklə müəyyən edilmiş qaydada Daxil işlər Nazirliyinin Daxili Qoşunlarına həvalə edilmiş vəzifələrin yerinə yetirilməsində, mühüm dövlət obyektlərin mühafizə olunmasında, yaşayış məntəqələrində və islah- əmək müəssisələrində kütləvi iğtişaşların qarşlsının alınmasında, cinayətkarlığa qarşı mübarizədə, silahlı birləşmiş dəstələrin axtarışında və zərərsizləşdirilməsində, şəhərlərdə, yaşayış məntəqələrində və kütləvi tədbirlərin kecirilmə yerlərində ictimai asayişin təmin edilməsində və ictimai asayişin qorumasında,qəzalar, yanğınlar,bədbəxt hadisələr, təbii fəlakətlər və başqa fövqalədə hallar (hərbi vəziyyət və komendat saatı) zamanı hüquqi rejimin təmin olunmasında, dövlətətin ərazi bütövlüyünün təmin edilməsində üzərinə düşən vəzifə və tapşırıqların öhtəsindən layiqincə gəlmişdir.

Hərbı yoldaşları Salamat Cəfərovu vətənpərvər, qoruxmaz, saxavətli, insanpərvər, əliacıq və zəhmətkeş hərbi qulluqçu kimi dəyərləndirirlər.O,istər təhsil aldıgı,orta və təhsil mərkəzlərində, istərsədə xidmət etdiyi və işlədiyi müddətdə, istərsə də dost- tanış, qohum -əqrəba arasında özünə layiq hörmət qazanıb.

Öz xidməti və ictimai vəzifələrini, hərbi hissə qarşısında qoyulmuş tapşırıqları yerinə yetirərkən xüsusi fəriqləndiyinə və hərbi xidmət kecdiyi dövrdə göstərdiyi digər xidmətlərə görə Daxili İşlər Nazirinin, Daxili Qoşunlar Komandanın və onun müavinlərinin,Türkiyə Jandarma Qüvvələrinin Komandanlığıının, ali hərbi məktəb rəisinin və hərbi hissə komandirinin müvafiq əmrləri ilə əla xidmətlərə görə əlaçı və yubiley döş nişanları ilə təltif edlib, bir cox fərmanlarla,diplomlarla, qiymətli hediyələrlə mükafatlandırlıb,ona təşəkkür elan edilib və aşağıdakı medallarla təltif edilib:

1.”Hərbi xidmətlərə görə” medalı ilə;

2."Azərbaycan Respubilkası Silahlı Qüvvələri Veteranı" medalı ilə;

3."Hərbi xidmətdə fərqlənməyə görə " 3 -cü dərəcəli medal ilə;

4."Hərbi xidmətdə fərqlənməyə görə " 2-ci dərəcəli medal ilə;

5."Azərbaycan Respublikası Silahlı Qüvvələrinin 10 illiyi ( 1991 - 2001 )” yubiley medalı ilə;

6."Azərbaycan Respublikası Silahlı Qüvvələrinin 90 illiyi ( 1918 - 2008)” yubiley medalı ilə;

7."Qüsursuz xidmətə görə" 3 -cü dərəcəli medal - Silahlı Qüvvələrdə 10 təqvim ili xidmətə görə;

8."Azərbaycan Respubilkası Silahlı Qüvvələrinin 95 illiyi (1918 - 2013 )” yubiley medalı ilə;

9."Qüsursuz xidmətə görə 2 -ci dərəcəli medalı - Silahlı Qüvvələrdə 15 təqvim ili xidmətə görə;

10."Qüsursuz xidmətə görə" 1-ci dərəcəli medal - Silahlı Qüvvələrdə 20 təqvim ili xidmətə görə.

ALLAH HƏR ZAMAN QƏLBİNİ SIXINTIDAN, BƏDBİNLİKDƏN QORUSUN!

DOĞUM GÜNÜN MÜBARƏK OLSUN SALAMAT!