Polis işçilərinin peşə bayramı günü münasibəti ilə Sabunçu Rayon Polis İdarəsinin akt zalında tədbir keçirilib.
“Bakmiltv.info” xəbər verir ki, tədbirdə Sabunçu Rayon İcra Hakimiyyətinin başçısı Adil Vəliyev, rayonun hüquq-mühafizə orqanlarının rəhbərləri və polis əməkdaşları iştirak ediblər.
Öncə tədbir iştirakçıları Bakıxanov qəsəbəsində yerləşən istirahət parkında Ulu Öndərin abidəsini ziyarət edib, önünə gül dəstələri düzüblər.
Tədbiri giriş sözü ilə açan Rayon Polis İdarəsinin rəisi Cavid Muradov tədbir iştirakçılarını salamlayaraq şəxsi heyəti peşə bayramı günü münasibətilə təbrik edərək, milli maraqlarımızın qorunmasında Azərbaycan polisinin müstəsna xidmətləri haqqında danışıb.
Daha sonra Sabunçu Rayon İcra Hakimiyyətinin başçısı polis əməkdaşlarını peşə bayramı münasibəti ilə təbrik edərək onlara gələcək fəaliyyətlərində uğurlar arzulayıb.
Tədbirin sonunda Polis orqanlarında səmərəli fəaliyyətinə və Azərbaycan Polisi Günü münasibəti ilə Sabunçu Rayon Polis İdarəsinin bir qrup əməkdaşları fəxri fərmanla təltif ediliblər.
Hiç yorum yok:
Yorum Gönder