MİQ imtahanlarında ər-arvad yüksək bal topladı - Foto

Müəllimlərin işə qəbulu (MİQ) imtahanlarında iştirak edən ər-arvad yüksək bal toplayıb. 

“Qafqazinfo” xəbər verir ki, bu barədə Naxçıvan Muxtar Respublikası Təhsil Nazirliyi məlumat yayıb. 

Qeyd olunur ki, bu gün Naxçıvanda keçirilən ingilis dili fənni üzrə MİQ imtahanının test mərhələsində namizəd Sura Rüstəmova 93,75 bal toplamaqla yüksək nəticə göstərib.

Onun həyat yoldaşı Ələkbər Ağayev isə bir neçə gün əvvəl MİQ imtahanında kimya fənnindən 95 bal toplamışdı.