Azərbaycan artıq səkkizinci dəfə "Expect the unexpected", yəni "Gözlənilməzə hazır olun" şüarı ilə tarixi Bakı küçələrini "Formula-1" trekinə çevirib.
Bakmiltv.info xəbər verir ki, "Formula-1" üzrə Azərbaycan Qran-prisi hər il öz unikallığı və yarışın maraqlı nəticələri ilə yaddaşlarda iz qoymağı bacarır. Bu il də dünyanın ən gözəl şəhərlərindən biri olan Bakının izdihamlı küçələrində təşkil olunan yarış üçün işlər fasiləsiz olaraq davam edir. Heç şübhəsiz ki, Bakı Şəhər Halqası (BŞH) müxtəlif çətinlikli 20 döngəsi və Xəzərə paralel möhtəşəm konfiqurasiyası ilə yenidən təqvimin sevimli treklərdən biri olacaq.
Yalnız paytaxtımızda olanlar deyil, həm də milyonlarla insan televizorları qarşısında "Formula-1" bolidlərinin qızğın "mübarizəsini şəhərin mənzərəli küçələrində, UNESCO tərəfindən qorunan tarixi İçərişəhərin ətrafında, möhtəşəm Xəzər dənizinin sahillərində və Bakının müasir siluetində izləyəcək.
Qeyd edək ki, bu il "Formula-1" sessiyaları 13-15 sentyabr tarixlərində keçiriləcək.
PhotoStock.az Bakının küçələrində "Formula-1" üzrə Azərbaycan Qran-prisi ilə bağlı görülən işlərlə əlaqədar fotoreportaj hazırlayıb:
Hiç yorum yok:
Yorum Gönder