25 IYUL PRODÜSER TƏRLAN BABAYEVIN DOĞUM GÜNÜDÜR.

Tərlan Adil oğlu Babayev Bakıda anadan olub. M.A.Əliyev adına Azərbaycan Dövlət İncəsənət İnstitutunda təhsil alıb (1984-1988). İran İslam Respublikasının Mədəniyyət və İslama çağırış Nazirliyinin “Fanus Xəyal” kino məktəbində ”kino istehsalı və hazırlanması” üzrə Ali kursları bitirib (2007-2012). 1989-cu ildən “Azərbaycanfilm” kinostudiyasında çalışır. Cəfər Cabbarlı adına “Azərbaycanfilm” kinostudiyasının iqtisadiyyat şöbəsinin müdir müavini (2000-2002), “Mozalan” studiyasının icraçı direktoru işləyib (2007-2008). Xarici film istehsalçılarının “Məlaikə günü” (1992, rejissor Behruz Əfğəmi / İran) filmində direktor, “Dağıdılmış körpülər” (1996, rejissor Rafiq Puya / ABŞ) filmində direktor müavini, “Rus tərcüməsi” (2006, rejissor Aleksandr Çernayayev / Rusiya) serialında aktyor kimi çalışıb. 2018-ci ildə kino sahəsindəli xidmətlərinə görə “Tərəqqi” medalı ilə təltif edilib. 

FILMOQRAFIYA:

1. Dəvətnamə (1989, qısametrajlı bədii film) – baş inzibatçı

2. Lətifə (1989, tammetrajlı bədii film) – direktor müavini, aktyor (rəngsaz)

3. Gecə qatarında qətl (1990, tammetrajlı bədii film) – direktor müavini

4. Qətl günü (1990, tammetrajlı bədii film) – aktyor

5. Qətldən yeddi gün sonra (1991, tammetrajlı bədii film) – direktor müavini

6. Qəzəlxan (1991, tammetrajlı bədii film) – direktor müavini

7. Nakəs (1991, tammetrajlı bədii film) – direktor müavini

8. Hökm (1994, tammetrajlı bədii film) – direktor müavini

9. Köpək (1994, tammetrajlı bədii film) – direktor müavini

10. Qara Volqa (1994, tammetrajlı bədii film) – inzibatçı

11. Beşmərtəbəli evin altıncı mərtəbəsi (1996, tammetrajlı bədii film) – inzibatçı

12. Yuxu (2001, tammetrajlı bədii film) – direktor müavini, aktyor

13. Güllələnmə təxirə salınır!... (2002, tammetrajlı bədii film) – aktyor

14. Bəyaz həyat (2003, bədii serial) – icraçı prodüser, aktyor (Kamal)

15. Ərazi (2005, qısametrajlı bədii film) – icraçı prodüser

16. Cavid ömrü (2007, tammetrajlı bədii film) – koordinator

17. Əlvida (2007, tammetrajlı bədii film) – icraçı prodüser

18. 40-cı qapı (2008, tammetrajlı bədii film) - icraçı prodüser

19. Cavad xan (2008, tammetrajlı bədii film) – koordinator

20. Xəyallar gündəliyi (2008, qısametrajlı bədii film) – koordinator

21. Kuklalar (II) (2009, tammetrajlı bədii film) – koordinator

22. Ölüm növbəsi (2009, tammetrajlı bədii film) – koordinator, aktyor

23. Teatral həyat (2009, qısametrajlı bədii film) – koordinator

24. Buta (II) (2011, tammetrajlı bədii film) – icraçı prodüser

25. Su başında durmuşuq, çinarla mən (2012, tammetrajlı sənədli film) – icraçı prodüser

26. Qisas almadan ölmə. Keçmişdən məktublar (2013, tammetrajlı bədii film) – icraçı prodüser 

27. Çaqqal nəfəsi (2013-2014, bədii serial) – icraçı prodüser

28. Ağır illər... Xoş xatirələr... (2014, qısametrajlı sənədli film) – icraçı prodüser

29. Məryəm (2014, tammetrajlı bədii film) – icraçı prodüser

30. Üçüncü günün adamı (2017, tammetrajlı bədii film) – icraçı prodüser

31. Əlvida, Şmidt (2019, tammetrajlı bədii film) – icraçı prodüser

32. Olimpia (2020, tammetrajlı bədii film) – icraçı prodüser

33. Son payız (2021, qısametrajlı bədii film) – icraçı prodüser

34. Banu (2022, tammetrajlı bədii film) – icraçı prodüser 

35. Stadionlar səssiz olanda (2023, tammetrajlı bədii film) – icraçı prodüser

36. Apatiya-2 (2024, tammetrajlı bədii film) – icraçı prodüser