Yüksək peşəkarlığı,dərin zəkası, vətənpərvərliyi,
xeyirxahlığı, sadəliyi, səmimiyyəti, təşkilatçılıq bacarığı, idarəçilik qabiliyyəti və səmərəli fəaliyyəti ilə seçilən, polkovnik Azər Vidadi oğlu Yusifovun iyun ayının 22 -də dünyaya göz acdığı gündür.
Belə bir əlamətdar gün münasibətilə daimi həyatın bütün imtahanlarından alnıaçıq və üzüağ çıxan, polkovnik Azər Yusifovu Daxili işlər nazirliyi (Din-in) Daxili Qoşunların ehtiyatda və istefada olan zabitləri,əzizləri, doğmaları,dostları və iş yoldaşları səmimi qəlbdən təbrik edir,səbəbkara həyata insan üçün ən şirin nemət olan möhkəm cansağlığı arzu edib deyirlər, Azər müəllim qoy yaşınızın üstə gələn bu yaş da sizə sevinc dolu illər bəxş etsin, hər yeni günüz isə sizi istəklərinə qovuşduraraq daha da xoşbəxt etsin.
Polkovnik Azər Yusifov 1975 - ci ilin iyun ayının 22 -də Qərbi Azərbaycanın Zəngibasar mahalının (Zəngibasar rayonunun) Zəngilər kəndində zəhmətkeş bir ailədə anadan olub.
1992-ci ildə Bakı şəhər üzrə Təhsil İdarəsinin 96 saylı orta məktəbi, 1996 -cı ildə Azərbaycan Dövlət Pedaqoji Universitetinin hərbi və fiziki hazırlığ fakültəsini, 1998 - ci ildə Daxili işlər nazirliyi Daxili Qoşunların döyüş hazırlığı idarəsinin Xəzər rayonunda yerləşən tədris mərkəzində zabitlərin ixtisas artırma kursunu, 2023 - cü ildə isə Bakı Dövlət Universitetini bitrib. O, Daxili işlər nazirliyi Daxili Qoşunlarında xidmət etdiyi illər ərzində Daxili Qoşunların Bas İdarəsində və hərbi hissələrində keçirlən bir çox təlim- metodiki toplanışlarda, müvafiq kurslarda, hərbi və xüsusi- taktiki təlimlərdə, seminar və konfranslarda fəal iştirak edib.
Azər Vidadi oğlu Yusifov 1996 - 2017 - ci illərdə Daxili işlər nazirliyi Daxili Qoşunların Bas İdarəsinin Binəqədi, Xətai, Nərimanov və Hacıqabul rayonunlarda yerləşən hərbi hissələrində (hərbi hospitalda) böluk komandirinin tərbiyəvi işləri üzrə müavini, böluk komandiri, tabor komandirinin tərbiyəvi işləri üzrə müavini və hərbi hissə komandirinin (hospital rəisinin) tərbiyəvi işləri üzrə müavini vəzifələrində Millətə,Dövlətə,Vətənə və Xalqa sədaqətlə xidmət edib.Hal- hazırda polkovnik Azər Yusifov Azərbaycan Dövlət Miqrasiya Xidmətinin müvafiq strukturlarının birində şöbə rəisi vəzifəsində xidmət edir.
Azər Daxil Qoşunlarda xidmət etdiyi illər ərzində öz tabeliyində olanlara Azərbaycan Respublikasının Konstitusiyasına və qanunlarına əməl edilməsi, Hərbi Andın, hərbi və daxili qoşunların döyüş xidməti nizamnamələrinin tələblərinin, əmr və sərancamların dəqiq və sözsüz yerinə yetirilməsi işində daimi nümunə olmuşdur.
Hərbi yoldaşları Azəri vətənpərvər, qorxmaz, səxavətli, insanpərvər, əliaçıq və zəhmətkeş zabit kimi dəyərləndirirlər. O, istər təhsil aldıgı orta və ali təhsil müəssisələrində, istər xidmət etdiyi və çalışdığı mühitdə, istərsə də dost - tanış , qohum - əqraba arasında özünə böyük hörmət qazanıb.
Qanunvericiliklə müəyyən olunmuş qaydada Daxil işlər nazirliyi Daxili Qoşunlarına və Azərbaycan Respubilkasının Dövlət Miqrasiya xidmətinə həvalə edilmiş vəzifələrin yerinə yetirilməsində, dövlətətin ərazi bütövlüyünün təmin edilməsində üzərinə düşən vəzifə və tapşırıqların öhdəsindən layiqincə gəlmişdir.
Öz xidməti vəzifələrinin yerinə yetirilməsinə məsuliyyətlə yanaşdığına və nümnəvi xidmətlərinə görə Daxili İşlər Nazirinin, Dövlət Miqrasiya Xidmət rəisinin, Daxili Qoşunlar Komandanın və onun müavinlərinin, hərbi hissə komandirinin müvafiq əmrləri ilə əlacı və yubiley döş nişanları ilə ,bir çox fəxri fərmanlarla, qiymətli hədiyyələrlə mükafatlandırıb və ona təşəkkür elan edilib.
Azərbaycan Respublikasının müstəqilliyinin , ərazi bütövlüyünün qorunub saxlanmasında, respublikada əmin - amanlığın təmin edilməsində, ictimai asayişin qorunmasında, cinayətkarlığa qarşı mübarizədə öz xidməti vəzifələrini və hərbi hissənin qarşısında qoyulmuş tapşırıqları yerinə yetirərkən fəriqləndiyinə görə aşağıdakı medallarla təltif olunub:
1.”Hərbi xidmətlərə görə”;
2."Azərbaycan Respubilkası Silahlı Qüvvələrinin 10- illiyi (1991 - 2001)” yubiley medalı ilə;
3."Azərbaycan Respubilkası Silahlı Qüvvələrinin 90-illiyi (1918 - 2008)” yubiley medalı ilə;
4.”Qüsursuz xidmətə görə 1 -ci dərəcəli medalı- Silahlı Qüvvələrdə 20 təqvim il xidmətə görə;
5."Azərbaycan Respubilkası Silahlı Qüvvələrinin 95 illiyi (1918 - 2013)” yubiley medalı ilə;
6."Qüsursuz xidmətə görə " 2-ci dərəcəli medal - Silahlı Qüvvələrdə 15 təqvim ili xidmətə görə;
7."Qüsursuz xidmətə görə " 3-cü dərəcəli medal - Silahlı Qüvvələrdə 10 təqvim ili xidmətə görə.
AZƏR DOĞUM GÜNÜN MÜBARƏK !!!
ALLAH HƏR ZAMAN QƏLBİNİ SIXINTIDAN, BƏDBİNLİKDƏN QORUSUN!
BÜTÜN ARZULARIN ÇİN OLSUN!
HƏMİŞƏ ÜZÜN GÜLSÜN, ÜRƏYİN SEVİNSİN!
Azərbaycan Respublikasının Silahlı Qüvvələr və Müharibə Veteranı polkovnik Salman Musayev
Hiç yorum yok:
Yorum Gönder