Daxili İşlər Nazirliyinin (Din-in) Daxili Qoşunlarının həyatında öz dəst-xətti olan yüksək peşəkarlığı, humanistliyi, dərin zəkası və gözəl nitq qabiliyyəti, dəqiqliyi, təmkinliyi,iradı, işgüzarlığı və mənəvi keyfiyyətilə secilən, ömrünün ən məhsuldar
dövrünü hərbi xidmətdə keçirmiş, müharibə veteranmız- istefada olan mayor Mülkədar Gözəlovun İyul ayının 1 -də dünya göz açdığı gündür.
Daimi həyatın imtahanlarından alnıaçıq və üzüağ çıxan, müharibə veteranı - istefada olan mayor Mülkədar Gözəlovu belə bir əlamətdar gün münasibətilə Din-in Daxili Qoşunların ehtiyatda və istefada olan zabitləri, doğmaları, iş və döyüşcü yoldaşları səmimi qəlbdən təbrik edir, səbəbkara həyatda insan ücün ən şirin nemət olan möhkəm cansağlığı və həyat yollarında bitib- tükənməyən naliyyətlər arzu edib deyirlər Mülkədar qoy yaşının üstə gələn bu yaş sizə sevincdolu illər bəxş etsin, hər yeni günün isə sizi, istəklərinə qovuşduraraq daha da xoşbəxt etsin.
Müharibə veteranı- istefada olan mayor Gözəlov Mülkədar Ağabəy oğlu 1965 - ci ilın iyul ayının 1 -də Azərbaycan Respublikasının İmişli rayonunun Sərxanlı kəndində zəhmətkeş bir ailədə anadan olub.
1982 -ci ildə İmişli rayonun Təhsil İdarəsinin Sərxanlı kənd orta məktəbi, 1988 - ci ildə Gəncə Kənd Təsərrüfatı İnstitutunu , 1991 -ci ildə Zabitlərin İxtisas artırma kursunu bitrib. O, Daxili Qoşunlarda xidmət etdiyi illər ərzində bir çox metodiki- təlim toplanışlarda , xüsusi- taktiki təlimlərdə, müvafiq kurslarda, seminar və konfranslarda fəal iştirak edib.
1988-1992 -ci illərdə İmişli rayonunda Oqronom vəzifələrində işləyib.
1993-1999 -cu illərdə Daxili Qoşunların Döyüş bölgələrində və Bakı şəhərlərində yerləşən hərbi hissələrində müxtəlif vəzifələrdə, Daxili Qoşunların Baş İdarəsinin Doyuş Hazırlığı İdarəsinin Kimya xidmətində baş zabit,2000 - 2014 -cü ilərdə isə Daxili
Qoşunların Baş İdarəsinin Qərargahının Növbətiçi xidmətində və Kimya şöbəsində baş zabit vəzifələrində Millətə, Dövlətə, Vətənə və Xalqa sədaqətlə xidmət edib
Mülkədar Gözəlov 2015- 2021 - ci illərdə Sənaye və İnnovasiya üzrə Bakı şəhər peşə təhsil mərkəzində hərbi rəhbər- müəllim vəzifəsində işləyib.Hal hazırda Azərbaycan Texniki Universitetində çalışır.
Qanunvericiliklə müəyyən edilmiş qaydada Daxil İşlər Nazirliyinin Daxili Qoşunlarına həvalə edilmiş vəzifələrin yerinə yetirilməsində, yaşayış məntəqələrində və cəzaçəkmə müəssisələrində) kütləvi iğtişaşların qarşısının alınmasında, cinayətkarlığa qarşı mübarizədə, silahlı birləşmiş dəstələrin axtarışında və zərərsizləşdirilməsində,şəhərdə, yaşayış məntəqələrində və kütləvi tədbirlərin keçirilməsi yerlərində ictimai asayişin qorunmasında və ictimai təhlükəsizliyin təmin olunmasında, qəzalar, bədbəxt hadisələr,yanğınlar və təbii fəlakətlər və başqa fövqalədə hallar (fövqaladə vəziyyət və komendat saatı) zamanı hüquqi rejimin təmin edilməsində, dövlətətin ərazi bütövlüyünün təmin olunmasında üzərinə düşən vəzifə və tapşırıqların öhtəsindən layiqincə gəlmişdir.
Mülkədar Gözəlov Daxil Qoşunlarda xidmət etdiyi illər ərzində öz tabeliyində olanlara Azərbaycan Respublikasının Konstitusiyasına və qanunlarına əməl edilməsi, Hərbi Andın, hərbi və daxili qoşunların döyüş xidməti nizamnamələrinin tələblərinin, əmr və sərancamlarının dəqiq və sözsüz yerinə yetirilməsi işində daimi nümunə olmuşdur.
Mayor Mülkədar Gözəlov Azərbaycanın ərazi bütövlüyü uğrunda Ağdam, Ağdərə və Füzuli rayonları istiqamətində gedən döyüşlərdə iştirak edib .Müharibə veteranıdır.
Hərbi yoldaşları Mülkədar Gözəlov vətənpərvər, qorxmaz, səxavətli, insanpərvər, əliaçıq və zəhmətkeş zabit kimi dəyərləndirirlər. O, istər təhsil aldıgı orta və ali təhsil müəssisələrində, istər xidmət etdiyi və çalışdığı mühitdə, istərsə də dost - tanış , qohum - əqraba arasında özünə böyük hörmət qazanıb.
Öz xidməti vəzifələrinin icrası zamanı yüksək mənəvi - döyüş keyfiyyətləri, döyüş və ictimai - siyası hazırlığında, hərbi intizamın möhkəmləndirilməsində yüksək göstəricilərə nail olduğuna və nümunəvi xidmətinə görə Daxili İşlər Nazirinin, Daxili Qoşunlar Komandanın və onun müavinlərinin,idarə və xidmət rəislərinin, hərbi hissə komandirinin müvafiq əmrləri ilə əla xidmətlərə görə əlacı və yubiley döş nişanları ilə, bir coz fərmanlarla və qiymətli hediyələrlə mükafatlandırlıb və ona təşəkkür elan edilib.
Azərbaycan Respublikasının müstəqilliyinin , ərazi bütövlüyünün qorunub saxlanmasında, respublikada əmin - amanlığın təmin edilməsində, ictimai əsayişin qorunmasında, cinayətkarlığa qarşı mübarizədə öz xidməti vəzifələrini və hərbi hissənin qarşısında qoyulmuş tapşırıqları yerinə yetirərkən fəriqləndiyinə görə aşağıdakı medallarla təltif olunub:
1."Azərbaycan Silahlı Qüvvələrinin 10 illiyi (1991 -2001)” yubiley medalı ilə;
2."Azərbaycan Respubilkası Silahlı Qüvvələrinin 90 illiyi (1918- 2008)” yubiley medalı ilə;
3."Azərbaycan Respubilkası Silahlı Qüvvələrinin 95 illiyi (1918- 2013)” yubiley medalı ilə;
4."Qüsursuz xidmətə görə 1 -ci dərəcəli medal- Silahlı Qüvvələrdə 20 təqvim ili xidmətə görə;
5."Qüsursuz xidmətə görə"2-ci dərəcəli medal - Silahlı Qüvvələrdə 15 təqvim ili xidmətə görə,
6."Qüsursuz xidmətə görə " 3-cü dərəcəli medal- Silahlı Qüvvələrdə 10 təqvim ili xidmətə görə.
MÜLKƏDAR DOĞUM GÜNÜN MÜBARƏK!!!
ALLAH HƏR ZAMAN QƏLBİNİ SIXINTIDAN, BƏDBİNLİKDƏN QORUSUN!
BÜTÜN ARZULARIN ÇİN OLSUN!
HƏMİŞƏ ÜZÜN GÜLSÜN, ÜRƏYİN SEVİNSİN!
Azərbaycan Respublikasının Silahlı Qüvvələr və Müharibə Veteranı polkovnik Salman Musayev
Hiç yorum yok:
Yorum Gönder