İnsan üçün ən yadda qalan tarixlərdən biri onun doğum günüdür. Belə insanlardan biridə yüksək peşakarlığı, humanistliyi, işgüzarlığı və mənəvi keyfiyyəti, dəqiqliyi və təmkinliyi, sadəliyi və səmimiyəti ilə seçilən (şəhid qardaşı) müharibə veteranı hal hazırda təqaüddə olan Baş gizir Yunusov Nəriman Cuma oğludur. Ömrünün ən məhsuldar dövrünün 18 ildən çox hissəsini hərbi xidmətə keçirən Baş gizir Nəriman Yunusovun iyun ayının 17-də 52 yaşı tamam olur.
Daimi həyatın bütün imtahanlarından alnı açıq və üzü ağ çıxan şəhid qardaşı müharibə veteranı Nəriman Yunusovu doğum günü münasibətilə Daxili Qoşunların hərbi vəzifəliləri, doğmaları və iş yoldaşları səmimi qəlbdən təbrik edir, həyatda insan üçün ən şirin nemət olan möhkəm cansağlığı və həyat yollarında bitib- tükənməyən naliyyətlər arzu edib deyirlər, Nəriman qoy yaşının üstə gələn bu yaş sənə sevinc dolu illər bəxş etsin və hər yeni günün isə səni istəklərinə qovuşduraraq daha da xoşbəxt etsin.
Baş gizir Yunusov Nəriman Cuma oğlu 1972-ci il iyun ayının 17-də Zaqatala rayonunun Yuxarı Tala kəndində zəbmətkeş bir ailədə anadan olmuşdur.
1989-cu ildə Telman Yunusov adına Yuxarı Tala kənd 2 nömrəli orta məktəbi bitirmişdir. 1990- 1992- ci illərdə Sovet ordusunun Almaniyada yerləşən hərbi qarnizonunda müddətli həqiqi hərbi xidməti keçib.
1993-cü ilin yanvar ayından 2009- cu ilədək Daxili İşlər Nazirliyinin Daxili Qoşunların Zaqatala, Ağdərə, Gəncə və Bakı şəhərinin Əhmədli rayonunda yerləşən hərbi hissələrində bölüyün baş çavuşu vəzifəsində Vətənə, Dövlətə və Xalqa sədaqətlə xidmət edib.1996-cı ildə Daxili Qoşunların Xəzər rayonunda yerləşən hərbi hissəsində gizirlərin hazırlıq kursunu bitirmişdir.
Qanunvericiliklə Daxili İşlər Nazirliyinin Daxili Qoşunlarına həvalə edilmiş vəzifələrin yerinə yetirilməsində 2000-ci il Şəki və 2003-cü il Bakı şəhərində kütləvi ixtişaşların qarşısının alınmasında, regionda silahlı birləşmiş dəstələrin axtarışında və zərərsizləşdirilməsində dövlətin ərazi bütövlüyünün təmin edilməsində üzərinə düşən vəzifə və tapşırıqların öhdəsindən layiqincə gəlmişdir.
Hərbi yoldaşları onun vətənpərvər, qorxmaz, səxavətli, zəhmətkeş və tələbkar bir hərbiçi kimi dəyərləndirirlər. Hərbi xidməti vəzifələrinin icrası zamanı yüksək mənəvi döyüş keyfiyyətləri göstərdiyinə, döyüş və ictimai siyasi hazırlığında hərbi intizamın möhkəmləndirilməsində tabeliyində olan şəxsi heyətə daim diqqət və qayğı göstərdiyinə nail olduğuna və nümunəvi xidmətinə görə Daxili İşlər Nazirinin Daxili Qoşunlar komandanının hərbi hissə komandirinin müvafiq əmrləri ilə bir çox fəxri fərmanlarla, qiymətli hədiyyələrlə, əlaçı döş və yubiley nişanları ilə mükafatlandırılmışdır.
Azərbaycan Respublikasının müstəqilliyinin ərazi bütövlüyünün qorunub saxlanmasında respublikada əmin amanlığın təmin edilməsində, cinayətkarlığa qarşı mübarizədə xidməti vəzifələrinin layiqincə yerinə yetirdiyinə görə aşağıdakı medallarla təltif olunub.
1.”Qüsursuz xidmətlərinə görə” 3-cü dərəcəli medal -Silahlı Qüvvələrdə 10 təqvim ili xidmətinə görə;
2.“Qüsursuz xidmətlərinə görə” 2-ci dərəcəli medal -Silahlı Qüvvələrdə 15 təqvim ili xidmətinə görə medalı ilə;
3. “Azərbaycan Respubilkası Silahlı Qüvvələrinin 10 illiyi (1991- 2001)” yubileyi medalı ilə;
4. “Azərbaycan Respubilkası Silahlı Qüvvələrinin 90 illiyi (1918-2008)” medalı ilə.
Nərman doğum günün mübarək olsun.
Azərbaycan Respubilkasının Silahlı Qüvvələr və Müharibə Veteranı polkovnik Salman Musayev
Hiç yorum yok:
Yorum Gönder