30.06.2024 çü il “ANIM GÜNÜ ”
Azərbaycan Vətən evladının Neftçala rayonu Beştalı kəndinin Qəhraman Evladı Şəhid ƏHMƏDOV CƏBRAYIL KAMALoğlunun “ANIM GÜNÜDÜR ”
Bu gün şəhid ƏHMƏDOV CƏBRAYIL KAMAL oğlunun anım günüdür.
Cəbrayıl Əhmədov 1962-ci ildə Neftçala rayonu Beştalı kəndində anadan olmuşdur. Kənd orta məktəbini tamamlayıb İnşaat Mühəndisləri İnstitutuna daxil olmuşdur.
İnstitut bitirdikdən sonra Salyan mexaniki suvarma idarəsində işə başlamışdır. Hərbi xidmətini Gürcüstanda keçirən Cəbrayıl tankçı ixtisasına yiyələnmişdir.
Qarabağ müharibəsi zamanı könüllü olaraq Milli Ordu sıralarına qoşulmuş və cəbhənin ön xəttində xidmətə başlamışdır.
Paprabənd kəndi ətrafında gedən döyüşlərdə xüsusi şücaət göstərmişdir. Belə ki, döyüşlərin birində yaralı qalan silahdaşlarının düşmən nəzarəti altında olan ərazilərində qalması ona pis təsir etmiş və tankına əyləşib düşmən mövqeyinə keçərək yaralı silahdaşlarını götürüb geri qayıtmış , lakin mənzil başına çatandan bir neçə dəqiqə sonra aldığı güllə yaralarından şəhid olmuşdur.
Neftçala rayonu Cəngan kənd orta məktəbi Cəbrayıl Əhmədovun adını daşıyır. Məzarı Beştalı kəndindədir.
Allah bütün Şəhidlərin Ruhunu Şad eləsin Amin !!!
Azərbaycan Vətən Müharibəsi Veteranları İctimai Birliyi (AVMVİB) sədri Füzuli Rzaquliyev 90 min müharibə veteranı və “Qocalar Döyüşə Gedir” qrupu adından şəhid ailələri «Başın sağolsun, Vətən» deyib Şəhid ailəsinə və yaxınlarına səbr diləyirik.
Hörmətlə: Azərbaycan Vətən Müharibəsi Veteranları İctimai Birliyi (AVMVİB) Neftçala rayon şöbə sədri Mübariz Eldar oğlu Hüseynov
Hiç yorum yok:
Yorum Gönder