Teatr rejissoru İradə Gözəlovanın ad günüdür.

İradə Vaqif qızı Gözəlova Bakıda anadan olub. Azərbaycan Dövlət Mədəniyyət və İncəsənət Universitetinin rejissorluq fakültəsində (1998-2003, Azərpaşa Nemətov və Vaqif İbrahimoğlunun kursu), A.Çexov adına Moskva Bədai Teatrının magistraturasında (2009-2011) təhsil alıb. Azərbaycan Dövlət Gənc Tamaşaçılar Teatrında aktrisa (1999-2003), Azərbaycan Dövlət “YUĞ” Teatrında rejissor (2003-2009) işləyib. 2014-cü ildə Gəncə Dövlət Dram Teatrina baş rejissor vəzifəsinə təyin olunub.