İradə xanımın 60 illik ömür yolu-onun həyata və cəmiyyətə baxışının zirvə məqamıdır.
Hər kəs həyatda öz ömür paynı yaşayır.Xoşbəxt o insandır ki, adı,ünvanı el ,xidmət etdiyi və çalışdığı kollektiv arasında hörmətlə çəkilir,bircə dəfə verlən ömrü elə yaşayır ki, el sevgisi qazanır, xalqın istəklisinə çevrilir,hamı böyüklü-kicikli xətir-hörmətini saxlayır. Həmin insanların ömürlərindən çoxlarının ömrünə işıq düşür. Bir də ki, ömür o, vaxt qiymətli və dəyərli olur ki, o mənalı yaşanır. Həmin ömür insanlığa xidmətə yönəldilir. Belə şərəflu və mənalı ömr yaşayan insanlardan biridə Daxili işlər nazirliyi (Din-in) Daxili Qoşunlarının həyatında öz dəst-xətti və xüsusi xidmətləri olan, peşəkarlığı, dərin zəkası, gözəl nitq qabiliyyəti,səmimiyyəti,vətənpərvərliyi,sadəliyi,dəqiqliyi,təmkinliyi, xeyirxahlığı, işgüzarlığı,yüksək intellektual səviyəsi,böyük, təşkilatçılıq bacarığı ,səmərəli fəaliyyəti, iradi və mənəvi keyfiyyətləri ilə seçilən, ömrünün ən məhsuldar dövrünü Din-in Daxili Qoşunlarda keçirmiş, hal -hazırda Emal Sənayesi üzrə Bakı Dövlət Peşə Agentliyin Təhsil Mərkəzində çalısan, dəyərli müharibə veteranmız - istefada olan mayor İsmayılova İradə Davud qızıdır. May ayının 28-də onun 60 yaşı tam olur. Ana Vətənin müstəqilliyi və ərazi bütövlüyü uğrunda düşmən qüvvələrinə qarşı mübarizədə bizimlə çiyin -çiyinə verib şərəfli zabit ömurü yaşayan İradə xanımı hamımız qeyrətli vətəndaş, işgüzar insan və qayğıkeş bir ana kimi tanıyırıq. Ö, harada hansı vəzifədə calışmasından asılı olmayaraq bütün var qüvvəsini Vətənimizin xoş gələcəyinə həsr edibdir.
Öz davranışı, təfəkkürü və dünya görüşü ilə digərlərindən fəriqlənən mayor İsmayılova İradə Davud qızı 1964 -ci il ilin may ayının 28- də Bakı şəhərində anadan olub. Əslən Lerik rayonundandır. Atası Davud uzun müddət Daxili işlər orqanlarında peşəkar polis zabiti kimi xidmət edib. Qardaşı Emin 1992-ci ildə Azərbaycanın ərazi bütövlüyü uğrunda gedən döyüşlərdə şəhid olub. Belə bir mötəbər ailədə anadan olan İradə xanım atasının şərəfli peşəsini uğurla davam etdirmək arzusu ilə yaşayıb və bu istəyi 1989 -cu ildə reyalaşdırıb.
Mayor İradə Davud qızı İsmayılova 1981 -ci ildə Bakı şəhərində orta məktəbi, 1985 -ci ildə Azərbaycan Politexnik İnstitutunu bitrib. Bu müttərəqqi arzusuna uyğun olaraq 1989- 1991 -ci illərdə SSRİ Daxili İşlər Nazirliyi Daxili Qoşunların Bakı şəhərində yerləşən diviziyanın kadrlar və təşkilat kompekləşdirmə şöbələrində müvafiq vəzifələrdə calışıb. 1992- 2015 -ci illərdə Azərbaycan Respublikası Daxili İşlər Nazirliyi Daxili Qoşunların Bas İdarəsinin Nərimanov və Xəzər rayonlarında yerləşən alayın tərbiyə bölməsində baş təlimatcı, ali hərbi məktəbdə müəllim , Daxili Qoşunların Bas İdarəsinin Kadrlar və Şəxsi heyətlə iş (mənəvi psixoloji hazırlıq) şöbələrində isə zabit vəzifələrində Millətə, Vətənə, Dövlətə və Xalqa sədaqətlə xidmət edib. İradə xanım, onun həyat yoldaşı Akif İsmayılov gizir kimi,oğlu Tural bir zabit kimi Azərbaycanın ərazi bütövlüyü uğrunda gedən döyüşlərdə iştirak edərək üzərinə düşən vəzifə və tapşırıqların öhtəsindən layiqincə gəlmişlər və onlar müharibə veteranıdır.
Azərbaycan Respublikasının Konstitusiyasına və qanunlarına əməl edilməsi, Hərbi Andın, hərbi və daxili qoşunların döyüş xidməti nizamnamələrinin eləcə də hərbi qulluqçuların etik davranış kodeksinin tələblərinin, əmr və sərəncamların dəqiq və sözsüz yerinə yetirilməsi işində mayor İradə İsmayılova bir çox hərbi qulluqçulara daimə nümunə olmuşdur.
Mayor İradə İsmayılova Din -in Daxili Qoşunlarda xidmət etdiyi illər ərzində Daxili Qoşunların Baş İdarəsində və hərbi hissələrində keçirilən bir çox təlim-metodiki toplanışlarda, müvafiq ixtisas artırma kurslarında, hərbi və xüsusi - taktiki təlimlərdə, seminar və konfranslarda fəal iştirak etməsi sayəsində bu sahədə bilik və baçarıqlarını maksimal təhkimləşdirib və beləcə İradə xanım Daxili Qoşunlarda özünu son dərəcə faydalı kadr olaraq təsdiq etmişdir.
İradə xanım Qanunvericiliklə müəyyən olunmuş qaydada Daxili Qoşunlara həvalə olunmuş vəzifə və tapşırıqların öhdəsindən layiqincə gəlmişdir.Ona verlən tapşırıqları hər zaman vicdanla icra etmişdir.
Hərbi, iş və tələbə yoldaşları İradə xanımı vətənpərvər, qorxmaz, səxavətli, insanpərvər, əliaçıq və zəhmətkeş zabit kimi dəyərləndirirlər. O, istər təhsil aldıgı orta və ali təhsil müəssisələrində, istər xidmət etdiyi və çalışdığı mühitdə, istərsə də dost -tanış , qohum- əqraba arasında özünə böyük hörmət qazanıb.
Öz vəzifələrinin icrası zamanı yüksək mənəvi- döyüş keyfiyyətləri göstərdiyinə, döyüş və ictimai siyasi hazırlığında, hərbi intizamın möhkəmləndirilməsində yüksək göstəricilərə nail olduğuna və səmərəli fəaliyyətinə görə Daxili İşlər Nazirinin, Daxili Qoşunlar Komandanın və onun müavinlərinin, Ali Hərbi məktəb rəisinin , hərbi hissə komandirinin, şöbə (kafedera) rəisinin müvafiq əmrləri ilə, əla xidmətlərə görə əlacı və yubiley döş nişanları ilə təltif olunub, bir çox fəxri fərmanlarla, qiymətli hədiyyələr ilə mükafatlandırlıb və ona təşəkkür elan edilib.
Azərbaycan Respublikasının müstəqilliyinin,ərazi bütövlüyünün qorunub saxlanmasında, respublikada əmin- amanlığın təmin edilməsində, ictimai əsayişin qorunmasında, cinayətkarlığa qarşı mübarizədə öz xidməti vəzifələrini və hərbi hissənin (Ali hərbi məktəbin) qarşısında qoyulmuş tapşırıqları yerinə yetirərkən fəriqləndiyinə görə aşağıdakı medallarla təltif olunub:
1. “Qüsursuz xidmətə görə”1-ci dərəcəli medal -Silahlı qüvvələrdə 20 təqvim ili xidmətə görə;
2. “ Qusursuz xidmətə görə” 2-ci dərəcəli medal - Silahlı Qüvvələrdə 15 təqvim ili xidmətə görə ;
3.”Qusursuz xidmətə görə” 3- cü dərəcəli medal- Silahlı Qüvvələrdə -10 təqvim ili xidmətə görə;
4. “ Azərbaycan Respubilkası Silahlı Qüvvələrinin 10 illiyi (1991- 2001) “ yubiley medalı ilə;
5. “Azərbaycan Respubilkası Silahlı Qüvvələrinin 90 -illiyi (1918- 2008)”yubiley medalı ilə;
6. “Azərbaycan Respubilkası Silahlı Qüvvələrinin 95 illiyi (1918- 2013 )” yubiley medalı ilə.
Vətənin qeyrətli qızı İradə xanımı 60- illik yubiley günü münasibətilə Daxili İşlər Nazirliyi Daxili Qoşunların ehtiyatda və istefada olan zabitləri,doğmaları,əzizləri, yaxınları və iş yoldaşları səmimi qəlbdən təbrik edir, ona möhkəm cansağlığı,könül xoşbəxtliyi və bütün işlərində uğurlar arzulayırlar.
Atalar, xeyirlə şər qardaşdır - deyiblər…
22 may həm də İradə xanımın atasının dünyasını dəyişməsinin 2-cu il dönümüdür. Bu münasbətlə başnız sağ olsun -deyib, İradə xanımın kədərinə şərik olduğmuzu bildiririk.Allah rəhmət eləsin, məkanı cənnət olsun.Amin!
İradə Xanım 60 illik yubileyniz mübarək!
Allah sizə və ailənizə bu dünyada bütün xoşbəxtliyi nəsib etsin.
Azərbaycan Respubilkasının Silahlı Qüvvələr və Müharibə Veteranı
polkovnik Salman Musayev.
Hiç yorum yok:
Yorum Gönder