Ələskərov Ələkbər Hacıağa oğlu Azərbaycanın görkəmli teatr və kino aktyoru, SSRİ xalq artisti ad günüdür.

Ələsgər Ələkbərov 26 mart 1910-cu ildə Bakıda anadan olub. Məktəbdə oxuduğu illərdə Əbilov klubundakı dram dərnəyinə getməyə başlayıb. 1927-1930-cu illərdə Bakıdakı Teatr Texnikumunda təhsil alıb. Sonra Bakı Türk İşçi Teatrında çalışıb, burada Hacı Baxşəli ("Ölülər"), ikinci bələdiyyə ("Hücum") kimi yaddaqalan obrazlar yaradıb. Teatrda işlədiyi illərdə aktrisa Hökümə Qurbanova ilə ailə həyatı qurub. Bu evlilikdən onların Nailə adlı qız övladları dünyaya gəlib. 1933-cü ildə Bakı Türk İşçi Teatrı Gəncəyə köçürülərkən gənc ailə də Bakıdan Gəncəyə köçüb. Amma çox keçməmiş onların ailəsi dağılıb.

Hökumə Qurbanovadan ayrılandan sonra bir rus qızı ilə evlənib. Bir neçə il Tbilisi Azərbaycan Teatrında, Kirovabad Teatrında çalışıb, 1933-cü ildən Akademik Dram Teatrında işləməyə başlayıb. Teatrda Maktuf ("Maqbet"), şah Zeyir ("Şahnamə"), Aydın ("Aydın"), Heydərbəy ("1905-ci ildə"), Fərhad ("Fərhad və Şirin") və s. onlarla rol oynayıb. Yaratdığı iki obraz - Vaqif ("Vaqif") və Otello ("Otello") yaradıcılığının zirvəsi hesab olunur. Aktyor həm də bir sıra filmlərdə rol alıb. Dovjenko adına Kiyev kinostudiyasında çəkilən "Varislər" filmində don Aqilla rolunu uğurla oynayıb (1960). Azərbaycan kinosunda Rüstəm kişi ("Böyük dayaq"), Fətəli xan ("Fətəli xan") kimi yaddaqalan rollarda oynayıb. "Lətif", "Almaz", "Kəndlilər", "Leyli və Məcnun", "Uzaq sahillərdə" filmlərində rollar alıb. 1961-ci ildə SSRİ xalq artisti adına layiq görülüb.

31 yanvar 1963-cü ildə vəfat edib.

Adlar və mükafatlar

Azərbaycan SSRİ əməkdar artisti (1938)

Azərbaycan SSRİ Xalq artisti (1940)

SSRİ Xalq artisti (1961)

Azərbaycan SSRİ dövlət mükafatçısı

Lenin Ordeni (22.07.1949)

2 Qırmızı Əmək Bayrağı ordeni (25.02.1946; 09.06.1959)

"1941-1945-ci illərdəki Böyük Vətən Müharibəsində şücaətli işinə görə" medalı

Teatr səhnəsindəki rolları

Makduf (Makbet, Vilyam Şekspir)

Vaqif (Vaqif, Səməd Vurğun)

Fərhad (Fərhad və Şirin, S.Vurğun)

Otello (Otello, V.Şekspir)

Xanlar (Xanlar, S.Vurğun)

Minnətov (Vəfa, Rəsul Rza)

Alxan (Bahar suları, İlyas Əfəndiyev)

Yusif (Məhəbbət, Mirzə İbrahimov)

Filmoqrafiya

Ağasadıq Gəraybəyli (film, 1974)

Aktrisanın təbəssümü (film, 1974)

Almaz (film, 1936)(tammetrajlı bədii film)-rol: Fuad

Altıncı hiss (film, 1935) - mühəndis Heydər

Bizim küçə (film, 1961)

Böyük dayaq (film, 1962)

Fətəli xan (film, 1947)

Kəndlilər (film, 1939)

Kölgələr sürünür (film, 1958)

Qara daşlar (film, 1956)

Qızmar günəş altında (film, 1957)

Qüdsi (film, 2007)

Lətif (film, 1930) - Kolxoz sədri

Leyli və Məcnun (film, 1961)

Ögey ana (film, 1958)

Onlar belə sevirdilər (veriliş, 2007)

Rənglərdə yaşayan kino (veriliş, 2009)

Səhər (film, 1960)

Sovqat (film, 1942)

Uzaq sahillərdə (film, 1958)

Vulkan üzərində ev (film, 1929)

Yeni horizont (film, 1940)