Fikrət Əliyevin anım günüdür

Fikrət Balağa oğlu Əliyev Bakıda anadan olub. M.A.Əliyev adına Azərbaycan Dövlət İncəsənət İnstitutunun aktyorluq fakültəsində (1962-1966, Adil İsgəndərovun kursu), Moskvada Ümumittifaq Dövlət Kinematoqrafiya İnstitutunun Ali ssenari və rejissorluq kurslarında (1971-1972) təhsil alıb. 1972-ci ildən “Azərbaycanfilm” kinostudiyasında işləyib. “Mozalan” satirik kinojurnalında 20-yə yaxın süjetin müəllifidir. Lider Televiziyasının dublyaj redaksiyasında çalışıb (2003-2008). Əməkdar incəsənət xadimi (2005) Fikrət Əliyev 2016-cı ildə vəfat edib, Əmircan qəbiristanlığında dəfn olunub.

Filmoqrafiya:

İnsan məskən salır (1967, tammetrajlı bədii film) – rejissor assistenti, aktyor (həkim)

Torpaq. Dəniz. Od. Səma. (1967, tammetrajlı bədii film) – aktyor (Murad)

Uşaqlığın son gecəsi (1968, tammetrajlı bədii film) – ikinci rejissor

Dəli Kür (1969, tammetrajlı bədii film) – aktyor (Şamxal)

Gün keçdi (1971, tammetrajlı bədii film) – ikinci rejissor

Ömrün səhifələri (II) – Baladadaşın ilk məhəbbəti (1974, tammetrajlı bədii film, kinoalmanax) – rejissor

Ürək... Ürək... (1976, tammetrajlı bədii film) – ikinci rejissor

Arvadım mənim, uşaqlarım mənim (1978, tammetrajlı bədii film, kino-almanax) – ikinci rejissor

Qızıl uçurum (1980, tammetrajlı bədii film) – rejissor

Azərbaycanda qoyunçuluq (1982, qısametrajlı sənədli film) – rejissor

Qoca palıdın nağılı (1984, tammetrajlı bədii film) – rejissor