Azərbaycan SSR xalq artisti Əliağa Ağayevin ad günüdür.

                                         

  1913-cü ildə Bakıda anadan olub. 

7-ci sinfi bitirərək Paris kommunası adına gəmi təmiri zavodu nəzdindəki sənət məktəbində oxuyub və iki il sonra zavodda əmək fəaliyyətinə başlayıb. Əliağa Ağayev tezliklə zavodun dram dərnəyinə yazılıb. Onun burada ilk rolu Hacı Qara olub. Əliağa Ağayev 1936-cı ildə Gənc Tamaşaçılar Teatrının kollektivinə daxil olub. Peşəkar teatrda səhnəyə ilk dəfə Jül Vernin "Kapitan Qrantın uşaqları" dramının tamaşasında çıxıb. Müxtəlif çeşidli rolları, xüsusən də "O olmasın, bu olsun" bədii filmindəki Məşədi İbad obrazı ilə respublikadan kənarda da şöhrət qazanan Əliağa Ağayev 1961-ci ilin payızında Akademik Milli Dram Teatrının kollektivinə qəbul olunub. Sənətdə qazandığı uğurlara görə Əliağa Ağayev respublikanın əməkdar və xalq artisti fəxri adlarına layiq görülüb. O, 13 noyabr 1983-cü ildə vəfat edib