Tarix boyu həkimlik sənətinə ülvi bir peşə, həkimə isə müqəddəs bir şəxs kimi yanaşılmışdır. Sənətini mükəmməl bilən, insanların sağlamlığının keşiyində ləyaqətlə duran, onların qayğısına qalan həkimlərin xətri el-obada həmişə əziz tutulmuşdur. Hətta el arasında müdrik və mütərəqqi adamları loğmanla müqayisə edirdilər.
Həkim adını daşımaq nə qədər məsuliyyətli olsa da, bir o qədər də şərəflidir. Xalqın səhhətini qorumaq, hər kəsin öz sağlamlığını və həyatını etibar edəcəkləri qədər inamını qazanmaq hər insana nəsib olmur. Möcüzəli əlləri ilə insanlara şəfa bəxş edərək, xarakteri ilə səhhətlərində yaranmış problemlərini unutduraraq onların ehtiramını qazanmaq həkimlərin peşə vəzifələrinin ən ümdə məqamlarından biridir.Faiq həkim də öz davranışı, dürüstlüyü, insanpərvərliyi, qayğıkeşliyi və insanlara sağlamlıq, eləcə də gözəl təbəssüm bəxş etmək məharəti ilə onların etibarını və rəğbətini qazanmış həkimlərdəndir. Təsadüfi deyil ki, pasientləri (onu tanyanlar) Faiq həkim barəsində danışanda deyirlər ki, “gözəl insandır və “əlləri qızıldır”.
İnsanlara yeni həyat, yaşamaq sevinc bəxş edən sayılb- seçilən həkimlərmizdən bir olan, ali dərəcəli həkim- istefada olan tibb xidməti polkovnik-leytenatı Əliyev Faiq Suleyman oğlu 24 fevral 1952-ci il tarixdə Şəki şəhərində anadan olub.Şəki şəhərində zəhmətkeş ailədə dünyaya gələn Faiq həkim qədirbilən övlad, güvənilən qardaş, sevimli həyat yoldaşı və qayğıkeş atadır
Orta təhsilini Bakı şəhəri 102 saylı orta məktəbdə uğurla başa vuran Faiq Əliyev 1976-cı ildə Azərbaycan Dövlət Tibb İnstitutunu müvəffəqiyyətlə bitirib. Faiq həkim dəfələrlə həm ölkəmizdə, həmdə müxtəlif dövlətlərdə müvafiq ixtisasartırma kurslarında,seminarlarda,kongreslərdə,hərbi xüsusi- taktiki təlimlərdə, metodiki toplanışlarda,simpoziumlarda fəal iştirak edib.
Silahdaşlarının yadaşında fədakar həkim və döyüşcü kimi qalan Faiq Əliyev 1993-cü illin mart ayına kimi Daxili ilşər nazirliyin Bakı şəhərində yerləşən islah -əmək müəssisələrin birində həkim,məntəqə rəisi və tibb xidmət rəisi vəzifələrdə calışmışdır.
Hippokrat andına həmişə sadiq qalan Faiq həkim 1992-ci ilin mart ayının 17-dən Daxili işlər nazirinin müvafiq əmri ilə Daxili işlər nazirliyi Daxili Qoşunların Baş İdarəsinin tibb şöbə rəisinin müavini vəzifəsinə təyin olunmuşdur.
Daxili işlər nazirliyin İslah-Əmək Müəssisələrinin və Daxili Qoşunların Baş İdarəsinin həyatında tibb xidməti sahəsində öz dəst -xətti və xüsusi xidmətləri olan, tibb xidməti polkovnik leytenantı Faiq Əliyev 1992-1999 -cu illərdə Daxili işlər nazirliyi Daxili Qoşunların Tibb şöbəsinin rəis müavini vəzifəsində Vətənə və xalqa sədaqətlə xudmət etmişdir.Faiq həkim Daxili Qoşunlarda xidmət etdiyi dövrdə bir müddət Daxili Qoşunların hərbi hospital rəisi vəzifəsini icra etmişdir.Faiq həkim Daxili Qoşunların Baş İdarəsindən Silahlı Qüvvələrə buraxıldıqdan sonra 2000-ci ildən etibarən, Mərkəzi Nefitcilər (Neft Kəşfiyyat) Xəstəxanasında həmkarlar ittifaqı şöbəsinin midru kimi fəaliyyətini davam etdirir.
Faiq həkim Azərbaycan Respubilkasının Konstitusiyasına və qanunlarına əməl edilməsi,Hərbi Andın, hərbi və daxili işlər nazirliyi daxili qoşunların döyüş xidməti nizamnamələrinin eləcə də tibb işçilərinin əxlaqı kodeksinin tələblərinin dəqiq və sözsüz yerinə yetirilməsi işində öz tabeliyində olan bir cox hərbi qulluqculara və həkimlərə şəxsi nümünə olmuşdur.
Faiq həkim Daxili Qoşunlarda xidmət etdiyi illər ərzində Qanunvericiliklə müəyyən olunmuş qaydada Daxili işlər nazirliyi Daxili Qoşunlarına və Tibb şöbəsinə həvalə olunmuş vəzifə və tapşrıqları ləyaqətlə yerinə yetirmişdir.O,Azərbaycanln ərazi bütövlüyü uğrunda (Ağdam,Ağdərə və Füzuli rayonları istiqamətində) gedən döyüşlərdə fəal iştirak edərək yüzlərlə yaralılara,xəstələrə ilkin yardım göstərmişdir.
Səmərəli fəaliyyətinə görə Daxili işlər naziri və onun müavinlərinin,Daxili Qoşunlar komandanın,Daxili işlər nazirliyin Tibb idarə rəisinin, islah-əmək müəsissə rəisinin müvafiq əmirləri ilə bir sıra medallarla, dəfəllərlə diplomlarla, fərmanlarla və qiymətli hədiyyələrlə mükafatlandırlıb və ona təşəkkur elan olunmuşdur
Bu gün şərəfli ömür yolu keçmiş, insanların sağlamlığını ləyaqətlə qorumuş və savadlı mütəxəssis, gözəl insan və qayğikeş həkim kimi kiçikdən-böyüyə onu tanıyanların hər birinin dərin rəğbətini qazanmış Faiq Əliyevin anadan olmasının 72-ci ildönümüdür.Daimi həyatın bütün cətinliklərindən alını açıq və üzüağ çıxan Faiq həkimi belə bir əlamətdar gün münasibəti ilə Daxili işlər nazirliyi Daxili Qoşunların ehtiyatda və istefada olan zabitləri, (tibb işciləri), doğmaları, əzizləri, yaxın qohumları,döyüş və iş yoldaşları ürəkdən təbrik edir, ona uzun ömür, möhkəm cansağlığı, firavan həyat, ailə səadəti və hərtərəfli uğurlar diləyirlər.
Doğum günün mübarək olsun Faiq həkim!
100 yaşa sağlam yaşa.
Azərbaycan Respublikasının Silahlı Qüvvələri və Müharubə Veteranı polkovnik Salman Musayev
Hiç yorum yok:
Yorum Gönder