Əməkdar artist, Gənc Tamaşaçılar Teatrının aktrisası Nəsibə Novruz qızı Eldarovanın ad günüdür.

15 yanvar Bakı şəhərində doğulub. 1975-ci ildə Azərbaycan Dövlət İncəsənət İnstitutuna dram-kino aktyorluğu fakültəsinə daxil olub, 1982-ci ildə institutu bitirib və «Azərbaycanfilm» kinostudiyasının nəzdində kino-aktyor teatrında aktrisa vəzifəsində çalışıb. 1989-cu ildən Azərbaycan Dövlət Gənclər teatrının, 2009-cu ildən Azərbaycan Dövlət Gənc Tamaşaçılar Teatrının aktrisasıdır. 2001-ci ildə P.Merimenin «Karmen» tamaşasında Karmen roluna görə «Qızıl Dərviş» mükafatına layiq görülüb. 2013-cü ilin iyun ayının 25-də Azərbaycan Respublikasının Mədəniyyət və Turizm Nazirliyinin «Fəxri Mədəniyyət İşçisi» döş nişanı ilə təltif olunmuşdur. 2014-cü ilin mart ayının 7-də Azərbaycan Respublikasının Əməkdar Artisti fəxri adına layiq görülmüşdür.