Tahir Qorxmaz oğlu İmanov Azərbaycanın əməkdar artisti, aktyor, "Parni iz Baku" KVN komandasının keçmiş üzvü, "Planet Parni iz Baku" KVN teatrının bədii rəhbəri, rejissorunun ad günüdür.

Tahir İmanov 13 dekabr 1974-cü ildə Bakı şəhərində anadan olub. 1981–1991-ci illərdə Bakı şəhəri 189 saylı məktəbdə oxuyub. 1991-ci ildə Azərbaycan Dövlət İqtisad İnstitutuna qəbul olub və 1996-cı ildə həmin institutu bitirib. İxtisasca iqtisadçıdır. 1991-2001-ci illərdə "Parni iz Baku" KVN komandasının üzvü olub. 1992-ci ildə KVN çempionu, 1995-ci ildə KVN "Yay Kubokunun" sahibi və 2000-ci il KVN "Əsrin Çempionu" olmuşdur.

2001-ci ildə "Planet Parni iz Baku" KVN Teatrını yaradıb. Hazırda həmin teatrın bədii rəhbəri və rejissoru və aktyorudur.

Azərbaycanın əməkdar artisti, aktyor Cabir İmanovun qardaşıdır.

Azərbaycanın xalq artisti, bəstəkar Süleyman Ələsgərovun nəvəsidir