İnsan üçün ən yadda qalan tarixlərdən biri onun doğum günüdür. Belə insanlardan biri də peşəkarlığı, humanistliyi, sadəliyi ilə seçilən müharibə veteranımız İbrahim Allahverdiyevdir.İyul ayının 1 - də onun 68 yaşı tamam olur.
Daimi həyatın imtahanlarından alnıaçıq və üzüağ çıxan müharibə veteranımız- istefada olan polkovnik-leytenant İbrahim Allahverdiyevi doğum günü münasibətilə"Azərbaycan Vətən Müharibəsi Veteranları " İctimai Birliyinin rəhbərliyi, Daxili Qoşunların hərbi vəzifəliləri, doğmaları, iş və döyüşcü yoldaşları səmimi qəlbdən təbrik edir,səbəbkara həyatda insan ücün ən şirin nemət olan möhkəm cansağlığı və həyat yollarında bitib- tükənməyən naliyyətlər arzu edib deyirlər, İbrahim qoy yaşının üstə gələn bu yaş da ona sevinc dolu illər bəxş etsin, hər yeni günün isə səni istəklərinə qovuşduraraq daha da xoşbəxt etsin.
Allahverdiyev İbrahim Hümbət oğlu 1955 -ci ilin iyun ayının 1- də Azərbaycan Respublikasının Saatlı rayonunun Kirov kəndində zəhmətkeş ailədə anadan olub.
1975 - ci ildə Saatlı rayon təhsil İdarəsi üzrə Kirov kənd orta məktəbi, 1983 -cü ildə S.M Kirov adına Azərbaycan Dövlət Ünverstetinin kitabxanaşünas- blioqraf fakultəsini bitirib.O,Daxili Qoşunlarda xidmət etdiyi illər ərzində Daxili Qoşunların Baş İdarəsində və hərbi hissələrində keçirilən bir çox metodiki- təlim toplanışlarında, müvafiq kurslarda, xüsusi taktiki təlimlərdə, seminar və konfranslarda fəal iştirak edib.
1975-1977 - ci illərdə SSRİ Daxili İşlər Nazirliyi Daxili Qoşunlarında müddətli həqiqi hərbi xidmətə olub
1983-1991 -ci illərdə S.M.Kirov adına Maşınqayırma zavodunda müxtəlif vəzifələrdə və komsomol təşkilatın katibi, " Salyut " Pioner düşərgəsinin rəisi vəzifələrində işləyib.
1992-2007 - ci illərdə Azərbaycan Respublikasının Daxili İşlər Nazirliyi Daxili Qoşunların Bas İdarəsinin Ağdam, Nərimanov Xacmaz və Xəzər rayonlarında, Gəncə şəhərində yerləşən hərbi hissələrində və Ali Hərbi Məktəbdə klub rəisi, təlimatçı, tərbiyə bölməsinin rəisi -baş təlimatçı, hərbi hissə komandirinin tərbiyəvi işlər üzrə müavini və baş müəllim vəzifələrində Vətənə və xalqa sədaqətlə xidmət edib.
İbrahim Allahverdiyev 2009 - 2022 ci illərdə Sabuncu rayonu üzrə Bakı şəhər Təhsil idarəsinin 81 nömrəli tam orta məktəbində hərbi rəhbər- müəllim vəzifəsində çalışıb.
Qanunvericilik ilə Daxil İşlər Nazirliyinin Daxili Qoşunlarına həvalə edilmiş vəzifələrin yerinə yetirilməsində, yaşayış məntəqələrində (cəzaçəkmə müəssisələrində) baş vermiş kütləvi iğtişaşların qarşısının alınmasında, cinayətkarlığa qarşı mübarizədə, silahlı birləşmiş dəstələrin axtarışında və zərərsizləşdirilməsində, fövqalədə hallar zamanı hüquqi rejimin təmin edilməsində, baş vermiş təbii fəlakətlərin nəticələrinin aradan qaldırılmasında, şəhərdə və yaşayış məntəqələrində, kütləvi tədbirlərin kecirilmə yerlərində ictimai asayişin təmin edilməsundə və ictimai təhlükəsizliyin təmin olunmasında, dövlətətin ərazi bütövlüyünün təmin edilməsində üzərinə düşən vəzifə və tapşırıqların öhdəsindən layiqincə gəlmişdir.
O, Daxil Qoşunlarda xidmət etdiyi illər ərzində öz tabeliyində olanlara Azərbaycan Respublikasının Konstitusiyasına və qanunlarına əməl edilməsi, Hərbi Andın, hərbi və daxili qoşunların döyüş xidməti nizamnamələrinin tələblərinin, əmr və sərancamlarının dəqiq və sözsüz yerinə yetirilməsi işində daimi nümunə olmuşdur.
Azərbaycanın ərazi bütövlüyü uğrunda ( Ağdərə, Ağdam, Füzuli rayonları istiqamətində) gedən döyüşlərdə iştirak edərək ona həvalə edilmiş vəzifə və tapşırıqların öhdəsindən layiqincə gəlmişdir.
Hərbi və müəllim yoldaşları onu vətənpərvər, qorxmaz, səxavətli, insanpərvər, əliaçıq və zəhmətkeş zabit kimi dəyərləndirirlər. O, istər təhsil aldıgı orta və ali təhsil müəssisələrində, istər xidmət etdiyi və çalışdığı mühitdə, istərsə də dost - tanış , qohum - əqraba arasında özünə böyük hörmət qazanıb.
Xidməti vəzifələrin yerinə yetirilməsinə məsuliyyətlə yanaşdığına və nümnəvi xidmətlərinə görə Daxili İşlər Nazirinin, Daxili Qoşunlar Komandanın və onun müavinlərinin, Daxili Qoşunların məktəb rəisinin , hərbi hissə komandirinin müvafiq əmrləri ilə əla xidmətələrə görə əlacı döş və yubiley nişanları ilə ,bir çox fərmanlarla, qiymətli hədiyyələrlə mükafatlandırıb və ona təşəkkür elan edilib.
Azərbaycan Respublikasının müstəqilliyinin , ərazi bütövlüyünün qorunub saxlanmasında, respublikada əmin - amanlığın təmin edilməsində, ictimai asayişin qorunmasında, cinayətkarlığa qarşı mübarizədə öz xidməti vəzifələrini və hərbi hissənin qarşısında qoyulmuş tapşırıqları yerinə yetirərkən fəriqləndiyinə görə aşağıdakı medalarla təltif olunub:
1."Azərbaycan Respubilkası Silahlı Qüvvələrinin yaranmasının 10 illiyi (1991 - 2001)” yubiley medalı ilə;
2."Qüsursuz xidmətə görə"2-ci dərəcəli medal - Silahlı Qüvvələrdə 15 təqvim ili xidmətə görə,
3."Azərbaycan Respubilkası Silahlı Qüvvələrinin yaranmasının 90 illiyi( 1918 - 2008)” yubiley medalı ilə;
4".Qüsursuz xidmətə görə 3-cü dərəcəli medal - Silahlı Qüvvələrdə 10 təqvim ili xidmətə görə,
İBRAHİM 68 YAŞIN MÜBARƏK !!!
HƏMİŞƏ ÜZÜN GÜLSÜN, ÜRƏYİN SEVİNSİN!
BÜTÜN ARZULARIN ÇİN OLSUN!
ALLAH HƏR ZAMAN QƏLBİNİ SIXINTIDAN, BƏDBİNLİKDƏN QORUSUN!
Azərbaycan Vətən Müharibəsi Veteranları İctimai Birliyi sədrinin hüquqi işlər üzrə müavini polkovnik Salman Musayev
Hiç yorum yok:
Yorum Gönder