Müharibə veteranlarına, şəhid ailələrinə və qazilərə hər zaman göstərdiyi həssas və qayğıkeş münasibətə görə Quba rayon Qırmızı Qəsəbə bələdiyyəsinin sədri Yedadayeva Yafo Ariilovna Azaycan Vətən Müharibəsi Veteranları İctimai Birliyinin (AVMVİB) fəxri üzvlüyünə qəbul edilib və Xatirə medalıyla təltif olunub. Təlitifolma mərasimində AVMVİB-in sədr müavini Vahid Abdurrəhmanov, Nəzarət-Təftiş Komitəsinin sədri Niyazi Quliyev və «Tərəqqi» medalı mükafatçısı şairə-publisist, «Vedibasar» qəzetinin redaktoru, Azərbaycan Vətən Müharibəsi Veteranları İctimai Birliyinin (AVMVİB) sədrinin İdeoloji məsələlər üzrə müşaviri Nəsibə İsrafilqızı iştirak etmişlər. Üzvlük vəsiqəsini və medalı xanım bələdiyyə sədrinə Azərbaycan Vətən Müharibəsi Veteranları İctimai Birliyinin sədri Füzuli Rzaquliyev təqdim etmişdir. O vurğulamışdır ki, ziyalı və vətənpərvər bir şəxs kimi xanım Yafo Ariilovna Vətən müharibəsi iştirakçılarına, şəhid ailələrinə və qazilərin problemlərinə daim diqqətlə yanaşmış, onlara qayğısını əsirgəməmişdir. AVMVİB-in sədri xanım bələdiyyə sədrin təbrik edərək, Yafo Ariilovnaya şəhid ailələri ,qazilərə və veteranlara göstərdiyi diqqət və qayğıya görə dərin minnətdarlıqlarını bildirmişdi. Yafo Ariilovna AVMVİB tərəfindən ona təqdim ediln medalın onun üçün dəyərli olduğunu və mənəvi əhəmiyyət kəsb etdiyini dilə gətirmiş, AVMVİB-in İdarə Heyətinin üzvlərinə və bütün veteranlarına öz təşəkkürünü bildirmişdir.
Hiç yorum yok:
Yorum Gönder