Daxili İşlər Nazirliyi Daxili Qoşunların həyatında öz dəst - xətti olan, yüksək peşəkarlığı, humanistliyi, dərin zəkası, gözəl nitq qabiliyyəti, vətənpərvərliyi, sadəliyi, səmimiyyəti , dəqiqliyi, təmkinliyi, insanpərvərliyi və təşkilatclıq bacarığı ilə seçilən, ömrünün ən məhsuldar dövrünü Daxili Qoşunlarda keçirən hörmətli veteranmız- ehtiyatda olan mayor İsgəndərov Sənan Sadiq oğlunun iyun ayının 9 - da 50 yaşı tamam olur.
Daimi həyatın imtahanlarından alnıacıq və üzüağ cıxan mayor İsgəndərov Sənan Sadiq oğlunu belə bir əlamətdar gün münasibətilə Azərbaycan Vətən Müharibəsi Veteranları İctimai Birliyinin (AVMVİB) rəhbərliyi, Din-in Daxili Qoşunların hərbi vəzifəliləri, doğmaları,dostları,onun iş və doyüşcü yoldaşları səmimi qəlbdən təbrik edir,səbəbkara həyatda insan üçün ən şirin nemət olan möhkəm cansağlığı və həyat yollarında bitib - tükənməyən naliyyətlər arzu edib deyirlər, Sənan qoy hər yeni yaşınız sizə sevincdolu illər bəxş etsin, hər yeni günüz isə səni istəklərinizə qovuşduraraq daha da xoşbəxt etsin.
Mayor İsgəndərov Sənan Sadiq oğlu oğlu 1973 - ci ilin iyun ayının 9-da Sumqayıt şəhərində zəhmətkeş anadan olub.
1990-cı ildə Sumqayıt şəhərində tam orta məktəbi, 1995 -ci ildə isə Azərbaycan Texniki Üniverstetini bitirib. O, Daxili Qoşunlarda xidmət etdiyi illər ərzində Daxili Qoşunların Baş İdarəsində və hərbi hissələrində kecirlən bir çox təlim -metodiki toplanışlarında, xüsusi - taktiki təlimlərdə, nümunəvi göstərici məşğələlərdə, komanda -qərargah məşqlərində, müvafiq kurslarda, seminar və konfranslarda fəal iştirak edib.
1995- 1999- cü illərdə Azərbaycan Ordusunun Ağcabədi rayonunda yerləşən hərbi hissədə taqım komandiri, bölük komandirin müavini, 2004 - 2021 ci illərdə isə Daxili İşlər Nazirliyi Daxili Qoşunların Binəqədi, Quba, Hacqabul, Qaradağ rayonlarında yerləşən hərbi hissələrində və təlim- tədris mərkəzindəbölük komandirinin müavini böluk komandiri, avtomobil və zirehli texnika xidməti rəisi, təlim-tədris mərkəz rəisinin maddi- texniki təminat xidmətləri üzrə müavini vəzifələrində Vətənə, dövlətə və xalqa sədaqətlə xidmət edib.
Sənan Sadiq oğlu İsgəndərov 44 günlük vətən müharibəsində iştirak edərək ona həvalə edilmiş vəzifə və tapşırıqları şərəf və məsuliyyət hissi ilə yerinə yetirib. Müharibə Veteranıdır.
O, Daxil Qoşunlarda xidmət etdiyi illər ərzində öz tabeliyində olanlara Azərbaycan Respublikası Konstitusiyasına və qanunlarına əməl edilməsi, hərbi andın, hərbi və daxili qoşunların döyüş xidməti nizamnamələrinin tələblərinin, əmr və sərancamların dəqiq və sözsüz yerinə yetirilməsi işində daimi nümunə olmuşdur.
Qanunvericilik ilə Daxil işlər Nazirliyinin Daxili Qoşunlarına həvalə edilmiş vəzifələrin yerinə yetirilməsində, mühüm dövlət obyektlərin, xüsusi yüklərin mühafizə olunmasında yaşayış məntəqələrində (islah-əmək müəssisələrində) kütləvi iğtişaşların qarşısının alınmasında, cinayətkarlığa qarşı mübarizədə, birləşmiş silahlı dəstələrin axtarışında və zərərsizləşdirilməsində,şəhərlərdə və digər yaşayış məntəqələrində (kütləvi tədbirlərin keçirilmə yerlərində) ictimai asayişin qorunmasında və ictimai asayişin qorunmasında, fövqəladə hallar zamanı hüquqi rejimin təmin edilməsində, qəzaların,bədbəxt hadisələrin, yanğınların, təbii fəlakətlərin nəticələrinin aradan qaldırılmasında, dövlətin ərazi bütövlüyünün təmin edilməsində üzərinə düşən vəzifə və tapşırıqların öhtəsindən layiqincə gəlmişdir.
Öz vəzifələrinin yerinə yetirilməsinə məsuliyyətlə yanaşdığına görə SSRI və Azərbaycan Respublikası Daxili İşlər Nazırlərinin, Daxili Qoşunlar Komandanlarının və onun müavinlərinin, korpus və hərbi hissə komandirlərinin müvafiq əmrləri ilə əla xidmətlərə görə əlacı və yubiley döş nisanları ilə təltif olunub, bir cox fərmanlarla, qiymətli hədiyyələrlə mükafatlandırlıb və ona təşəkkür elan edilib.
Hərbi yoldaşları onu vətənpərvər, qorxmaz, səxavətli, əliacıq, zəhmətkeş, ən gözəl ailə başçısı, qətiyyətli, qayğıkeş insan və nüfuzlu zabit kimi dəyərləndirirlər. O, təhsil aldıgı orta və ali təhsil müəssisələrində, istərsə də xidmət etdiyi və çalışdığı mühitdə, istərsə də qohum- əqrəba, dost tanış arasında özünə layiqli hörmət qazanıb.
Azərbaycan Respublikasının müstəqilliyinin, ərazi bütövlüyünün qorunub saxlanmasında, Respublikada əmin - amanlığın təmin edilməsində, ictimai asayişin qorunmasında, cinayətkarlığa qarşı mübarizədə öz xidməti vəzifələrini və hərbi hissənin qarşısında qoyulmuş tapşırıqları yerinə yetirərkən fəriqləndiyinə görə Sənan İsgəndərov aşağıdakı medallarla təltif olunub:
1."Azərbaycan Respubilkası Silahlı Qüvvələrinin yaranmasının 90 illiyi ( 1918-2008)” yubiley medalı ilə;
2."Azərbaycan Respubilkası Silahlı Qüvvələrinin yaranmasının 95 illiyi ( 1918 - 2013 )” yubiley medalı ilə;
3."Qüsursuz xidmətə görə "3-cü dərəcəli medal -Silahlı Qüvvələrdə 10 təqvim ili xidmətə görə;
4."Qüsursuz xidmətə görə "2-ci dərəcəli medal -Silahlı Qüvvələrdə 15 təqvim ili xidmətə görə;
5."Qüsursuz xidmətə ğörə "1 -ci dərəcəli medalı -Silahlı Qüvvələrdə 20 təqvim ili xidmətə görə.
DOĞUM GÜNÜN MÜBARƏK OLSUN SƏNAN.
HƏMİŞƏ ÜZÜN GÜLSÜN, ÜRƏYİN SEVİNSİN!
Azərbaycan Vətən Müharibəsi Veteranları İctimai Birliyi sədrinin hüquqi işlər üzrə müavini polkovnik Salman Musayev
Hiç yorum yok:
Yorum Gönder