Yüksək peşəkarlığı, dərin zəkası, vətənpərvərliyi, sadəliyi, səmimiyyəti, təşkilatçılıq bacarığı və idarəçilik qabiliyyəti ilə seçilən polkovnik Azər Vidadi oğlu Yusifovun İyun ayının 22 -də 48 yaşı tamam olur.
Daimi həyatın bütün imtahanlarından alnıaçıq və üzüağ çıxan polkovnik Azər Yusifovu belə bir əlamətdar gün münasibətilə Daxili İşlər Nazirliyi Daxili Qoşunların hərbi vəzifəliləri , doğmaları,dostları və iş yoldaşları səmimi qəlbdən təbrik edir, həyata insan üçün ən şirin nemət olan möhkəm cansağlığı arzu edib deyirlər, Azər müəllim qoy yaşınızın üstə gələn bu yaşda sizə sevinc dolu illər bəxş etsin, hər yeni günüz isə səni istəklərinə qovuşduraraq daha da xoşbəxt etsin.
Polkovnik Azər Yusifov 1975 - ci ilin iyun ayının 22 -də Qərbi Azərbaycanın Zəngibasar mahalının (Zəngibasar rayonunun) Zəngilər kəndində zəhmətkeş ailədə anadan olub.
1992-ci ildə Bakı şəhər üzrə Təhsil İdarəsinin 96 saylı orta məktəbi, 1996 -cı ildə Azərbaycan Dövlət Pedaqoji Universitetinin hərbi və fiziki hazırlığ fakültəsini, 1998 - ci ildə Daxili İşlər Nazirliyinin Daxili Qoşunların Xəzər rayonunda yerləşən Tədris Mərkəzində zabitlərin ixtisas artırma kursunu, 2023 - cü ildə isə Bakı Dövlət Universitetini bitrib. O, Daxili İşlər Nazirliyinin Daxili Qoşunlarında xidmət etdiyi illər ərzində Daxili Qoşunların Bas İdarəsində və hərbi hissələrində keçirlən bir çox təlim- metodiki toplanışlarda, müvafiq kurslarda, xüsusi- taktiki təlimlərdə, seminar və konfranslarda fəal iştirak edib.
Azər Vidadi oğlu Yusifov 1996 - 2017 - ci illərdə Daxili İşlər Nazirliyi Daxili Qoşunların Bas İdarəsinin Binəqədi, Xətai, Nərimanov və Hacıqabul rayonunlarda yerləşən hərbi hissələrində (hərbi hospitalda) böluk komandirinin tərbiyəvi işlər üzrə müavini, böluk komandiri, tabor və hərbi hissə komandirinin (hospital rəisinin) tərbiyəvi işlər üzrə müavini vəzifəsində Vətənə, və xalqa sədaqətlə xidmət edib.Hal- hazırda polkovnik Azər Yusifov Azərbaycan Dövlət Miqrasiya Xidmətinin müvafiq strukturlarının birində şöbə rəisi vəzifəsində xidmət edir.
O, Daxil Qoşunlarda xidmət etdiyi illər ərzində öz tabeliyində olanlara Azərbaycan Respublikasının Konstitusiyasına və qanunlarına əməl edilməsi, Hərbi Andın, hərbi və daxili qoşunların döyüş xidməti nizamnamələrinin tələblərinin, əmr və sərancamların dəqiq və sözsüz yerinə yetirilməsi işində daimi nümunə olmuşdur.
Hərbi yoldaşları onu vətənpərvər, qorxmaz, səxavətli, insanpərvər, əliaçıq və zəhmətkeş zabit kimi dəyərləndirirlər. O, istər təhsil aldıgı orta və ali təhsil müəssisələrində, istər xidmət etdiyi və çalışdığı mühitdə, istərsə də dost - tanış , qohum - əqraba arasında özünə böyük hörmət qazanıb.
Qanunvericilik ilə Daxil İşlər Nazirliyinin Daxili Qoşunlarına və Azərbaycan Respubilkasının Dövlət Miqrasiya xidmətinə həvalə edilmiş vəzifələrin yerinə yetirilməsində, dövlətətin ərazi bütövlüyünün təmin edilməsində üzərinə düşən vəzifə və tapşırıqların öhdəsindən layiqincə gəlmişdir.
Xidməti vəzifələrin yerinə yetirilməsinə məsuliyyətlə yanaşdığına və nümnəvi xidmətlərinə görə Daxili İşlər Nazirinin, Daxili Qoşunlar Komandanın və onun müavinlərinin, Daxili Qoşunların məktəb rəisinin , hərbi hissə komandirinin müvafiq əmrləri ilə əla xidmətlərinə, döyüş və ictimai hazırlığına görə əla (əlacı) döş və yubiley nişanları ilə ,bir çox fəxri fərmanlarla, qiymətli hədiyyələrlə mükafatlandırıb və ona təşəkkür elan edilib.
Azərbaycan Respublikasının müstəqilliyinin , ərazi bütövlüyünün qorunub saxlanmasında, respublikada əmin - amanlığın təmin edilməsində, ictimai asayişin qorunmasında, cinayətkarlığa qarşı mübarizədə öz xidməti vəzifələrini və hərbi hissənin qarşısında qoyulmuş tapşırıqları yerinə yetirərkən fəriqləndiyinə görə aşağıdakı medallarla təltif olunub:
1."Azərbaycan Respubilkası Silahlı Qüvvələrinin yaranmasının 10 – illiyi (1991 - 2001)” yubiley medalı ilə;
2. " Hərbi xidmətlərə görə" medalı ilə;
3."Azərbaycan Respubilkası Silahlı Qüvvələrinin yaranmasının 90-illiyi (1918 - 2008)” yubiley medalı ilə;
4.”Qüsursuz xidmətə görə 1 -ci dərəcəli medalı- Silahlı Qüvvələrdə 20 təqvim il xidmətə görə;
5."Azərbaycan Respubilkası Silahlı Qüvvələrinin yaranmasının 95 illiyi (1918 - 2013)” yubiley medalı ilə;
6."Qüsursuz xidmətə görə " 2-ci dərəcəli medal - Silahlı Qüvvələrdə 15 təqvim ili xidmətə görə,
7."Qüsursuz xidmətə görə " 3-cü dərəcəli medal - Silahlı Qüvvələrdə 10 təqvim ili xidmətə görə,
AZƏR DOĞUM GÜNÜN MÜBARƏK !!!
ALLAH HƏR ZAMAN QƏLBİNİ SIXINTIDAN, BƏDBİNLİKDƏN QORUSUN!
BÜTÜN ARZULARIN ÇİN OLSUN!
HƏMİŞƏ ÜZÜN GÜLSÜN, ÜRƏYİN SEVİNSİN!
Azərbaycan Respubilkası Silahlı Qüvvələr və müharibə veteranı polkovnik Salman Musayev
Hiç yorum yok:
Yorum Gönder