Bakı metrosunun stansiyalarında rəislər dəyişdirilib

“Bakı Metropoliteni” QSC-nin bir neçə stansiyasının rəisi rotasiya qaydasında digər stansiyalara rəis təyin edilib.

Bakmiltv. İnfo xəbər verir ki, “Bakı Metropoliteni” QSC-nin sədri Zaur Hüseynov müvafiq əmr imzalayıb.

Belə ki, müvafiq əmrlərə əsasən, “8 Noyabr" stansiyasının sədri Yusif Şabanov “28 May” stansiyasına, “Qara Qarayev” stansiyasının rəisi İlqar Rüstəmov “Ulduz” stansiyasına, “Nizami” stansiyasının rəisi Vüsal Zehnalov “8 Noyabr” stansiyasına, “Nəsimi” stansiyasının rəisi Ramil Əliyev “Nizami” stansiyasına, “Sahil” stansiyasının rəisi Nurlan Nəbiyev “Nəsimi” stansiyasına, “Gənclik” stansiyasının rəisi Əli Mayılov “Sahil” stansiyasına, “Elmlər Akademiyası” stansiyasının rəisi Şaiq Heydərov “Gənclik” stansiyasına, “Neftçilər” stansiyasının rəisi Mehman İbrahimov “Qara Qarayev” stansiyasına, “Həzi Aslanov” stansiyasının rəisi Vidadi İbrahimov  “Xalqlar Dostluğu” stansiyasına, “Xalqlar Dostluğu” stansiyasının rəisi Kamal Talıbzadə “Dərnəgül” stansiyasına, “Dərnəgül” stansiyasının rəisi Faiq Həsənov “Elmlər Akademiyası” stansiyasına, “28 May” stansiyasının rəisi Mürtəcəb Qurbanov “Avtovağzal” stansiyasına, “Ulduz” stansiyasının rəisi Elxan Zeynalov “Şah İsmayıl Xətai” stansiyasına, “Koroğlu” stansiyasının rəisi Vadim Məmmədov “Əhmədli” stansiyasına, “Cəfər Cabbarlı” stansiyasının rəisi Nəsiman Səttarov “Neftçilər” stansiyasına, “Avtovağzal” stansiyanın rəisi Əlişan Əliyev “İnşaatçılar” stansiyasına, “Əhmədli” stansiyasının rəisi Cəmşid Cəfərov  “Koroğlu” stansiyasına, “İçərişəhər” stansiyasının rəisi Cümşüd Cəfərov “Həzi Aslanov” stansiyasına rəis təyin ediliblər.

Eləcə də metronun Bənövşəyi xəttinin “Memar Əcəmi" stansiyasının rəisi Niyaz Alıyev “Cəfər Cabbarlı” stansiyasına rəis təyin edilib. “20 yanvar” stansiyasının rəisi Elçin Süleymanov metronun Bənövşəyi xəttinin “Memar Əcəmi” stansiyasına rəis təyin edilib.

Metronun yalnız “Nəriman Nərimanov” stansiyasının rəisi  Arif Həsənli öz yerində vəzifəsini davam etdirir.

Xatırladaq ki, uzunluğu 40 km-ə çatan “Bakı Metropoliteni”nin 27 stansiyası var. Stansiyalardan ikisində “Bakmil” və “Xocasən” stansiyalarında rəis təyinatı yoxdur.